နဂါးမောက် ဝိုင်

21/07/2020 17:00 PM တွင် ကျော့နန္ဒာစိုး ကျော့နန္ဒာစိုး မှ ရေးသား ပြီး Greenovator Greenovator မှ ပေးပို့ထားပါသည်။

နဂါးမောက်ရာသီရောက်ပြီဆိုတော့ နဂါးမောက်ဝိုင်ပြုလုပ်နည်းလေးကို ညွှန်းချင်ပါတယ်။ ခဏလေးအချိန်ပေးရုံနဲ့ ဝိုင်တစ်မျိုးပြုလုပ်နိုင်ပြီး မိသားစု ဆွေမျိုး မိတ်ဆွေတွေနဲ့ စကားလေးပြောရင်းကိုယ်လုပ်ထားတဲ့ ဝိုင်အကြောင်းကိုလည်းမပါမဖြစ် ပြောလို့ရတာပေါ့။

နည်းလမ်းတွေအမျိုးမျိုးရှိပေမဲ့ လွယ်ကူရိုးရှင်းတဲ့နည်းလမ်းလေးကို ဝေမျှလိုက်ပါတယ်ရှင့်။

ပါဝင်ပစ္စည်းများ-

- နဂါးမောက်သီး () လုံး (နဂါးမောက်ကို အနီသုံးတာများပါတယ်။ အရောင်လေးလှတာပေါ့)

- သံပုရာသီး () လုံး

- သကြားအညို

ပြုလုပ်နည်း-

သံပုရာသီးနှစ်လုံးကို အခွံခွာပြီး ပါးပါးလေးလှီး အစေ့ထုတ်ထားပါ။ နောက် နဂါးမောက်ကိုလည်း အခွံခွာ အစိတ်သေးသေးလေးတွေရအောင် လှီးရပါမယ်။

လှီးပြီးပြီဆိုရင်တော့ ပုလင်း/ဗူး သန့်သန့်ထဲကို နဂါးမောက်တစ်ထပ် သံပုရာသီးလေးငါးစိတ်လောက် တစ်ထပ် ပြီးတော့သကြားတစ်ထပ် ဖြူးထည့်ပါ။ အဲ့တိုင်းကို နဂါးမောက်သီးများကုန်သည်အထိ တစ်ထပ်ချင်းစီထည့်သွားပေးပါရှင့်။

ပြီးပြီဆိုရင်တော့ ပလပ်စတစ်နဲ့လေလုံအောင်ပိတ်ပြီး အမှောင်ကျတဲ့နေရာမှာထားပါ။ နှစ်ရက်သုံးရက်လောက်ကြာရင် ပုလင်း/ဗူး ကိုလှုပ်ပေးပါ။

၄ ပတ်ကြာရင်တော့ အချဉ်ဖောက်လုပ်ငန်းစဉ်ပြီးဆုံးပြီး အရည်စစ်ထုတ်ပေးပါ။ ဒါဆိုရင်တော့ အရသာရှိလှတဲ့ နဂါးမောက်ဝိုင်ကို အိမ်မှာပဲ လွယ်လွယ်ကူကူဖောက်နိုင်ပြီပေါ့။

နဂါးမောက်ကိုလှီးဖြတ်ရမယ့်ပုံစံပါ။ ပုံပါအတိုင်း ပါးပါးလေးလှီးဖြတ်ပေးပါ။

ကျော့နန္ဒာစိုး

ကိုးကား- https://www.youtube.com/watch?v=a1v2ePCEvnA

photo source- shutterstock

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။)