ဆန်ဈေးတွေဘာကြောင့်တက်...အနေအထားဘယ်လိုရှိ...

လက်ရှိမှာ ဆန်ဈေးတွေရော စပါးဈေးတွေရော ဆက်တိုက်မြင့်တက်နေတာဖြစ်ပါတယ်။ ကမ္ဘာမှာကော အိမ် နီးချင်းနိုင်ငံတွေမှာကော ဆန်ဈေးက အတက်ပိုင်းမှာရှိနေတာဖြစ်ပြီး ပြည်တွင်းမှာဈေးတွေတက်နေတာကတော့ အကြောင်းရင်း အမျိုးမျိုး စုံနေတာဖြစ်ပါတယ်။

ဆန်အနေအထားတွေကြောင့်ရော၊ ပြည်ပဆန်အဝယ်ရှိနေပြီး ပြည်တွင်းဆန်အထွက်နှုန်း လျော့နည်း မယ်လို့ ခန့်မှန်းမှုတွေကြောင့်ရော အဝယ်လိုက်ပြီး ဈေးတွေဆက်တိုက်မြင့်တက်နေတာလို့ လယ်ယာ စိုက်ပျိုးရေးနှင့်ဈေးကွက်သတင်းအချက်အလက်အဖွဲ့(AMIA) ရဲ့ ဈေးကွက်သုံးသပ်ချက်ပေးပို့လာမှုအရ သိရပါတယ်။

လက်ရှိ လက်ကျန်ကတော့ မရှိတော့ဘဲ နွေစပါးတွေပါ ကြိုပွိုင့်အနေနဲ့ ဝယ်ယူမှုတွေ ပြုလုပ်နေကြ တယ်လို့ ဆန်ကုန်သည်အချို့က ဆိုပါတယ်။ ရန်ကုန်ဈေးကွက်မှာလည်း ဆန်တွေ အဝင်ပုံမှန်ရှိနေပြီး အဝယ်သွက်နေပါတယ်။

နောက်ထပ်ပြည်တွင်းဆန်ဈေးတွေမြင့်တက်လာရတဲ့အကြောင်းထဲမှာ ဆန်ဈေးထပ်တက်မှာကို စိုးရိမ် ပြီး ဝယ်ယူသိုလှောင်မှုတွေကြောင့်လည်းပါတယ်လို့ AMIA က ဆိုထားပါတယ်။

ပြီးခဲ့တဲ့တစ်ပတ်အတွင်း ရန်ကုန်ဝါးတန်းဈေးကွက်မှာ ပေါ်ဆန်းသစ် (နယ်စုံ၊ဖျာပုံ၊မြောင်းမြ၊ဒေးဒရဲ) တို့က တစ်အိတ်ကို ၂၀၀၀ ကနေ ၃၀၀၀ ကြား ဈေးမြင့်တက်လာပါတယ်။ ဒါဟာ ဆန်အသစ်ဈေးကွက် ထဲကိုဝင်ပြီး ရက် ၂၀ အတွင်း တစ်အိတ်ကို ငွေကျပ် ၆၀၀၀ လောက် ဈေးမြင့်တက်လာခဲ့တာ ဖြစ်ပါတယ်။ အဟောင်းကတော့ တစ်အိတ်ကို ၂၀၀၀ လောက်ဈေးမြင့်တက်ခဲ့ပါတယ်။ တစ်လအတွင်း ဆိုရင်တော့ အဟောင်းက တစ်အိတ်ကို ကျပ် ၅၀၀၀ ကနေ ၆၀၀၀ ကြား အသီးသီးဈေးမြင့်တက်ခဲ့တာ ဖြစ်ပါတယ်။

ရွှေဘိုပေါ်ဆန်းအသစ်ကတော့ ပြီးခဲ့တဲ့တစ်ပတ်အတွင်း တစ်အိတ်ကို ၄၀၀၀ ကျပ် ဈေးတက်လာပြီး အဟောင်းကတော့ တစ်အိတ်ကို ၉၃၀၀၀ ကနေ ၁၀၅၀၀၀ ပေါက်ဈေးလောက်နဲ့ ဈေးငြိမ်နေပါတယ်။

ဆန်ကြမ်းတွေလည်း ဈေးတက်ခဲ့ပြီး ဧည့်မထဆန်က တစ်အိတ်ကို ၂၀၀၀ ကျပ်၊ မြီးဒုံးဆန်သစ်က တစ်အိတ်ကို ၃၀၀၀ကျပ်၊ ဧည့်မထ ၂၅ မှတ်တန်ဆန်က တစ်အိတ်ကို ၅၀၀ ကျပ်၊ ရက် ၉၀ ဆန်က တစ်အိတ်ကို ၂၀၀၀ကျပ် အသီးသီး ဈေးမြင့်တက်ခဲ့ပါတယ်။

စပါးဈေးတွေကလည်း ပြင်ပပေါက်ဈေး တင်း ၁၀၀ ကို ၁၆ သိန်းထိ ပေါက်ဈေးရှိနေတယ်လို့ သိရပေမဲ့ လက်ကျန် မရှိတဲ့အတွက် အရောင်းအဝယ်ကတော့မရှိဘူးလို့ ဆန်ကုန်သည်အချို့က ဆိုပါတယ်။

လာမဲ့ဘဏ္ဍာနှစ်မှာတော့ ဆန်တန်ချိန် ၂ သန်းကျော်တင်ပို့ဖို့ လျာထားတယ်လို့ မြန်မာနိုင်ငံဆန်ကုန်သည်အသင်းက ဆိုပါတယ်။

(လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) က ပေးပို့လာသည့် ဈေးနှုန်းများနှင့် သုံးသပ်ချက်ကို အခြေခံဖော်ပြခြင်း ဖြစ်ပါသည်။)

(အခြားကုန်စည်နှင့်သီးနှံဈေးနှုန်းများ သိရှိလိုပါက Green Way App ရှိ ' သီးနှံဈေးနှုန်းများ ' ကဏ္ဍတွင် ဝင်ရောက်ကြည့်ရှုနိုင်ပါသည်။)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...