Digital Literacy (ဒစ်ဂျစ်တယ် စာပေတတ်မြောက်မှု) ဆိုတာဘာလဲ

“ခေတ်မီတောင်သူဖြစ်ဖို့ ဒစ်ဂျစ်တယ်နည်းပညာ လေ့လာစို့” အစီစဥ်လေးပြန်လည် ရောက်ရှိလာပြန်ပါပြီ ခင်ဗျ။ ယခင်တစ်ပတ်ကတော့ မတော်တဆ ဖုန်း ရေထဲကျသွားခဲ့ရင် ဘယ်လိုလုပ်ရမလဲ ဆိုတာ မျှဝေပေးခဲ့တာ ဖြစ်ပါတယ် ခင်ဗျ။ ယခုတစ်ပတ်မှာတော့ ဒစ်ဂျစ်တယ် စာပေတတ်မြောက်မှု အကြောင်းကို တောင်သူ ဦးလေး ဒေါ်လေးတို့အတွက် မျှဝေပေးသွားမှာ ဖြစ်ပါတယ်။

ယနေ့ နည်းပညာခေတ်မှာ အလုပ်အတွက်ဖြစ်စေ၊ ပညာရေးကြောင့်ဖြစ်စေ၊ မိမိကိုယ်တိုင် ဗဟုသုတရှာဖွေရာတွင် ဖြစ်စေ အင်တာနက်ကို ရှာဖွေမှုရဲ့ အရင်းအမြစ်အဖြစ် အသုံးပြုလာကြတာကြောင့် ဒစ်ဂျစ်တယ်စာပေကို ကျွမ်းကျင် တတ်မြောက်ဖို့လည်း လိုအပ်လာပါတယ်။ ဒစ်ဂျစ်တယ် စာပေတတ်မြောက်မှုဆိုတာ အသိပညာနဲ့ နည်းပညာဆိုင်ရာ ကျွမ်းကျင်မှုတွေအတွက်လိုအပ်နေတဲ့ သတင်းအချက်အလက်တွေကို ရှာဖွေဖို့၊ ခွဲခြမ်းစိတ်ဖြာ စစ်ဆေးနိုင်ဖို့၊ မှန်ကန်တဲ့ သတင်းအချက်အလက်တွေ ဖန်တီးနိုင်ဖို့၊ ယုံကြည်စိတ်ချရတဲ့ သတင်းအချက်အလက်တွေကို အချင်းချင်း မျှဝေ ဆက်သွယ်ဆောင်ရွက်နိုင်ဖို့အတွက် ICT (သတင်းအချက်အလက်နဲ့ ဆက်သွယ်ရေး နည်းပညာ) အသုံးပြုနိုင်တဲ့ စွမ်းရည်ကို ဆိုလိုပါတယ်။

ဒစ်ဂျစ်တယ် စာပေတတ်မြောက်မှု ရှိမယ်ဆိုရင် ဒစ်ဂျစ်တယ်နည်းပညာတွေကို အသုံးပြုပြီး သက်ဆိုင်ရာကဏ္ဍတွေမှာ ဘယ်လိုတိုးတက်အောင်ဆောင်ရွက်ရမလဲ၊ ဘယ်သတင်းအချက်အလက်တွေက အမှန်လဲ၊ အမှားလဲ ဆိုတာ ဆုံးဖြတ်နိုင်သလို လူအများဆီကိုလည်း မမှန်ကန်တဲ့ သတင်းအချက်အလက်တွေ မရောက်နိုင်အောင် ကာကွယ်ပေးနိုင်မှာဖြစ်ပါတယ်။ သတင်းမီဒီယာတွေနဲ့ ပတ်သတ်တဲ့ အခြေခံ သဘောတရားတွေကိုလည်း သိရှိလာမှာဖြစ်ပြီး လူမှုကွန်ယက်မီဒီယာတွေကိုလည်း အကျိုးရှိရှိနဲ့ အသုံးပြုလာနိုင်မှာပဲ ဖြစ်ပါတယ်။

ယခင်တစ်ပတ်ကဖော်ပြခဲ့တဲ့ မတော်တဆ ဖုန်း ရေထဲကျသွားခဲ့ရင် ဘယ်လိုလုပ်ရမလဲ ဆိုတဲ့ ဆောင်းပါလေးကို ပြန်လည်ဖတ်ရှုချင်ရင်တော့ ဖော်ပြပါ လင့်ကနေတစ်ဆင့် ဝင်ရောက်ဖတ်ရှုနိုင်ပါတယ် ခင်ဗျ။

ဖုန်းရေထဲ ကျသွားတဲ့အခါ ဘယ်လိုလုပ်ရမလဲ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...