သက်သာသောဈေးနှုန်းဖြင့် ဆန်များရောင်းပေးမည့်အစီအစဉ် MRF ကြေညာ

05/08/2023 09:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား

ဩဂုတ် ၇ ရက်ကစလို့ သက်သာသောဈေးနှုန်းဖြင့် ဆန်များရောင်းချပေးမယ့်အစီအစဉ်ကို မြန်မာနိုင်ငံ ဆန်စပါးအသင်းချုပ်က ဩဂုတ် ၄ ရက် ရက်စွဲနဲ့ ထုတ်ပြန်ကြေညာချက်ပြုလုပ်ခဲ့ပါတယ်။ 

မြန်မာနိုင်ငံ ဆန်စပါးအသင်းချုပ်၊ မြန်မာနိုင်ငံဆန်စပါးကုန်သည်များအသင်းနဲ့ Exporter ကုမ္ပဏီများရဲ့ ပူးပေါင်းဆောင်ရွက်မှုဖြင့် ဆန်ဈေးနှုန်းတည်ငြိမ်စေရန်အလို့ငှာ ပြည်တွင်းစားသုံးမှုများသည့်ဆန်များကို ဩဂုတ် ၈ ရက်ကစပြီး ဝါးတန်းလမ်းရှိ ဆန်စပါးကုန်စည်ဒိုင်၊ ဘုရင့်နောင်ရှိ ဆန်စပါးကုန်စည်ဒိုင်တို့မှာ စတင်ရောင်းချပေးသွားမယ်လို့ ထုတ်ပြန်ချက်မှာပါရှိပါတယ်။ 

ဘယ်လိုပုံစံနဲ့ဝယ်ယူရမလဲဆိုတာကိုတော့ အောက်ပါထုတ်ပြန်ချက်အပြည့်အစုံပုံမှာ ကြည့်ရှုနိုင်ပါတယ်။

လယ်ယာစိုက်ပျိုးရေးနှင့်ဈေးကွက်သတင်းအချက်အလက်အဖွဲ့ (AMIA) ရဲ့ ဈေးနှုန်းဖော်ပြချက်အရ ဩဂုတ် ၄ ရက်မှာ ရန်ကုန် ဝါးတန်းဈေးကွက်မှာ တစ်အိတ်ကို ကျပ် ၁၂၀၀၀၀ ကနေ ၁၃၀၀၀၀ ကြား ပေါက်ဈေးရှိနေတဲ့ ရွှေဘိုပေါ်ဆန်းကို အခုအစီအစဉ်အရ ကျပ် ၁၁၀၀၀၀ ကနေ ၁၂၀၀၀၀ ကြားနဲ့ ရောင်းချပေးသွားမှာပါ။ ဆိုတော့ တစ်အိတ် ၁၀၀၀၀ ကျပ် ဈေးလျော့ပါတယ်။

ဧရာဝတီပေါ်ဆန်းမွှေးဆန်များကိုတော့ တစ်အိတ်လျှင် ကျပ် ၉၄၀၀၀ ကနေ ၉၇၀၀၀ ကြား ဈေးနှုန်းနဲ့ ရောင်းချပေးသွားမှာ ဖြစ်ပါတယ်။ ရန်ကုန် ဝါးတန်းဈေးကွက်မှာလည်း ဩဂုတ် ၄ ရက်ဈေးနှုန်းတွေမှာ ဖျာပုံပေါ်ဆန်းမွှေးနဲ့ ဒေးဒရဲပေါ်ဆန်းမွှေးတွေက ကျပ် ၉၃၀၀၀ ကနေ ၉၅၀၀၀ ကြား၊ မြောင်းမြ ပုသိမ် ပေါ်ဆန်းမွှေးက ကျပ် ၉၇၀၀၀ ကနေ ၁၀၀၀၀၀ ကြား ပေါက်ဈေးရှိနေတာဖြစ်လို့ ထူးထူးခြားခြား ဈေး ကွာဟတာမျိုးတော့ မရှိပါဘူး။ 

ရန်ကုန် ဝါးတန်းဈေးကွက် ဩဂုတ် ၄ ရက်ဈေးနှုန်းအရ တစ်အိတ်ကို ကျပ် ၅၈၀၀၀ ကနေ ၆၀၀၀၀ ကြား ပေါက်ဈေးရှိတဲ့ ဧည့်မထ ၂၅% ဆန်ကိုလည်း ကျပ် ၆၀၀၀၀ နဲ့ ရောင်းပေးမှာမို့ ဒီဆန် ရောင်းချပေးမှုကလည်း ဈေးကွာဟမှုမရှိပါဘူး။

ဒီလိုသက်သာသောဈေးနှုန်းဖြင့်ရောင်းချပေးသောဆန်များကို လူတစ်ယောက်မှတ်ပုံတင် ၁ ခုလျှင် တစ်လကို ပေါ်ဆန်းအမျိုးအစား ပေါ်ဆန်းအမျိုးအစား ဆန် ၁ အိတ်နဲ့ ဧည့်မထအမျိုးအစား ဆန် ၁ အိတ် လွတ်လပ်စွာဝယ်ယူသွားနိုင်မှာဖြစ်တယ်လို့ ထုတ်ပြန်ချက်မှာ ပါရှိပါတယ်။

အခုထုတ်ပြန်ချက်မှာ အိတ်ရေဘယ်လောက်ရောင်းပေးမယ်လို့ ကန့်သတ်ထားတာမျိုးတော့ မပါရှိပါဘူး။ ယခင် ရောင်းပေးဖို့ပြင်ဆင်ကာလ ထုတ်ပြန်ချက်တွေတုန်းကတော့ ၂၅%အဆင့် ဧည့်မထဆန်အိတ် ၅၀၀၀၀ ရောင်းချပေးသွားမှာဖြစ်တယ်လို့ ထည့်သွင်းထုတ်ပြန်ခဲ့တာဖြစ်ပါတယ်။

ကျပ် ၂၀၀၀၀ တန် ငွေစက္ကူသစ်ထုတ်ပြန်ဖို့ရှိတယ်လို့ ကြေညာချက်အပြီး ဇူလိုင် ၂၄ ရက်ကတစ်ကြိမ်၊ ထုတ်ဝေခဲ့တဲ့ ဇူလိုင် ၃၁ ရက်မှာတစ်ကြိမ် ဆန်ဈေးတွေ တက်ခဲ့တာဖြစ်ပြီး ယခု သက်သာသော ဈေးနှုန်းဖြင့် ရောင်းချပေးတယ်ဆိုတဲ့ ဆန်ဈေးတွေကလည်း ဇူလိုင် ၂၁ ရက် ဈေးမတက်ခင်ကာလ ဈေးနှုန်းတွေလောက်တော့ သက်သာခြင်းမရှိတာဖြစ်ပါတယ်။

ဇူလိုင် ၂၁ ရက်တုန်းက ဈေးနှုန်းတွေကိုသိချင်ရင်တော့ အောက်ပါလင့်မှာ ဝင်ဖတ်နိုင်ပါတယ်။

https://greenwaymyanmar.com/posts/Rice_local_prices_July_24

Photo Crd_ MRF Facebook

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။
Read more Facebook Page သို့သွားရန်

ဆွေးနွေးချက်များ

ဆွေးနွေးရန်