ကပ်ပါးပင်တစ်မျိုးဖြစ်တဲ့ ကျီးပေါင်းပင်

ကျီးပေါင်းပင် အများစုကို တွေ့ဖူးပါတယ်။ သူတို့ဟာ partial parasite လို့ခေါ်တဲ့ကပ်ပါးပင်တမျိုး ဖြစ်တယ်။ ဒီအပင်တွေက နှစ်တိုင်းသတ်လည်းမသေဘူး ပြန်ပြန်ရှင်ပါတယ်တဲ့၊ ကပ်ပါးပင်တို့သဘောသဘာဝပါဘဲ၊ လက်ခံပင်ရှိနေသ၍ ကပ်ပါးပင်ကတော့ရှိနေဦးမှာပါ။

ကျီးပေါင်းပင်ရဲ့ထူးခြားချက်က တစ်ပင်လုံး သံချေးရောင်အမွှေးတွေ rusty tomentose ဖုံးအုပ်နေတာပါ။ မျိုးစိတ်အမည် ferrugineus ဆိုတာ ဒီအမွှေး အရောင်ကို ဆိုလိုပါတယ်၊ အရွက်တွေက ရွက်ဆိုင်ထွက်တယ်၊ အရွက်ကို သံချေးရောင် အမွှေးတွေက ဖုံးထားတယ်၊ ရွက်သားထူပြီးမာတယ်၊ ရွက်ကြော ၅ ခုကနေ ၆ ခု ရှိတယ်၊ ပန်းခိုင်က ကြားထွက် axillary faciculate cyme ဖြစ်တယ်။ ပန်းပွင့်လေးတွေက လိင်စုံတယ်၊ ၂ ခြမ်းညီတယ်၊ လေးအင်္ဂါဆ ပန်းတွေဖြစ်တယ်၊ အောက်တည်မပွင့်ဖြစ်တယ်၊ ဝတ်ဆံဖို ၄ ခုပါပြီး ပွင့်ချပ်တွေနဲ့ မျက်နှာချင်းဆိုင်ထွက်တယ်။ အမအင်္ဂါက အခန်းတစ်ခန်းသာပါပြီး အောက်ခြေထွက် အစေ့လောင်းတစ်စေ့သာပါတယ်။ အသီးက ဘယ်ရီသီးဖြစ်တယ် အစေ့တစ်စေ့သာပါတယ်၊ သံချေးရောင်အမွှေးတွေဖုံးအုပ်နေတယ်။

ဆေးဖက်ဝင်ပုံ

ဒီအပင်က ဆေးဝင်သော အပင်တပင်ပါ။ ရိုးရာအနေနဲ့ လူတွေ ဖျားနာမှုများ ကုသရာမှာ အသုံးပြုနိုင်တယ်။ အပင်ပြုတ်ရေကို high blood pressure သွေးတိုးရောဂါကုသရာမှာ သုံးနိုင်တယ်။ အစာအိမ်နဲ့ အူလမ်းကြောင်းဆိုင်ရာရောဂါများ Gastrointestinal complaint ကုသရာမှာလည်း သုံးနိုင်ပါတယ်။

ကိုသက်နိုင်ဦး

ဟုမ္မလင်း

Farm Link Co.,Ltd ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။