Sitrang မုန်တိုင်းအရှိန် ဘယ်လိုဆက်ရိုက်ခတ်မလဲ၊ ဘယ်တော့ထွက်သွားမှာလဲ...

24/10/2022 15:11 PM တွင် အစိမ်းရောင်လမ်း အစိမ်းရောင်လမ်း မှ ရေးသား

‘ဘင်္ဂလားပင်လယ်အော်အတွင်း လက်ရှိဖြစ်ပေါ်နေတဲ့ Sitrang မုန်တိုင်းဟာ နောက်လာမဲ့ ၁၂ နာရီအတွင်း အားအပြင်းဆုံး (ဗဟို လေတိုက်နှုန်း တစ်နာရီ မိုင် ၆၀ ကျော်)အထိ ဖြစ်လာပြီး ဘင်္ဂလားဒေ့ရှ်ကမ်း‌ခြေနားနီးတဲ့အခါ မြေမျက်နှာသွင်ပြင်ကြောင့် လေတိုက် အားလျော့ သွားပြီး ဗဟိုလေတိုက်နှုန်း တစ်နာရီ မိုင် ၄၀ ကျော်နဲ့ကုန်းတွင်းကိုဝင်မယ်’  လို့ နိုင်ငံတကာမိုးလေဝသ ထုတ်ပြန်ချက်တွေကို ကိုးကား ခန့်မှန်းပေးနေသူ ဦးဝင်းနိုင်က JTWC ခန့်မှန်းချက်ကိုကိုးကားပြီး ပြောပါတယ်။

အောက်တိုဘာ  ၂၅ ရက် ၁၂ နာရီခွဲ နောက်ပိုင်းမှာ ကုန်းတွင်းကို မုန်တိုင်းဗဟိုဝင်သွားပြီးရင်တော့၊ ကုန်းတွင်းလေဖိအားနည်းရပ်ဝန်းအဖြစ် မြောက်-အရှေ့မြောက်ဘက်(ဘင်္ဂလားဒေ့ရှ်နိုင်ငံ မြောက်ပိုင်းကတဆင့် အိန္ဒိယနိုင်ငံ အရှေ့ပိုင်း အာသံမဏိပူရနယ်အထိ)ဆက်ရွေ့ရင်း ၂၆ ရက်နေ့ နေ့လယ်ပိုင်းလောက်မှာ လုံးဝ အားပျော့ပျက်ပြယ်သွားမယ်ဆိုတာ တွေ့ရတယ်လို့လည်း ဦးဝင်းနိုင်က ဆိုပါတယ်။

ဒါပေမဲ့ မုန်တိုင်းကုန်းတွင်းဝင်ပြီးတဲ့နောက် မုန်တိုင်းအကြွင်အကျန်တိမ်တိုက်တွေနဲ့ မုန်တိုင်းအမြီးပိုင်းက တိမ်တိုက်တွေ မြန်မာပြည်ထဲ ဝင်လာနိုင်မဲ့ အခြေအနေကြောင့် ၂၅ ရက်နေ့ ည ပိုင်းအထိ မိုးများမဲ့ဒေသတွေ ရှိနေဦးမယ်လို့ ဦးဝင်းနိုင်က ခန့်မှန်းပါတယ်။

ဒီလို Sitrang မုန်တိုင်းနဲ့ပတ်သက်လို့ နောက်ဆုံးအခြေအနေတွေ၊ ရက်အလိုက် အရှိန်သက်ရောက်နိုင်မဲ့ ဒေသတွေ၊ ဘယ်အချိန်မှာထွက်သွားနိုင်ပြီး တစ်နိုင်ငံလုံး မိုးလေကင်းလွတ်သွားမလဲဆိုတာတွေအပေါ် ဦးဝင်းနိုင်ထံ Green Way က ဆက်သွယ်မေးမြန်းထားတာတွေကို ဖော်ပြပေးလိုက်ပါတယ်။

ဘယ်ဒေသတွေမှာ မုန်တိုင်းအရှိန်သက်ရောက်မှု ရှိနေဦးမှာလဲ..

"၂၄ ရက်၊ ၂၅ ရက်အတွင်းမှာတော့ မုန်တိုင်းအရှိန် သက်ရောက်မှုရှိနေမယ်။ ရခိုင်ပြည်နယ်၊ ချင်းပြည် နယ်၊ နောက်ပြီးတော့မှ အခု ပဲခူးတိုင်းတောင်ဘက်ခြမ်းကော၊ မြောက်ဘက်ခြမ်းကော ပါလာတယ်။ ဧရာဝတီတိုင်းကတော့ ပြီးသွားပြီလို့တောင် ပြောလို့ရတယ်။ အခုကတော့ ဧရာဝတီတိုင်းပေါ်မှာ မိုးများတာတော့ ဖြစ်နေပြီပေါ့နော်။ လေကငြိမ်သွားလိုက်၊ ပြန်တိုက်လိုက်ဖြစ်မယ်။ ဘာလို့ဖြစ်တာလဲ ဆိုတော့ မုန်တိုင်းရဲ့အပြင်ကွင်းတွေက ဖြတ်သွားတဲ့အချိန်မှာ လေတိုက်တယ်။ ပြီးရင် ပြန်ငြိမ်သွားပြီး မုန်တိုင်းရဲ့နောက်ဘက်ခြမ်းက ထပ်ရိုက်တဲ့အချိန်မှာ တခါထပ်ပြီး မိုးများတာ၊ လေတိုက်တာဖြစ်မယ်" 

"မုန်တိုင်းအရှိန်သက်ရောက်နေမယ့် တိုင်းနဲ့ပြည်နယ်တွေကို ပြန်ပြောမယ်ဆိုရင် ပဲခူးတိုင်းပါတယ်။ ရန်ကုန်တိုင်းကတော့ သိပ်မများတော့ဘူး။ နောက် မန္တလေးတိုင်းပါလာတယ်။ မကွေးတိုင်းပါလာတယ်။ ရခိုင်ပြည်နယ်နဲ့ ချင်းပြည်နယ်ကတော့ အများဆုံးပေါ့။ အခုကို စစ်တွေမှာ တစ်နာရီ မိုင် ၅၀ ကျော် တိုက်နေတယ်။ ကျန်တဲ့နေရာတွေကတော့ မုန်တိုင်းအရှိန်သက်ရောက်မှု မရှိတော့သလောက် ဖြစ်သွားပြီ" 

ဘယ်ရက်မှာ မုန်တိုင်းထွက်သွားမှာလဲ..

“၂၆ ရက်နေ့ဆိုရင် မုန်တိုင်းက ကုန်းတွင်းကိုဝင်သွားမယ်။ အဲ့ဒီကျရင် သူ့ရဲ့လေတိုက်နှုန်းက တစ်နာရီ ၁၇ မိုင်နှုန်းလောက်ပဲ ရှိတော့မယ်။ မနက်ဖြန် နေ့လယ် ၁ နာရီဆိုရင်ကို သူကအားပျော့သွားပြီ။ တစ်နာ ရီ မိုင် ၃၀ လောက်ပဲ တိုက်တော့တာရှိမယ်။ မုန်တိုင်းအရှိန်သက်ရောက်မှုကလည်း အလယ်ပိုင်းဒေသ တွေကို ရောက်သွားမယ်။ မန္တလေးတိုင်း၊ မကွေးတိုင်း၊ စစ်ကိုင်းတိုင်း နောက်ပြီးတော့မှ ရှမ်းပြည်နယ်။ ရှမ်းပြည်နယ်ကတော့နည်းတယ်။ ၂၅ ရက်နေ့ (မနက်ဖြန်) ညပိုင်းဆိုရင် ချင်းပြည်နယ်မြောက်ပိုင်း၊ စစ်ကိုင်းတိုင်းအထက်ပိုင်းတွေမှာ နေရာကွက်ပြီး မိုးများနိုင်မဲ့ အခြေအနေတွေဖြစ်လာနိုင်တယ်”

“ ရခိုင်ပြည်နယ်တို့၊ ဧရာဝတီတိုင်း၊ ရန်ကုန်တိုင်း၊ ပဲခူးတိုင်းတောင်ပိုင်း (မြောက်ပိုင်းတော့ နည်းနည်းကျန်ဦးမယ်) ၊ မွန်တို့၊ တနင်္သာရီတို့မှာတော့ အဲ့ဒီအချိန်ကျရင် မုန်တိုင်းသက်ရောက်မှုအရှိန် မရှိတော့ဘူး။ ၂၆ ရက် နေ့ဆိုရင်တော့ မနက်ပိုင်းက စပြီး တပြည်လုံး မုန်တိုင်းအရှိန်သက်ရောက်မှု လုံးဝကင်းရှင်းသွားပါမယ်” 

ဆိုတော့ ၂၆ ရက်နေ့နောက်ပိုင်းကစပြီး တစ်နိုင်ငံလုံးမှာ မိုးကုန်သွားတော့မှာလား...

“ ကြိုတင်ခန့်မှန်းချက်တခုရှိတာက ၃၀ ရက်နေ့ကျရင် အရှေ့ဖိလစ်ပိုင်ပင်လယ်ပြင်မှာ ဖြစ်လာ မယ့် မုန်တိုင်းက ဖိလစ်ပိုင်နိုင်ငံကို ဝင်တိုက်မယ်။ ဝင်တိုက်ပြီးရင် ၃၁ ရက်နေ့ကျရင် ထိုင်ဝမ်နဲ့ ဖိလစ်ပိုင် နိုင်ငံကြားရောက်မယ်။ အဲ့ဒီကနေ တောင်တရုတ်ပင်လယ်ကိုလာမလား၊ မြောက်ဘက်ကို တက်သွားမလားဆိုတာကို စောင့်ကြည့်ရမှာတော့ရှိတယ်။ မြောက်ဘက်ကိုတက်သွားမယ်ဆိုရင် ထိုင်ဝမ်ကျွန်းတို့၊ ဂျပန်တို့ ကိုရီးယားတို့ဘက်ရောက်သွားရင် ဒီဘက်မှာ ပျောက်သလောက် ဖြစ်သွားမယ်” 

#(ဆရာဦးဝင်းနိုင်အနေဖြင့် Windy App ရှိ ကမ္ဘာလုံးဆိုင်ရာမိုးလေဝသ Model များဖြစ်သည့် ECMWF Model နှင့် GFS Model ခန့်မှန်းချက်များကို အသုံးပြု၍ ကြိုတင်ခန့်မှန်းခြင်း ဖြစ်ပါသည်)

Photos Crd_ U Win Naing

#(မိမိဒေသ မြို့နယ်တစ်ခုချင်းအလိုက် အသေးစိတ်မိုးလေဝသအခြေအနေများကို သိလိုပါက Green Way app ရှိ ‘ မေးကြ၊ ဖြေကြ ဒေသအလိုက် မိုးလေဝသ’ အဖွဲ့တွင် အခမဲ့အဖွဲ့ဝင်ပြီး ဆရာနှင့် တိုက်ရိုက်မေးမြန်းနိုင်ပါသည်)

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 


PROBIO ကြော်ငြာ
ကြက်/ဝက် မွေးမြူရေးလုပ်ငန်းတွေမှာ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) များအစား၊ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) များကို ဘာကြောင့်အစားထိုး အသုံးပြုသင့်တာလဲ။ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) ဆိုတာကတော့ လူ၊ တိရစ္ဆာန်တွေမှာကပ်တွယ်ပြီး ကျန်းမာရေးကို အန္တရာယ်ပြုနိုင်တဲ့ အဏုဇီဝပိုးမွှားတွေကို ကြီးထွားပြန့်ပွားမှု့လျော့ကျအောင် ရှင်းလင်းသုတ်သင်ပေးတဲ့ ဆေးတစ်မျိုးဖြစ်ပြီး အထူးသဖြင့် မွေးမြူရေးကဏ္ဍမှာ ၇၀-၈၀% အထိ အသုံးပြုလျက်ရှိကြပါတယ်။ ကြက်မွေးမြူရေးကဏ္ဍမှာဆိုရင် အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေဟာ ကြက်တွေမှာဖြစ်ပွားတတ်တဲ့ အသက်ရှုလမ်းကြောင်းရောဂါ၊ အူလမ်းကြောင်းရောဂါ၊ အခြားသောဘက်တီးရီးယားများကြောင့်ဖြစ်တဲ့ ရောဂါတွေကိုကုသရာမှာ အလွန်ထိရောက်ပါတယ်။ သို့သော်ငြားလည်း ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေကိုအသုံးပြုတဲ့အခါ ဆေးမတိုးတော့တဲ့ အန္တရာယ်ရှိ အဏုဇီဝပိုးမွှားဗီဇပေါ်ထွက်လာနိုင်ပြီး ထိုမှတဆင့် အရေအတွက်အများအပြားအဖြစ်သို့ ပြန်လည်ပွားများလာကာ ပဋိဇီဝဆေးဆေးယဉ်ပါးမှု (𝐀𝐌𝐑) ကိုဦးတည်နိုင်စေပါတယ်။ ဒီနေရာမှာ အဆိုပါ ပဋိဇီဝဆေး (𝐀𝐧𝐭𝐢𝐛𝐢𝐨𝐭𝐢𝐜𝐬) တွေအစား အစားထိုးအသုံးပြုသင့်တဲ့ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) အကြောင်းကို ထပ်မံအကြံပြုဝေမျှပေးပါရစေ။ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ဆိုတာကတော့ မွေးမြူရေးတိရစ္ဆာန်တွေ ကျန်းမာရေးကောင်းမွန်စေဖို့အတွက် ရည်ရွယ်ပြီးထုတ်လုပ်ထားတဲ့ အကျိုးပြု အဏုဇီဝပိုးမွှားများဖြင့် ထုတ်လုပ်ထားတဲ့ဆေး (တနည်းအားဖြင့်) အစာ လို့လည်းဆိုနိုင်ပါတယ်။ ၂၀၀၂ ခုနစ်မှာ 𝐖𝐇𝐎 နဲ့ 𝐅𝐀𝐎 ကနေပြီးတော့မှ ပရိုဘိုင်အိုတစ်ဆိုတာ သက်ရှိအဏုဇီပိုးတွေပါဝင်သောဆေးဖြစ်ပြီး လုံလောက်တဲ့ ပမာဏ အထိ တိုက်ကျွေးမယ်ဆိုရင် ပဋိဇီဝဆေးတိုက်ကျွေးစရာမလိုပဲ မွေးမြူရေးတိရစ္ဆာန်တွေရဲ့ ကျန်းမာရေးကို ကောင်းမွန်စေကြောင်း အကြံပြုထားတာတွေရှိပါတယ်။ ဒါကြောင့် မွေးမြူရေးလုပ်ငန်းတွေမှာ အဆိုပါ ပရိုဘိုင်အိုတစ် (𝐏𝐫𝐨𝐛𝐢𝐨𝐭𝐢𝐜𝐬) ကို ပဋိဇီဝဆေးဝါးများအစား၊ အစားထိုးအသုံးပြုခြင်းက အန္တရာယ်ရှိအဏုဇီဝပိုးမွှားတွေရဲ့ ဆေးယဉ်ပါးမှု (𝐀𝐌𝐑) ဖြစ်ပွားနိုင်ချေ ရာခိုင်နှုန်းကိုလျော့ချနိုင်ပြီး မွေးမြူရေးတိရစ္ဆာန်တွေရဲ့ဇီဝကမ္မဖြစ်စဉ်များကို အနှောက်အယှက်ပြုခြင်းမှ ကာကွယ်နိုင်မှာဖြစ်ပါတယ်။ "စာရေးသားသူဒေါက်တာညွန့်ရွှေ (မွေးမြူ/ဆေးကု) " Myanmar Innovative Life Sciences Co., Ltd မှ ထုတ်လုပ်ဖြန့်ချိပြီး မြန်မာ 𝐅𝐃𝐀 ၏ ခွင့်ပြုချက်လိုင်စင်နဲ့အညီ ပြည်တွင်း၌ထုတ်လုပ်ကာ မြန်မာနိုင်ငံမွေးမြူရေးလုပ်ငန်းရှင်များကို အဆင်သင့်ကူညီပေးမယ့် အရည်အသွေးမြင့် အစာလမ်းကြောင်းအားဖြည့်ဆေး PROBIO က အသင့်ရှိနေပါတယ်။ အခုပဲဒီလင့်မှာ ပြည့်စုံစွာဖောင်ဖြည့်ပြီးဆက်သွယ်လိုက်ပါ- https://tinyurl.com/MILS-PROBIO 𝐏𝐑𝐎𝐁𝐈𝐎 မှ မွေးမြူရေးဆိုင်ရာကျွမ်းကျင်ဝန်ထမ်းတွေကနေ တိုက်ရိုက်ဆက်သွယ်ပြီး အကူအညီပေးမှာဖြစ်ပါတယ်။ 𝐏𝐑𝐎𝐁𝐈𝐎 ဖြန့်ချိရေးနှင့်ကိုယ်စားလှယ်ယူလိုသူများ တိုက်ရိုက်ဆက်သွယ်ရန်ရုံးချုပ်လိပ်စာ- အမှတ် (၁၆၅)၊ အောင်ဇေယျလမ်းသွယ် (၁) ၊ သီရိမင်္ဂလာလမ်း၊ အင်းစိန်မြို့နယ်၊ ရန်ကုန်မြို့။ Hotline: 09 263 709 553, 09 267 287 608, Email: [email protected] #MILS #PROBIO
Read more မွေးမြူရေး အကူအညီရယူရန် နှိပ်ပါ

ဆွေးနွေးချက်များ

ဆွေးနွေးရန်