မြေဩဇာ၊ ပိုးသတ်ဆေး၊ လယ်ယာသုံးပစ္စည်းများကို အန္တရာယ်ကင်းစွာ သိုလှောင်သိမ်းဆည်းနည်းများ

လယ်ယာလုပ်ငန်းခွင်သို့ ဝင်ရောက်လုပ်ကိုင်စိုက်ပျိုးနေသည့် တောင်သူများအနေဖြင့် မိမိတို့စိုက်ပျိုးရေးလုပ်ငန်းခွင်တွင် ဘေးအန္တရာယ်ကင်းရှင်းရန် အလွန်အရေးကြီးပါသည်။

လုပ်ငန်းခွင်ဘေးအန္တရာယ်ကင်းရှင်းရေးအတွက် လယ်ယာသုံးကိရိယာများစနစ်တကျ သိုလှောင်ခြင်းကအရေးကြီးသလို ကျန်းမာရေးထိခိုက်မှုမရှိစေရေးအတွက် မြေဩဇာနှင့်ပိုးသတ်ဆေးများကို စနစ်တကျသိုလှောင်ရေးမှာလည်း အရေးကြီးသည့်အတွက် အလေ့အကျင့်ကောင်းများကို ဖော်ပြပေးလိုက်ပါသည်။

မြေသြဇာများ၊ ပိုးသတ်ဆေးနှင့် သီးနှံထုတ်ကုန်များကို ရောနှောသိုလှောင်ပါက သီးနှံများညစ်ညမ်းပြီး အစားအစာဘေးကင်းမှုစံနှုန်းကို ထိခိုက်စေပါသည်။ ထိုသို့ ရောနှောသိုလှောင်ခြင်းကြောင့် ပိုးသတ်ဆေးများသည် မိမိတို့စားသုံးမည့်သီးနှံပေါ်သို့ ဖိတ်စင်နိုင်ပြီး မိမိတို့မိသားစုဝင်များ ကျန်းမာရေးထိခိုက်နိုင်ကာ အသက်အန္တရာယ်ထိခိုက်နိုင်သည်အထိ ဖြစ်စေနိုင်၍ သတိပြုသင့်ပါသည်။

ထိုကြောင့် ဓာတုမြေသြဇာများနှင့် ပိုးသတ်ဆေးများကို အစားအသောက်နှင့် သီးနှံထုတ်ကုန်များနှင့်အတူ လုံးဝရောနှောသိုလှောင်ခြင်းမလုပ်ရပါ။

ပိုးသတ်ဆေးများကို စနစ်တကျသိုလှောင်သိမ်းဆည်းခြင်း..

ပိုးသတ်ဆေးများကို စင်တို့ဖြင့်သေချာစွာသိမ်းဆည်းပြီး ပိုးသတ်ဆေးအရည်များကို စင်အောက်ဆုံးတွင် သိမ်းဆည်းထားရမည်။ အခဲ၊ အမှုန့်များကို စင်အပေါ်အဆင့်များတွင် သိမ်းဆည်းရပါမည်။

သဲနှင့် ကြမ်းတိုက်တံများကို ပိုးသတ်ဆေးသိုလှောင်ထားရှိသည့်နေရာအနီးတွင်ထားပါ။

အကယ်၍ ပိုးသတ်ဆေးအရည်များဖိတ်စင်ပါက ဖိတ်စင်သည့်ပိုးသတ်ဆေးများကို စုပ်ယူနိုင်ရန် သဲဖြန့်ခြင်းနှင့် ကြမ်းတိုက်ခြင်းတို့ လုပ်ဆောင်နိုင်သည်။

ပိုးသတ်ဆေးသိုလှောင်သိမ်းဆည်းသည့်နေရာတွင် ကလေးများမဝင်ရောက်နိုင်ရန်အတွက် သော့ခတ်ထားရန်လိုအပ်ပါသည်။ သို့မဟုတ် ကလေးလက်လမ်းမမီသည့်နေရာတွင် သိမ်းဆည်းထားရမည်ဖြစ်ပါသည်။

လယ်ယာသုံးပစ္စည်းများကို စနစ်တကျ သိုလှောင်သိမ်းဆည်းခြင်း

မိမိဒေသထွက်ပစ္စည်း (ဝါး၊ သစ်)တို့ဖြင့် လယ်ယာသုံးကိရိယာစင်ပြုလုပ်ထားပုံ။

ပေါက်ပြား၊ ဂေါ်ပြား၊ ဓါး၊ထွန်းခြစ်စသည့် လယ်ယာသုံးပစ္စည်းများကို အသုံးပြုပြီးလျှင် စနစ်တကျသိုလှောင်သိမ်းဆည်းရန်လိုပါမည်။

မိမိတို့အသုံးပြုလျှက်ရှိသော ကိရိယာများကို စနစ်တကျမသိမ်းဆည်းထားပါက ပစ္စည်းရှာသည့်အချိန်ပေးရသကဲ့သို့ စနစ်တကျမသိမ်းဆည်းခြင်းကြောင့် သင်နှင့်သင်မိသားစုဝင်များ မတော်တဆထိမိတိုက်မိပါက ထိခိုက်ဒဏ်ရာများရနိုင်ပါသည်။

ထိုသို့သော မတော်တဆမှုများကို ကာကွယ်သည့်အနေဖြင့် လယ်ယာသုံးကိရိယာများကို စနစ်တကျသိုလှောင်သိမ်းဆည်းရန် အကြံပြုပါသည်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Facebook page သို့သွားရန်

ဆွေးနွေးချက်များ

ဆွေးနွေးရန်

မြေဩဇာ၊ ပိုးသတ်ဆေး၊ လယ်ယာသုံးပစ္စည်းများကို အန္တရာယ်ကင်းစွာ သိုလှောင်သိမ်းဆည်းနည်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

မြေဩဇာ၊ ပိုးသတ်ဆေး၊ လယ်ယာသုံးပစ္စည်းများကို အန္တရာယ်ကင်းစွာ သိုလှောင်သိမ်းဆည်းနည်းများ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

ဒေသထွက်ဇီဝထွက်ကုန်များ ကုန်သွယ်ခြင်းဆိုသည်မှာ

ICT (အိုင်စီတီ) ဆိုတာ ဘာလဲ ?

အင်တာနက်ဆိုတာ ဘာလဲဗျ?

{{ post.title }}