စီးပွား​ဖြစ်ငုံးမွေးမြူလိုသူများအတွက် ငုံးသားဖောက်နည်း (၁)

စီးပွားဖြစ်ငုံးမွေးမြူလိုသူများအတွက် ငုံးသားဖောက်နည်းနှင့် ဆောင်ရန်ရှောင်ရန်များကို သိရှိစေရန် ဖော်ပြပေးလိုက်ပါသည်။

(က) ငုံးသားဖောက်ရန် ငုံးဥများရွေးချယ်ခြင်း

၁။ သားဖောက်ရန် ငုံးဥများကို ရွေးချယ်သောအခါ ဂရုတစိုက် ရွေးချယ်သင့်ပါသည်။ အဘယ်ကြောင့်ဆိုသော် သားဖောက်ရန် ရွေးချယ်ထားသည့် ဥများသည် ကြီးမားလွန်းခြင်း၊ သေးငယ်လွန်းခြင်း ဖြစ်နေပါက သားဖောက်ရာတွင် ကောင်းမွန်မှု မရှိလှပေ။
၂။ ဥအရွယ်အစား အနေတော်ရှိပြီး ဥခွံမှာ ပကတိခိုင်ခန့်စွာရှိပြီး သန့်ရှင်းသည့်ဥများကိုသာ မျိုးအဖြစ်သားဖောက်ရန် သင့်တော်ပါသည်။
၃။ ကြီးမားလွန်းသော ဥများနှင့် သေးငယ်လွန်းသောဥများကို သားဖောက်ရာတွင် ပေါက်လာသည့်အကောင်အရွယ်အစား ညီမျှမှုမရှိခြင်း၊ ဥခွံပါးသော ဥများကို သားဖောက်ရာတွင် အကောင်ပေါက်လာပါက ချိနဲ့ပိန်လှီသော အကောင်ကလေးများ ပေါက်လာခြင်းတို့ကို ဖြစ်ပေါ်စေပါသည်။
၄။ သားဖောက်ရန်အတွက် ရွေးချယ်ထားသောဥများကို သိမ်းဆည်းရာတွင် ရက်ကြာကြာ မထားသင့်ပါ။ ၄ ရက်ထက် ကျော်သွားပါက သားဖောက်ရန် မသင့်တော့ပါ။
၅။ အဘယ်ကြောင့်ဆိုသော် ၄ ရက်ထက် ကျော်လွန်သော ဥများကို သားဖောက်ရာမှ ပေါက်လာသည့်အကောင်များသည် စွမ်းရည်ပြည့်ဝမှု မရှိကြပေ။
၆။ ရွေးချယ်ထားသည့် ဥများကိုလည်း အပူချိန်မျှတစွာရှိသည့် နေရာတွင် သိမ်းဆည်းထားရန်လိုအပ်ပါသည်။

(ခ) ဖောက်စက်ဖြင့် သားဖောက်ရာတွင် သတိထားသင့်သည့်အချက်များ

၁။ ငုံးဥများကို အကောင်ဖောက်ရာတွင် ဖောက်စက်အပူချိန် ကွာခြားမှုမရှိစေဘဲ တသမတ်တည်းရှိနေစေရန် အရေးကြီးလှပါသည်။
၂။ ငုံးဥဖောက်ရာတွင် အပူချိန် (၁၀၄°F)ပေး၍ ဖောက်ရာတွင် အကောင်မြန်မြန်ပေါက်သော်လည်း အပူချိန်လျော့နည်းပါက အကောင်ပေါက် ကြန့်ကြာစေပါသည်။
၃။ ငုံးသားဖောက်ခြင်း၏ အဓိကရည်ရွယ်ချက်မှာ ပေါက်လာသည့်ငုံးကလေးများ ကျန်းမာသန်စွမ်းရေးပင် ဖြစ်သည်။ ထို့ကြောင့် ဖောက်စက်အပူချိန်ကို ပုံမှန်အတိုင်းထားရှိရန် လိုအပ်ပါသည်။
၄။ ဖောက်စက်အား သင့်တော်သည့်နေရာတွင်ထားရှိရန် လိုအပ်ပါသည်။ သစ်သားနံရံကာထားသော (သို့မဟုတ်) အုတ်နံရံကာထားသည့် နေရာအနီးတွင် ထားရှိရပါမည်။
၅။ ဖောက်စက်ထားသည့် အခန်းထဲသို့ လေကောင်းလေသန့် ဝင်နိုင်ရန် ပြုလုပ်ထားရပါမည်။ သို့မှသာ ပျက်စီးဆုံးရှုံးမှု မရှိဘဲ ကျန်းမာသန်စွမ်းသည့် ငုံးကလေးများပေါက်လာမည်ဖြစ်ပါသည်။
၆။ အပူချိန်ပြောင်းလဲမှု မရှိဘဲ တသမတ်တည်း ညီညီမျှမျှရှိသည့် နေရာကိုသာ ရွေးချယ်ရန်လိုအပ်သည်။ အပူချိန်မညီမျှပါက ဖောက်ထားသည့်ဥများ ကောင်းမွန်စွာ အကောင်ပေါက်လာမည် မဟုတ်ပေ။ ထို့ပြင် လေကောင်းလေသန့် မရရှိပါကလည်း သန္ဓေများပျက်စီးတတ်ပါသည်။

(ဂ) ငုံးသားဖောက်ခြင်း

၁။ ငုံးဥများကို ဖောက်စက်ထဲသို့ စနစ်တကျထည့်သွင်းပြီးပါက ဖောက်စက်အပူချိန်မှာ အေးသောရာသီဥတုတွင် ၁၀၁ °F ၊ ပူသောရာသီတွင် ၉၅ °F ပေးရပါမည်။
၂။ အထက်တွင်ဖော်ပြခဲ့သည့် ၁၀၄ °F အပူချိန်ပေးရာတွင် ၁ ရက်နှင့် အကောင်ပေါက်သော်လည်း ပေါက်လာသည့် ငုံးကလေးများမှာ ကျန်းမာသန်စွမ်းမှုမရှိဘဲ ချည့်နဲ့၍ မသန်မစွမ်းဖြစ်နေသည်ကို တွေ့ရပါမည်။ သို့ဖြစ်၍ မှန်ကန်သည့် သားဖောက်နည်းကိုသာ အသုံးပြုသင့်ပါသည်။
၃။ အပူချိန်များပါက ပေါက်လာသည့် ငုံးကလေးများတွင် ခွန်အားနည်းပါးခြင်း၊ ကုပ်ချည့်နာဖြစ်ခြင်း၊ ဥ,ဥသောအရွယ် ရောက်သော်လည်း ဥနှုန်းကျဆင်းခြင်း၊ နှေးကွေးခြင်းများ ကြုံတွေ့ရပါမည်။ အချို့မှာမူ လုံးဝ ဥမဥတော့ပေ။
၄။ ညီမျှသော အပူချိန်များပေးထားချိန်၌ ဥလှည့်ပေးသည့် ကိရိယာအား တစ်နေ့လျှင် ၃ ကြိမ်လှည့်ပေးရပါမည်။ ဤကဲ့သို့ မျှတသည့်အပူချိန်တွင် အကောင်ပေါက်ရန် ၁၄-၂၀ ရက် ခန့်ကြာပါသည်။
၅။ ပေါက်လာသည့်ငုံးကလေးများကို အကောင်ပေါက်လာပြီးပြီးချင်း ဖောက်စက်အပြင်သို့ အလျင်စလိုမထုတ်ဘဲ အထူးပြုလုပ်ထားသည့် သံဆန်ကာခွက်ထဲသို့ထည့်၍ ဖောက်စက်ထဲမှာပင် ၁၀ နာရီခန့်အကြာ ထားရပါမည်။
၆။ ပြီးမှ အသင့်ပြုလုပ်ထားသည့် အပူငွေ့အိမ်အတွင်းသို့ ပြောင်းရွှေ့ရပါမည်။

(အပိုင်း-၂ တွင် အပူပေးဓာတ်ငွေ့အိမ်ပြုလုပ်နည်း၊ ငုံးငယ်အပူပေးနည်း၊ ပြုစုနည်းတို့ကို ဆက်လက်ဖော်ပြပေးပါမည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

စီးပွားဖြစ်ငုံးမွေးမြူလိုသူများအတွက် ငုံးသားဖောက်နည်း (၁)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

စီးပွား​ဖြစ်ငုံးမွေးမြူလိုသူများအတွက် ငုံးသားဖောက်နည်း (၁)

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

နွားငယ်ပြုစုစောင့်ရှောက်ခြင်း (၂)

မျိုးပွားမှု ကောင်းစေရန်အတွက် အခြေခံအချက်များ

နွားများတွင် ဇီးရရန်ခက်ခဲသည့် အကြောင်းများ

{{ post.title }}

စီးပွားဖြစ်ငုံးမွေးမြူလိုသူများအတွက် ငုံးသားဖောက်နည်း (၁)