မွေးမြူရေးကဏ္ဍ ပူးပေါင်းမြှင့်တင်သွားရန် မွေးမြူရေးလုပ်ငန်းအဖွဲ့ချုပ်နှင့် တက်ဟုန်းပြည်နယ်ခွဲ ကုန်သည်ကြီးများအသင်းတို့ သဘောတူလက်မှတ်ထိုး

မြန်မာနိုင်ငံမွေးမြူရေးလုပ်ငန်းအဖွဲ့ချုပ်နှင့် တရုတ်ပြည်သူ့သမ္မတနိုင်ငံ၊ ယူနန်ပြည်နယ်၊ တက်ဟုန်းပြည်နယ်ခွဲ ကုန်သည်ကြီးများအသင်း မြန်မာနိုင်ငံကိုယ်စားလှယ်ရုံးတို့ ပူးပေါင်းပြီး မွေးမြူရေးကဏ္ဍတိုးတက်ရေး အကောင် အထည်ဖော်သွားဖို့ နှစ်ဖက်သဘောတူနားလည်မှုစာချွန်လွှာ လက်မှတ်ရေးထိုးခဲ့ပါတယ်။

လက်မှတ်ရေးထိုးပွဲကိုတော့ ပြီးခဲ့တဲ့ စက်တင်ဘာလ ၃၀ ရက်နေ့က ရန်ကုန်မြို့ MICT Park ရှိ Fortune International ရုံး၊ အစည်းအဝေးခန်းမမှာ ကျင်းပပြုလုပ်ခဲ့တာပါ။

မြန်မာနိုင်ငံမွေးမြူရေးကဏ္ဍ တိုးတက်ရေးအတွက် မွေးမြူရေးကဏ္ဍတွင် နှစ်ဖက်အပြန်အလှန်ရင်းနှီးမြှုပ်နှံ နိုင်ကြရန်၊ လက်တွေ့ကျသော ပူးပေါင်းဆောင်ရွက်မှုပုံစံများကို သုတေသနပြု ဖော်ထုတ်သွားနိုင်ရန်နှင့် လက်တွေ့ ပူးပေါင်း‌ဆောင်ရွက်သွားနိုင်ရန်ဆိုတဲ့ ရည်ရွယ်ချက်တွေနဲ့ အခုလို နားလည်မှုစာချွန်လွှာ ရေးထိုးကြတာ ဖြစ်တယ် လို့ သိရပါတယ်။

“အခုလို ပူးပေါင်းဆောင်ရွက်မှု မြှင့်တင်လိုက်ခြင်းအားဖြင့် မြန်မာ့မွေးမြူရေးကဏ္ဍအတွက် လိုအပ်တဲ့ သွင်းအား စုတွေ ပိုမိုလွယ်ကူလျင်မြန်စွာ ရရှိနိုင်မယ်။ နည်းပညာပိုင်းတွေ ပူးပေါင်းဆောင်ရွက်နိုင်မယ်။ ပြီးတော့ မြန်မာ့ မွေးမြူရေးထုတ်ကုန်တွေအတွက် ဈေးကွက်ပိုမိုကျယ်ပြန့်လာနိုင်မယ်။ အဲ့ဒီလိုမျိုး အကျိုးကျေးဇူးတွေ ရလာနိုင်ပါတယ်” လို့ မြန်မာနိုင်ငံမွေးမြူရေးလုပ်ငန်းအဖွဲ့ချုပ် အထွေထွေအတွင်းရေးမှူး ဦးဝင်းမြင့်က ပြောပါတယ်။

အခုရေးထိုးလိုက်တဲ့ နားလည်မှုစာချွန်လွှာအရ မန္တလေး၊ နေပြည်တော် (သို့မဟုတ်) မန်စီ၊ ရွှေလီမြို့တွေမှာ မွေးမြူရေးဆိုင်ရာပြပွဲများကို ပူးပေါင်းကျင်းပသွားဖို့ရှိပြီး အဲ့ဒီပြပွဲတွေမှာ မွေးမြူရေးနည်းပညာနှင့် စက်ပစ္စည်းများ၊ တိရစ္ဆာန်အစာ၊ မျိုး၊ ဆေးဝါး အစရှိတဲ့ မွေးမြူရေးသွင်းအားစုများ၊ ထုတ်ကုန်များကို ခင်းကျင်းပြသသွားမှာဖြစ်တယ်လို့ သိရပါတယ်။

အဆိုပါပြပွဲများအတွင်း နှစ်ဖက်မွေးမြူရေးပညာရှင်များရဲ့ ဆွေးနွေးဟောပြောပွဲများ၊ လုပ်ငန်းရှင်များရဲ့ business matching အစီအစဉ်များ ထည့်သွင်းကျင်းပသွားဖို့ ရှိတယ်လို့လည်း သိရပါတယ်။

ဒါ့အပြင် နားလည်မှုစာချွန်လွှာအရ မြန်မာနိုင်ငံအတွင်း တိရစ္ဆာန်မွေးမြူရေး၊ ရောဂါကာကွယ်ထိန်းချုပ်ကုသရေး၊ မွေးမြူရေးလုပ်ငန်းများ အဆင့်မြှင့်တင်ကာ စက်ယန္တရားများအသုံးပြု‌ဆောင်ရွက်နိုင်ရေး၊ တိရစ္ဆာန်အစာ စိုက်ပျိုး ထုတ်လုပ်မှုကဏ္ဍများ ဖွံ့ဖြိုးတိုးတက်လာစေရေးတို့အတွက် နည်းပညာသင်တန်းများ ပူးတွဲလုပ်ဆောင်သွားဖို့ ရှိတယ်လို့လည်း သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ