ဟင်းသီးဟင်းရွက်များ အနုအရင့်ရွေးချယ်နည်း(အပိုင်း- ၂)

ပိန္နဲသီး

ဘို့(အဆူး)ကြီးလေ၊ အထဲကပိန္နဲသီး အမွှာထွားလေးဖြစ်ပြီး အရသာပိုကောင်းပါတယ်။ နောက်ပြီး ဘို့(အဆူး)ကျဲတဲ့ အသီးကို ရွေးချယ်ပါ။ မြန်မြန်မှည့်လာပါလိမ့်မယ်။

မာလာဖူး

တို့စရာတမျိုးဖြစ်တဲ့ မာလာဖူးတွေရင့်သွားတဲ့အခါ ကြမ်းတမ်း၍ဝါးလို့လည်း မကောင်းတော့ပေ။ အပွင့်ကားပြီး အဝါဝတ်ဆံများ ထွက်ပေါ်နေရင်ရင့်တတ်ပါတယ်။ မာလာဖူးနု၏အရောင်က မရမ်းစေ့ရောင်ဖြစ်ပါတယ်။ မရမ်းရောင်ထက်ဖျောတော့ပြီး ပွင့်ဖတ် အဆင့်များရင်လည်း ရင့်တတ်ပါတယ်။

ဖရဲသီး

အရွယ်ချင်းတူသော်လည်း အလေးချိန်ပိုစီးသော အသီးမျိုးကို ရွေးချယ်ပါ။ အပေါ်ယံအခွံကိုကြည့်ပါ အသီး၏ တခြမ်းက စိမ်းစိုနေပြီး၊ ကျန်တခြမ်းက အတန်ငယ်ဝါနေသော အခွံသီးမျိုးက အရသာပို၍ ချိုပါတယ်။ (အဘယ်ကြောင့်ဆိုသော် ဖရဲသီးဟာ မြေပေါ်မှာ ဝပ်တွားသီးတဲ့အမျိုးအစား ဖြစ်တာကြောင့်၊ မြေဆီလွှာနဲ့ထိတဲ့အပိုင်းက စိမ်းစိုနေပြီး၊ နေရောင်ခြည်ကောင်းစွာထိတဲ့အပိုင်းကဝင်းဝါနေခြင်းဖြစ်၍ နေ-လေ-မြေဆီလွှာဓာတ်တို့ ပြည့်ဝတဲ့အသီးချိုးကပို၍ချိုပါတယ်)

ကညွတ်

ကညွတ်ပင်၏ အဖျားပိုင်းကိုသာစားလို့ရပြီး၊ ပျမ်းမျှကညွတ်တစ်ပိသာဝယ်လျှင် အစိတ်သားခန့်သာ စားလို့ရပါတယ်။ ကညွတ်ပင်ပေါ်မှာ ပါရှိတဲ့ အဖုကလေးတွေ တစ်ခုနဲ့တစ်ခုနီးကပ်နေလျှင် နုပြီး၊ ၎င်းအဖုဝေးနေလျှင် ရင့်ပါတယ်။ (လယ်ကွက်တွေမှာ အလိုအလျောက်ပေါက်တဲ့ အရိုးနီအရွက်စိမ်းမျိုးဟာ ရေကညွတ်ဖြစ်ပြီး၊ တကူးတက စိုက်ယူရတဲ့ အစိမ်းရောင်ကညွတ်မျိုးလည်းရှိပါတယ်။ နှစ်မျိုးစလုံးကို ဒီနည်းအတိုင်း ရွေးချယ်ပါ။

ထောပတ်သီး

 ထောပတ်သီးဝယ်တဲ့အခါ အထဲမှာမှိုတက်နေပြီး မည်းနေတဲ့အသီးကို အရွေးမမှားစေဖို့ အတွက်၊ ဦးစွာ အသီးရဲ့အညှာဖက် အပိုင်းကို လက်ဖြင့်အသာအယာဖိကြည့်ပါ။ ပျော့နေရင် လတ်ဆတ်တဲ့အသီးဖြစ်ပါတယ်။

သခွားသီး

အညှာနေရာမှနေပြီး၊ အခြားတစ်ဖက်ဖျားအထိ ဖြောင့်ဖြောင့်စိမ်းစိမ်းမျိုးကိုသာ ရွေးချယ်ပါ။ အဝါ(သို့မဟုတ်)အဖြူအစင်းကျားတွေက အသီးရင့်ပါတယ်။ အညှာနားမှာသိမ်နေပြီး၊ အဖျားပိုင်းကသိမ်သည့်အပိုင်းထက် ပို၍တိုပါက မဝယ်သင့်ပါဘူး။

ဒူရင်းသီး

အတွင်းအသား ထူ/မထူကို အညှာကြည့်ပြီးရွေးချယ်နိုင်ပါတယ်။ အညှာမှာအဖြူရစ်နဲ့ အတွင်းအရစ်ဝိုင်းကလေး တစ်ခုရှိပါတယ်။ ၎င်းအဖြူရစ်ပါးပြီး၊ အဝိုင်းထူရင် အတွင်းအနှစ်အသားထူပါတယ်။

MyFood Myanmar Website မှ ပြန်လည်ကူးယူဖော်ပြပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်