စပါးတိုက်ရိုက် မျိုစေ့ချ အခြောက်စိုက်နည်း

ဆောင်ရွက်သင့်သည့်ဒေသ

မြန်မာပြည်အလယ်ပိုင်းနှင့် အထက်ပိုင်း မိုးကောင်းသောက်ဒေသများတွင် စပါးတိုက်ရိုက်မျိုးစေ့ချ အခြောက်စိုက်နည်းကို ကျင့်သုံး၍ စပါးကို အောင်မြင်စွာ စိုက်ပျိုးနိုင်ပါသည်။ အဆိုပါ ဒေသများတွင် မုတ်သုန်မိုးစတင်ချိန် မသေချာခြင်း၊ မိုးဉီးနောက်ကျခြင်း၊ မိုးရေကို လုံလောက်စွာ ပုံမှန်မရရှိခြင်းတို့ကြောင့် ပျိုးသက်ကြီးသွားခြင်း၊ ပျိုးပင်များသေကြေပျက်စီးခြင်းများ ဖြစ်ပေါ်တတ်သဖြင့် စပါးကို ပျိုးထောင်ကောက်စိုက်ရာတွင် အခက်အခဲများနှင့် ကြုံတွေ့ရတတ်ပါသည်။

မြေပြုပြင်ခြင်းနှင့် စိုက်ကြောင်းဖော်ခြင်း

ပထမဦးဆုံးရွာသောမိုးဖြင့် မြေတွင်းအစိုဓာတ် လုံလောက်စွာ ရရှိချိန်တွင် ထယ်ထိုးပါ။ ယခင်နှစ်က သီးနှံရိတ်သိမ်းပြီးလျှင်ပြီးခြင်း မိုးနှောင်းထယ်ရေး (သို့မဟုတ်) နွေထယ်ရေးခံထားခဲ့ပါက ပိုမိုလျင်မြန်စွာ အစိုဓာတ်ရရှိစေပြီး ထယ်ရေးကောင်းရရန်လွယ်ကူစေပါသည်။

ထယ်ရေးညက်ရန်နှင့် အမှိုက်သရိုက်များကို ဖယ်ရှားရန်အတွက် ထယ်ထိုးပြီးလျှင်ပြီးချင်း ထွန်မွှေပါ။ မြေတွင်းရှိ ပေါင်းမျိုးစေ့များမှ အပင်ပေါက်လာပြီး ပေါင်းမြက်များစုံလင်စွာ ပေါက်လာပါက ထပ်မံထယ်ထိုး၍ ထွန်ရေးညက်သည်အထိ အကြိမ်ကြိမ်ထွန်မွေပါ။ စပါးတိုက်ရိုက်မျိုးစေ့ချ စိုက်ပျိုးရာတွင် ပေါင်းပင်များ နှိမ်နင်းရန် အရေးကြီးသဖြင့် မျိုးစေ့ချစိုက်ပျိုးရန် စိုက်ကြောင်းများ မဖော်မီ ပေါင်းနှိမ်နင်းခြင်းကို အထူးအလေးထား ဆောင်ရွက်လိုသည်။ အခြေခံ မြေသြဇာများကို နောက်ဆုံးအကြိမ်မဝင်မီတွင် ထည့်သွင်းပါ။ ထွန်ရေးကောင်းစွာပြင်၍ ကြမ်းတုန်းရိုက်မြေညှိပြီးပါက ရှစ်လက်မမှ ဆယ်လက်မကြား စိုက်ကြောင်းများ ဆွဲပါ။ စိုက်ကြောင်းများဆွဲရာတွင် ရိုးရိုးထွန်ကိုပင် အသွားအရှည် ခြောက်လက်မခန့်ရှိစေပြီး ဆွဲနိုင်ပါသည်။ စိုက်ကြောင်းများအားလုံးသည် တစ်ခုနှင့်တစ်ခု အကွာအဝေးညီပြီး ဖြောင့်တန်းနေရပါမည်။

မျိုးစေ့ချစိုက်ပျိုးခြင်း

ဒေသအလိုက် သင့်တော်သော စပါးမျိုးကို အသုံးပြုပါ။ မိုးခေါင်ဒဏ်ခံနိုင်သော ယာ-၊ ယာ-၂ ထွန်း စပါးမျိုးများသက်တမ်းတိုသော ရွှေသွယ်ရင်၊ ရတနာအောင်၊ အိုင်အာ ၇၄၇၊ ထွန်းသီရိ ကဲ့သို့ စပါးမျိုးများကို အသုံးပြုနိုင်သည်။

အသုံးပြုသော မျိုးသည် သန့်စင်ကောင်းမွန်၍ အနည်းဆုံးအပင်ပေါက်ရာခိုင်နူန်း ၈၀ ရှိသော မျိုးစေ့များကိုသာ သုံးစွဲပါ။ အဖျင်းအမှော်စေ့များ၊ ပေါင်းမျိုးစေ့များနှင့် အခြားမလိုလားအပ်သော အမှိုက်သရိုက်များကို လှေ့၍ ဖယ်ထုတ်ပါ။

မျိုးစေ့များကို စိုက်ကြောင်းဖော်ထားသောမြေပေါ်တွင် တစ်ဧကလျှင် တစ်တင်းမှ တစ်တင်းခွဲနူန်းဖြင့် ညီညာပျံ့နှံ့အောင် ကြဲပါ။ အချို့မျိုးစေ့များသည် ဘောင်ပေါ်တွင် တင်နေကောင်းတင်နေမည်ဖြစ်သော်လည်း မြေဖုံးသည့်အခါ အလိုလိုစိုက်ကြောင်းအတွင်းသို့ ကျသွားပါလိမ့်မည်။

မျိုးစေ့နူန်းကို လိုအပ်သည်ထက် ပိုမိုသုံးစွဲပါက စပါးပင်များ ထူထပ်ပြီး အပင်ယိုင်လဲနိုင်သည်။ ရိတ်သိမ်းချိန်တွင် အဖျင်းအမှော်များပြီး စပါးထွက်လျော့နိုင်ပါသည်။

မျိုးစေ့ကြဲပြီးသည်နှင့် တစ်ပြိုင်နက် ထွန်သွားများဖြုတ်ထာသော ထွန်တုံးဖြင့်ဖြစ်စေ၊ ခြောက်ပေခန့်ရှည် သစ်တုံးငယ်ကြမ်းတုံးဖြင့်ဖြစ်စေ၊ စိုက်ကြောင်းများအတိုင်း စုန်၍ သော်လည်းကောင်း၊ ဓားလွယ်ခုတ်ရွေ့စောင်း၍ သော်လည်းကောင်း မောင်းခြင်းဖြင့် မျိုးစေ့များကို ဖုံးပါ။

ပေါင်းနှိမ်နင်းခြင်း၊ ရေထိန်းသိမ်းခြင်းနှင့် ပြုစုဂရုစိုက်ခြင်း

မြေအစိုဓာတ်ရရှိမှုအပေါ်မူတည်၍ စိုက်ပြီး ခုနှစ်ရက်မှ ဆယ်ရက်အတွင်း စိုက်တန်းများ အတွင်း၌ စပါးပင်များ ပေါက်လာမည်ဖြစ်သည်။ ဤအစောပိုင်းကာလတွင် ပေါင်းများနှိမ်နင်းရန် အရေးကြီးသည်။

စပါးပင်ပေါက်ပြီး တစ်ပတ်မှ ၁၀ ရက်အတွင်း ဘီးတပ်ကြားလိုက်ကိရိယာသုံး၍ဖြစ်စေ စိုက်ကြောင်းဆွဲခဲ့သော် ထွန်ကို အသုံးပြု၍ဖြစ်စေ အတန်းတွင်းကြားလိုက်ပါ။

၎င်းနောက် ကန်သင်းရှိသော လယ်မြေဖြစ်ပါက ကန်သင်းများကို လုံအောင်ပိတ်၍ ရွာသွန်းသော မိုးရေများကို စပါးရွက်များပေါ်နိုင်သော အနေအထားထိ စုဆောင်းထိန်းသိမ်းသိုလှောင်ပါ။ ၎င်းသည် ပေါင်းနှိမ်နင်းရာတွင် များစွာ အကျိုးရှိသည့်အပြင် စပါးပင်များ ကြီးထွားဖြစ်ထွန်းမှုကိုလည်း ညီညာစေပါသည်။

စပါးပင်များကြီးထွားမှု ကာလတစ်လျှောက်လုံးတွင် လယ်ကွက်အတွင်း မိုးရေလေးလက်မမှ ခြောက်လက်မအတွင်း ရှိနေစေခြင်း၊ ကြားပေါင်းလိုက်ကိရိယာကို အသုံးပြု၍ နှစ်ကြိမ်မှ သုံးကြိမ် ပေါင်းမြက်နှိမ်နင်းခြင်း၊ လိုအပ်ပါက လက်ပေါင်းလိုက်ခြင်း၊ မြေသြဇာကြဲပက်ခြင်းတို့ကို လိုအပ်သလို ဆောင်ရွက်ရပါမည်။

အကျိုးကျေးဇူး

ဤနည်းကို အသုံးပြုခြင်းဖြင့် ပျိုးခင်းဖြင့်ပျိုးထောင်စရိတ်၊ ပျိုးနုတ်စရိတ်နှင့် ကောက်စိုက်စရိတ်များကို သက်သာစေနိုင်ပါသည်။

စပါးပင်ဖြစ်ထွန်းမှုအတွက် တမန်းပြင်ရန် မိုးရေမလုံလောက်သည့် အခြေအနေတွင် စပါးတစ်သီးကို လက်မလွတ်တမ်း စိုက်ပျိုးနိုင်ပါသည်။

အကယ်၍ စနစ်တကျ ကောင်းစွာ စီမံဆောင်ရွက်မည်ဆိုပါက ပျိုးထောင်ပြောင်းရွေ့စိုက်ပျိုးရရှိသော စပါးအထွက်နူန်းနှင့် အလားတူ အထွက်နူန်းကို ရရှိစေမည် ဖြစ်ပါသည်။

စပါးစိုက်ရန် မုတ်သုန်မိုး အလုံအလောက်ရသည်အထိ စောင့်ဆိုင်းရန် မလိုဘဲ အချိန်ကုန်သက်သာစေသည့်အပြင် စပါးကို စောစီးစွာ ရိတ်သိမ်းနိုင်သောကြောင့် စပါးပြီး သီးထပ်သီးနှံ တစ်မျိုးမျိုးကို အချိန်ရာသီမီ စိုက်ပျိုးနိုင်ပါသည်။

လယ်ယာစီးပွားသတင်း နည်းပညာအချပ်ပို

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...