ကျန်းမာရေးဆိုင်ရာ ကောင်းကျိုးများတဲ့ ဗုံလုံသီး

ရာသီစာတစ်မျိုးဖြစ်တဲ့ ဗုံလုံသီးကို ကြိုက်နှစ်သက်တဲ့ သူတွေရှိပါသလား။ တချို့ကလည်း ဗုံလုံသီးကို ပဲလင်းမြွေသီးလို့ ခေါ်ဆိုကြပါတယ်။ ဗုံလုံသီးဟာ နွယ်ပင်တစ်မျိုးဖြစ်ပြီး အချို့သောမျိုးစိတ်တွေဆိုရင် အရှည် ၅ ပေလောက်အထိ ပေါက်ရောက်နိုင်တာ ဖြစ်ပါတယ်။

ဗုံလုံသီးရဲ့ မူရင်းဒေသတွေကတော့ မြန်မာ၊ အိန္ဒိယ၊ အင်ဒိုနီးရှား၊ သီရီလင်္ကာတို့ ဖြစ်ကြပြီး ဩစတြေးလျနဲ့ အာဖရိကရဲ့ အချို့သော ဒေသတွေမှာလည်း ပေါက်ရောက်ကြတာ ဖြစ်ပါတယ်။ ဗုံလုံသီးကို ဩစတြေးလျနိုင်ငံမှာတော့ ရိုးရာလေမှုတ်တူရိယာတစ်မျိုးဖြစ်တဲ့ ဒစ်ဂျရီဒူး (Didgeridoo) ပြုလုပ်ရာမှာလည်း အသုံးပြုကြတာ တွေ့ရပါတယ်။

ဗုံလုံသီးဟာ ကမ္ဘာတစ်ဝန်းမှာ လူသိများတဲ့ ဟင်းသီးဟင်းရွက် မဟုတ်ပေမယ့်လည်း ထူးခြားပြီး အကျိုးများစေတာတော့ အမှန်ပါပဲ။ အသီးသာမက၊ အညွှန့်၊ အရွက်နဲ့ အစေ့တွေဟာလည်း အသုံးဝင်တာ ဖြစ်ပါတယ်။

ဗုံလုံသီးကို ပါးပါးလှီးပြီးတော့ သူ့ချည်းသတ်သတ် ကြော်စားနိုင်သလို ပုဇွန်ခြောက်နဲ့လည်း နှပ်ပြီးတော့ စားနိုင်ပါတယ်။ ဒါ့အပြင် ပုဇွန်ဆိတ်၊ ပုဇွန်ထုပ်၊ ဝက်သား၊ ငါးဖယ် စတဲ့ အသားတွေနဲ့လည်း အစာသွပ်ပြီးတော့ စားသုံးနိုင်ပါတယ်။ ကြာဇံနဲ့ရောပြီး ဟင်းချိုအနေနဲ့ သောက်သုံးမယ်ဆိုရင်လည်း အရသာရှိတဲ့ ဟင်းတစ်ခွက်ဖြစ်စေမှာပါပဲ။ တချို့ကတော့ ဗုံလုံသီး စစ်ထုတ်ရည်ကို ဆေးဖက်ဝင်ဖျော်ရည်အနေနဲ့ သောက်သုံးကြတာမျိုးအထိ ရှိပါတယ်။

ဒါ့ကြောင့် ယခုဆောင်းပါးမှာတော့ ဗုံလုံသီးကနေ ရရှိနိုင်တဲ့ ကျန်းမာရေးဆိုင်ရာ ကောင်းကျိုးတွေကို မျှဝေပေးသွားမှာ ဖြစ်ပါတယ်။

ပါဝင်သော အာဟာရဓာတ်များ

ဗုံလုံသီးမှာဆိုရင် လူတွေအတွက် အကျိုးများစေတဲ့ အာဟာရဓာတ်၊ ဗီတာမင်နဲ့ သတ္တုဓာတ်တွေ ကြွယ်ဝစွာ ပါဝင်နေတာ ဖြစ်ပါတယ်။ အဓိကအားဖြင့် ဗီတာမင် အေ၊ ဘီ၊ စီ၊ အီး တို့အပြင် မဂ္ဂနိစ်၊ မဂ္ဂနီစီယမ်၊ ကယ်လ်စီယမ်၊ အိုင်းယွန်း၊ ပိုတက်စီယမ်၊ သိုင်ယာမင် (thiamin)၊ ရီဘိုဖလက်ဗင် (riboflavin)၊ ကယ်ရိုတင်း (carotene) နဲ့ အိုင်အိုဒင်း စတဲ့ဓာတ်တွေ ပေါပေါများများ ပါဝင်နေတာ ဖြစ်ပါတယ်။ ဒါ့အပြင် အမျှင်ဓာတ်၊ ကယ်လ်လိုရီ အနည်းငယ်နဲ့ ပရိုတင်းဓာတ်တွေလည်း ကြွယ်ဝစွာ ပါဝင်နေတာကြောင့် ကျန်းမာရေးအတွက် အကျိုးများစေတဲ့ ဟင်းသီး ဟင်းရွက်တစ်မျိုး ဖြစ်ပါတယ်။

နှလုံးကျန်းမာရေး ကောင်းစေခြင်း

ကိုလက်စထရော ပါဝင်မှုနည်းတဲ့ ဗုံလုံသီးကို ပုံမှန်စားသုံးပေးခြင်းဖြင့် နှလုံးကျန်းမာရေးကို ကောင်းမွန်စေမှာ ဖြစ်ပါတယ်။ ဗုံလုံသီးဟာ သွေးလည်ပတ်မှုကိုကောင်းစေပြီး နှလုံးကြွက်သားတွေရဲ့ လုပ်ဆောင်ချက်တွေကိုလည်း အထောက်အကူပြုစေပါတယ်။ ဒါ့ကြောင့် ဗုံလုံသီး စားသုံးခြင်းဖြင့် ရင်တုန်ခြင်း၊ စိတ်ဖိစီးမှု နဲ့ နှလုံးအောင့်ခြင်း တို့ကို သိသိသာသာ လျော့နည်း သက်သာစေမှာ ဖြစ်ပါတယ်။ ဒါ့အပြင် ဗုံလုံသီးမှာ ပါဝင်တဲ့ ပိုတက်စီယမ်ဓာတ်ဟာ သွေးကြောကျဥ်းတာမျိုးတွေကို ကာကွယ်ပေးနိုင်သလို သွေးတိုးခြင်းနဲ့ ခန္ဓာကိုယ်တွင်းမှာရှိတဲ့ ကိုလက်စထရော ပမာဏကိုလည်း လျော့ချပေးနိုင်မှာ ဖြစ်ပါတယ်။

အဆိပ်အတောက်များ ဖယ်ရှားပေးနိုင်ခြင်း

ဗုံလုံသီးကနေ စစ်ထုတ်ယူထားတဲ့ ဖျော်ရည်ကို သောက်သုံးပေးခြင်းဖြင့် ခန္ဓာကိုယ်အတွင်းမှာ ရှိနေတဲ့ အဆိပ်အတောက်တွေကို ဖယ်ရှားပေးနိုင်ပြီး အစာချေဖျက်မှုကိုလည်း ကူညီပေးနိုင်မှာ ဖြစ်ပါတယ်။ အရွက်ဟာဆိုရင်လည်း အသီးကဲ့သို့ အဆိပ်အတောက်တွေကို ဖယ်ရှားပေးနိုင်တဲ့ အာနိသင်ပါရှိသလို အူလမ်းကြောင်းတွေကိုလည်း သန့်စင်ပေးနိုင်တာ ဖြစ်ပါတယ်။ အဆိပ်အတောက်ဖြစ်တဲ့အခါမျိုးတွေမှာ အရွက်ကနေ စစ်ထုတ်ယူထားတဲ့ အရည်ကို သောက်သုံးပေးခြင်းဖြင့် အော့အန်ခြင်းဖြစ်ပြီး သက်သာစေမှာ ဖြစ်ပါတယ်။ ဒါ့ကြောင့် ဖျော်ရည်ကို လက်ဖက်ရည်ဇွန်း ၁ ဇွန်း (သို့မဟုတ်) ၂ ဇွန်းကို ပုံမှန်သောက်သုံးပေးခြင်းဖြင့် ကောင်းကျိုးရရှိစေမှာ ဖြစ်ပါတယ်။ ၎င်းဖျော်ရည်ထဲကို ပျားရည်၊ ဆေးခါးကြီးအရွက် (chiretta) စတာတွေနဲ့ ထည့်သွင်းသောက်သုံးပေးခြင်းဖြင့် ဖျားနာခြင်းတွေကိုလည်း သက်သာစေမှာဖြစ်ပါတယ်။ ဒါ့အပြင် ဗုံလုံသီးရဲ့ အစေ့တွေဟာဆိုရင်လည်း ဝမ်းချုပ်ခြင်းအပြင် အသည်းနဲ့ ဆီးလမ်းကြောင်းဆိုင်ရာ ပြဿနာတွေကိုလည်း လျော့နည်းအောင် ကာကွယ်ပေးနိုင်မှာ ဖြစ်ပါတယ်။

အသက်ရှူလမ်းကြောင်းဆိုင်ရာ ပြဿနာများ လျော့နည်းစေခြင်း

ဗုံလုံသီးဟာ အသက်ရှူလမ်းကြောင်းမှာရှိနေတဲ့ အကျိအချွဲ သလိပ်တွေနဲ့ အနာအဖုတွေကို လျော့နည်းသက်သာအောင် ကူညီပေးနိုင်ပါတယ်။ ဒါ့ကြောင့် နှာခေါင်းပိတ်တာမျိုးတွေနဲ့ အသက်ရှူရ ခက်ခဲတာမျိုးတွေကိုလည်း သက်သာစေမှာ ဖြစ်ပါတယ်။ ဗုံလုံသီးမှာ ပါဝင်နေတဲ့ ဓာတ်တိုးဆန့်ကျင်ပစ္စည်းတွေဟာ ခန္ဓာကိုယ်တွင်း အဆုတ်ရဲ့လုပ်ဆောင်ချက်တွေကို များစွာ အကျိုးပြုနိုင်ပြီး ဓာတ်မတည့်တာမျိုးတွေနဲ့ ပန်းနာရင်ကြပ် ပြဿနာတွေကိုလည်း ကာကွယ်ပေးနိုင်မှာ ဖြစ်ပါတယ်။ ဒါ့အပြင် ဗုံလုံသီးဟာ ကိုယ်ခံအားစနစ်ကို ကောင်းမွန်စေပြီး ဘက်တီးရီးယားနဲ့ ဗိုင်းရပ်စ်တွေကို တွန်းလှန်ပေးနိုင်တဲ့ ဂုဏ်သတ္တိတွေလည်း ပါဝင်နေတယ်လို့ ဆိုပါတယ်။

အသားအရေ ကောင်းမွန်စေခြင်း

ဗုံလုံသီးမှာ ဗီတာမင် စီနဲ့ ဗီတာမင် အီး ကြွယ်ဝစွာ ပါဝင်နေတာကြောင့် အသားအရေကို စိုပြေကျန်းမာစေနိုင်ပါတယ်။ ဒါ့အပြင် ဗုံလုံသီးဟာ သခွားမျိုးရင်းဝင် အပင်ဖြစ်တာကြောင့် အရေပြားအတွက် ကောင်းမွန်စေပြီး အစိုဓာတ်ကိုလည်း ထိန်းပေးနိုင်တာ ဖြစ်ပါတယ်။ ၎င်းရဲ့အနှစ်ကို နေလောင်ဒဏ်ရာတွေနဲ့ ခြောက်သွေ့ယားယံတဲ့ နေရာတွေမှာ လိမ်းပေးခြင်းဖြင့် သက်သာစေနိုင်မှာ ဖြစ်ပါတယ်။ သခွားသီးကို အသုံးပြုသလိုမျိုး အချပ်လိုက် လှီးပြီးတော့ မျက်နှာအရေပြားပေါ်မှာ အသုံးပြုမယ်ဆိုရင် မျက်ကွင်းညိုတာမျိုးတွေနဲ့ မျက်လုံးတဝိုက် ရောင်ရမ်းတာမျိုးတွေကို သက်သာစေမှာ ဖြစ်ပါတယ်။ ဒါ့အပြင် ဗုံလုံသီးအစေ့ကနေ ရရှိတဲ့ အနှစ်ကိုလည်း ထိခိုက်ဒဏ်ရာတွေ ရရှိတဲ့ အခါမျိုးမှာ အုံပေးထားခြင်းဖြင့် သက်သာပျောက်ကင်းစေမှာ ဖြစ်ပါတယ်။

ဇင်ထူးနိုင်

Ref: https://www.organicfacts.net/

https://www.healthifyme.com/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...