ကိုရီးယားကားတာယာစက်ရုံသို့ ရာဘာတိုက်ရိုက်တင်ပို့ရောင်းချနိုင်

ကိုရီးယားကားတာယာစက်ရုံတစ်ခုကနေ မြန်မာ့ရာဘာကို အများအပြားဝယ်ယူလိုနေပြီး ရောင်းချလိုသူတွေရှိ ပါက တိုက်ရိုက်စကားပြောနိုင်ဖို့ ဆက်သွယ်ချိတ်ဆက်ပေးသွားမယ်လို့ နိုင်ငံတကာအရောင်းအဝယ် ကိုယ်စားလှယ် (International Broker) မအောလစ်က ပြောပါတယ်။

ဒီလို ကိုရီးယားဘက်က ရာဘာဝယ်လိုတဲ့အကြောင်းကို မအောလစ်အနေနဲ့ ပြီးခဲ့တဲ့ ဩဂုတ်လကတည်းက လိုအပ်တဲ့အရည်အသွေးအချက်အလက် (Specification) တွေနဲ့အတူ Facebook မှာ တင်ပေးဖူးပေမဲ့ အဲ့ဒီ Specification တွေက မြင့်မားလွန်းတာကြောင့် အခက်အခဲရှိတယ်ဆိုပြီး ရောင်းချလိုသူတွေဘက်က တုန့်ပြန်မှုတွေ ရှိခဲ့တယ်လို့ ဆိုပါတယ်။ ဒါကြောင့် အခုအခါမှာတော့ ကိုရီးယားဘက်က ဒီဘက်က ဖြစ်နိုင်တဲ့ အရည်အသွေး အတိုင်းပဲ ကြိုက်မယ်ဆိုရင် ဝယ်ယူသွားလိုကြောင်း ပြောလာတယ်လို့ မအောလစ်က ဆိုပါတယ်။

“ ကျွန်မတို့ဆီကို ရောင်းချင်တဲ့သူတွေဘက်က ပြောတာက သူတို့လိုချင်တဲ့ Specification အတိုင်းက အတိအကျ တော့ ဘယ်လိုမှ မရနိုင်ဘူး။ အဲ့ဒါကြီးက အရမ်းမြင့်တယ်လို့ ပြောကြတယ်။ အဲ့ထဲက တစ်ချို့ Processing (လုပ်ငန်းစဉ်) တွေက စက်ရုံအကြီးကြီးတွေနဲ့ကျမှ လုပ်လို့ရတယ်လို့ ပြောကြတယ်။ အဲ့တော့ ကိုရီးယား ဘက်ကလည်း ဒီဘက်ကနေပြီး ပေးနိုင်တဲ့ Quality မျိုးအတိုင်းပဲ သူ့တန်သလောက်နဲ့ ရသလောက်ကို ယူပေး ချင်တဲ့ ဝယ်လက်က ကျွန်မတို့ဆီမှာ ရှိပါတယ်။ အခုကတော့လေ ကိုရီးယားဘက်က သူတို့လိုချင်တဲ့ Specification အတိုင်း ရချင်ရ။ မရရင်လည်း ဒီနိုင်ငံဘက်ကနေ ရောင်းမယ့်သူတွေဘက်က ပေးနိုင်တဲ့ Specification ရရင် လိုချင်တယ်။ ရတဲ့ဟာလောက်နဲ့လည်း ယူချင်တယ်လို့ ပြောလာတာ။ ဆိုတော့ အဲ့လိုမျိုး လေးပေးချင်လား၊ ဒါမှမဟုတ် တွေ့ပြီး စကားပြော ဆွေးနွေးချင်တယ်ဆိုရင်လည်း ကျွန်မစီစဉ်ပေးလို့ ရပါတယ်ရှင့်” 

ရာဘာရောင်းချလိုသူ ဒါမှမဟုတ် လုပ်ငန်းရှင်တွေအနေနဲ့ စိတ်ဝင်စားလို့ ဆက်သွယ်လိုတယ်ဆိုရင် သူ့ဆီကို တိုက်ရိုက်ဆက်သွယ်နိုင်တယ်လို့လည်း မအောလစ်က ပြောပါတယ်။

“ ဆိုတော့ ရောင်းလိုသူရှိရင် ကျွန်မဆီကို ဆက်သွယ်ပြီး Specification လေးတွေ ပို့ပေးပေါ့။ အဲ့ဒါကို ကျွန်မတို့က ကိုရီးယားဘက်ကို ပို့လိုက်မယ်။ အဲ့ထဲကမှ သူတို့ဘက်က ကြိုက်တဲ့အမျိုးအစားကို နမူနာကြည့်ချင်တယ်ဆိုရင် ဝယ်သူဘက်ကို နမူနာတောင်းလိမ့်မယ်။ အဲ့ဒီ လုပ်ငန်းစဉ်တွေအားလုံးအတွက် တစ်ယောက်နဲ့တစ်ယောက် Personally တွေ့ပြီးတော့ ကျွန်မဘက်မှာလည်း ကျွမ်းကျင်သူတစ်ယောက်ရှိပါတယ်။ အဲ့ဒါကိုလည်း ချိန်းပေးပြီး စီစဉ်ပေးနိုင်ပါတယ်” 

ကိုရီးယားစက်ရုံအနေနဲ့ အရည်အသွေးပိုင်းနှစ်သက်ပါက ရသလောက်ကို ဝယ်ယူချင်တာဖြစ်တယ်လို့လည်း မအောလစ်က ဆိုပါတယ်။

“ သူတို့ကတော့ ရသလောက် ယူချင်တာ။ သူတို့က ဟိုဘက်မှာ ကားတာယာတွေ ထုတ်လုပ်တဲ့စက်ရုံ။ ဆိုတော့ ဝယ်လက်အကြီးကြီးကို ကျွန်မတို့ ချိတ်ထားတာ” 

ဒါနဲ့ပတ်သက်ပြီး စိတ်ဝင်စားလို့ ချိတ်ဆက်ရောင်းချလိုသူ ရာဘာလုပ်ငန်းရှင်တွေအနေနဲ့ မအောလစ် (International Broker – Ph. 09.425785272) ထံ တိုက်ရိုက်ဆက်သွယ်နိုင်မှာဖြစ်တယ်လို့ သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

ဗွေဆော်ဦး ကြော်ငြာ

ရောဂါပိုးမွှားတွေ ဝင်မလာနိုင်ဖို့ဆို အားရှိနေမှဖြစ်မှာနော်.. ဒါက လူတွေမှာတင်မဟုတ်ပါဘူး..မွေးမြူထားတဲ့ တိရစ္ဆာန်လေးတွေမှာလည်း အလားတူပါပဲ။ ဆိုတော့ ငါး၊ ပုစွန်မွေးမြူသူတွေအတွက်လည်း.. သူတို့လေးတွေ အားရှိနေဖို့ အားဆေးလေးတွေ ကျွေးပေးဖို့ လိုပါတယ်ရှင့်။ ဒီအတွက် အခက်အခဲလေး ရှိမယ်ဆိုရင်… ‘ဗွေဆော်ဦး’ မှာရှိတဲ့ ‘Aqua Booster’ လေးက ဖြေရှင်းပေးနိုင်ပါတယ်ရှင့်။ Aqua Booster ဆိုတာ… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝ ကမ္မဆိုင်ရာ အာဟာရအားတိုးဆေးမျိုးပါ။ သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်ပြီး ပုစွန်တွေရဲ့ ကျန်းမာ ရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်။ ဇီဝနည်းဖြင့် ဆွေးမြည့်ပျက်စီးပြီး ရေရှည်တည်တံ့တဲ့စွမ်းအင်မျိုးရှိတာကြောင့် ဘယ်လို ရေလုပ်ငန်း မျိုးနဲ့မဆို သင့်တော်ပြီး အမြတ်အစွန်းတိုးပွားစေနိုင်ပါတယ်။ ဘယ်လိုအကျိုးကျေးဇူးတွေ ရှိစေနိုင်လဲ… ပုစွန်များရဲ့ ကျန်းမာရေးကောင်းမွန်စေလို့ အူလမ်းကြောင်းထဲက pH ကို လျှော့ချပေးပြီး ရောဂါဖြစ်စေဘတ်တီးရီးယားများ လျော့ပါးစေ နိုင်ပြီး သဘာဝအကျိုးပြုဘက်တီးရီးယားများ တိုးပွားစေလို့ ကြီးထွားနှုန်းနှင့် ရှင်သန်နှုန်း မြင့်တက်စေခါတယ်။ ဘက်တီးရီးယားဒဏ်ကို အကောင်းဆုံးခံနိုင်ရည်ရှိစေပြီး အစာမှအသားဖြစ်စေနှုန်းနဲ့ ပရိုတင်း ချေဖျက်မှုကို မြှင့်တင်ပေးလို့ အထွက်နှုန်းကိုလည်းတိုးစေနိုင်ပါတယ်။ (ပဋိဇီဝဆေး မဟုတ်လို့ နောက်ဆက်တွဲပြဿနာများလည်းမရှိသောကြောင့် ထုတ်ကုန်တန်ဖိုးလျော့ကျစေမဲ့ ဓာတ်ကြွင်းအာနိသင်များမရှိပါ။) ကဲ...ဘာစဉ်းစားနေဦးမလဲ...ကိုယ့်ရဲ့ ငါး၊ ပုစွန်လေးတွေကို ‘ Aqua Booster’ နဲ့ အားတွေ မြှင့်ပေးလိုက်တော့လေ...။

Read more

မှာယူရန် နှိပ်ပါ