စိုက်ပျိုးရေးကဏ္ဍအတွက် လက်ရှိအသုံးပြုနေသော ဘဏ္ဍာငွေခွဲတမ်း

၂၀၁၈ ခုနှစ် ဇွန်လ ၇ ရက်နေ့ မှာ စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ကနေ မြန်မာ့စိုက်ပျိုးရေး ဖွံ့ဖြိုးတိုးတက်မှု မဟာဗျူဟာ (၂၀၁၈-၁၉ ခုနှစ် မှ ၂၀၂၂-၂၃ ခုနှစ် ထိ) ကို ထုတ်ဝေခဲ့ပါတယ်။ ဒီစာအုပ်ထဲမှာဆိုရင် လက်ရှိ လုပ်ဆောင်နေတာတွေနဲ့ ပြုပြင်ပြောင်းလဲသင့်တာတွေကို အသေးစိတ်ဖော်ပြပေးထားတာကြောင့် စိတ်ဝင်စားဖို့ကောင်းလှပါတယ်။

ဒီအထဲမှာမှ စာမျက်နှာ ၃၃ကနေ ၃၅ ထိ ဖော်ပြထားတဲ့ ဘတ်ဂျက်နဲ့ မူဝါဒမမျှတခြင်းဆိုတဲ့ အပိုင်းထဲက စိတ်ဝင်စားဖွယ်ရာ အကြောင်းများကို မူရင်းအတိုင်း တစ်ဆင့် ပြန်လည် တင်ပြလိုက်ရပါတယ်။

စိုက်၊မွေး၊ဆည်ဝန်ကြီးဌာန အသုံးစရိတ် စုစုပေါင်း၏ ၈၀% ကျော်သည် စိုက်ပျိုးရေးနှင့် ကျေးလက်ဒေသဖွံ့ဖြိုးတိုးတက်ရေးတွင် အသုံးပြုသော ရုပ်ဝတ္တုပစ္စည်း (hardware) အတွက်ဖြစ်ပြီး ယင်းတို့ တွင် ကျေးလက်လမ်းများ၊ ကျေးလက်စွမ်းအင်၊ ဆည်မြောင်းစနစ်များ၊ သောက်သုံးရေ၊ အဆောက်အအုံများ၊ ကိရိယာများ၊ စက်များနှင့် ထောက်ပံ့ပစ္စည်းများ ပါဝင်သည်၊ ၎င်းတို့သည် အများအားဖြင့် လိုအပ်သောအရာများ ဖြစ်သော်လည်း ယင်းတို့နှင့် စပ်လျဉ်း၍ စိုးရိမ်ဖွယ်ရာ ကိစ္စနှစ်ရပ်ရှိပြီး စိုက်ပျိုးရေး ဖွံ့ဖြိုးရေးတိုးတက်မှု မဟာဗျူဟာ(ADS) တွင် ထည့်သွင်းဆွေးနွေးထားပါသည်။ ပထမကိစ္စနှစ်ရပ်မှာ ရုပ်ဝတ္တုပစ္စည်း ဖွံ့ဖြိုးတိုးတက်ရေးကို လုပ်ငန်းဆောင်ရွက်မှု (Software) ဖွံ့ဖြိုးရေးတွင် လူထုကို စည်းရုံး လှုံ့ဆော်ခြင်း၊ စီမံကိန်းရေးဆွဲရာတွင် ပါဝင်ဆောင်ရွက်စေခြင်း၊ တောင်သူလယ်သမား အဖွဲ့အစည်းများ ဖွံ့ဖြိုးရေးနှင့်စားနပ်ရိက္ခာနှင့် အာဟာရဖူလုံမှုတို့ ပါဝင်သည်။ ထိုသို့ပေါင်းစည်းခြင်းဖြင့် ဦးစီးဌာနများအကြား နီးကပ်စွာ ပူးပေါင်းဆောင်ရွက်မှုများ အားကောင်းလာနိုင်ပြီး ရင်းနှီးမြှပ်နှံမှု၏ ထိရောက်မှုနှင့် အကျိုးသက်ရောက်မှုများလည်း တိုးတက်လာနိုင်ပါသည်။ ဒုတိယကိစ္စရပ်မှာ ပုံသေပိုင်ပစ္စည်းများကို ထိရောက်သော စီမံခန့်ခွဲမှု ရရှိစေရေး ဖြစ်သည်။ စိုက်၊ မွေး၊ ဆည်ဝန်ကြီးဌာန၏ အခြေခံအဆောက်အအုံဆိုင်ရာ ရင်းနှီးမြှပ်နှံမှုများ ပိုမိုထိရောက်အားကောင်းလာစေရန် - (က)ရင်းနှီးမြှပ်နှံမှု၏ ခန့်မှန်းရလာဒ်နှင့် အမှန်ရလာဒ်တို့ကို သုံးသပ်အကဲဖြတ်ခြင်း၊ (ခ) မျှော်မှန်းထားသော ဝန်ဆောင်မှုများကို ပေးရာတွင် အခြေခံ အဆောက်အအုံ၏ လုပ်ငန်းစွမ်းဆောင်ရည်အား စောင့်ကြည့် ထိန်းကျောင်းစိစစ်သုံးသပ်ခြင်း၊ (ဂ) အခြေခံ အဆောက်အအုံဆိုင်ရာ ရင်းနှီးမြှပ်နှံမှု ဒီဇိုင်းရေးဆွဲခြင်း၊ အသုံးပြုခြင်းနှင့် ထိန်းသိမ်းခြင်း၊ စောင့်ကြည့်ထိန်းကျောင်းစိစစ်သုံးသပ်ခြင်း လုပ်ငန်းစဉ်တို့တွင် အကျိုးခံစားခွင့်ရှိသူများနှင့် ပတ်သက်ဆက်နွယ်သူများကို ပါဝင်စေခြင်းစသည့် အချက်များအတိုင်း ဆောင်ရွက်သင့်ပါသည်။

မှတ်ချက် ။ ။ မြန်မာ့စိုက်ပျိုးရေး ဖွံ့ဖြိုးတိုးတက်မှု မဟာဗျူဟာ (၂၀၁၈-၁၉ ခုနှစ် မှ ၂၀၂၂-၂၃ ခုနှစ် ထိ) စာအုပ်ကို ဒီဆော့ဝဲရဲ့ စာအုပ်စင်ကဏ္ဍမှာ အစအဆုံး ဒေါင်းလုတ်ချပြီး ဖတ်ရှုနိုင်ပါတယ်။

မူရင်း - မြန်မာ့စိုက်ပျိုးရေး ဖွံ့ဖြိးတိုးတက်မှု မဟာဗျူဟာ (၂၀၁၈-၁၉ ခုနှစ် မှ ၂၀၂၂-၂၃ ခုနှစ် ထိ)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...