စိုက်ပျိုးမွေးမြူရေးဖြင့် ဖွံ့ဖြိုးတိုးတက်မှုအရှိဆုံးနိုင်ငံများ (၂)

11/08/2023 10:57 AM တွင် အစိမ်းရောင်လမ်း အစိမ်းရောင်လမ်း မှ ရေးသား

စိုက်ပျိုးမွေးမြူရေးဆိုတာ လူသားတွေရဲ့စားဝတ်နေရေးအတွက် အခြေခံအကျဆုံးအချက်တွေကို ဖြည့်ဆည်းပေးနေတဲ့ နယ်ပယ်ပါ။ နိုင်ငံအများစုမှာ အလုပ်အကိုင်အခွင့်အလမ်း အများဆုံးဖန်တီးပေးနိုင်တဲ့နယ်ပယ်တစ်ခုလည်းဖြစ်ပါတယ်။

မြန်မာနိုင်ငံဆိုရင်လည်း စိုက်ပျိုးမွေးမြူရေးကို အခြေခံထားတဲ့နိုင်ငံတစ်နိုင်ငံပါပဲ။ လုပ်ကိုင်ပုံစနစ်တွေသာ မှန်ကန်မယ်ဆို စားဝတ်နေရေးအတွက် ဘဝအာမခံချက်ပေးနိုင်တဲ့ နယ်ပယ်တစ်ခုလည်းဖြစ်ပါတယ်။

ဒီလိုပဲ ကျွန်တော်တို့ဒေသတွင်းနိုင်ငံတချို့မှာလည်း စိုက်ပျိုးမွေးမြူရေးနယ်ပယ်မှာ မှီခိုမှုအများကြီး ရှိပါတယ်။ စိုက်ပျိုးမွေးမြူရေးကိုအသုံးချပြီး နိုင်ငံ့စီးပွားကို တစ်ထောင့်တစ်နေရာကနေ မြှင့်တင်နေတဲ့နိုင်ငံတွေလည်း ရှိပါတယ်။

ဒီထဲကမှ စိုက်ပျိုးမွေးမြူရေးဖြင့် ဖွံ့ဖြိုးတိုးတက်မှုအရှိဆုံးနိုင်ငံများအကြောင်းကို ဖော်ပြတာပါ။ အပိုင်း(၁) မှာတော့ ဒီနယ်ပယ်ကနေ ဖွံ့ဖြိုးတိုးတက်မှုအရှိဆုံးနိုင်ငံကြီးနှစ်နိုင်ငံဖြစ်တဲ့ တရုတ်နိုင်ငံနဲ့ အိန္ဒိယနိုင်ငံတို့အကြောင်းကို ဖော်ပြပေးခဲ့ပြီးပါပြီ။

အောက်ပါလင့်ကနေ ဝင်ရောက်ဖတ်ရှုနိုင်ပါတယ်။ 

https://greenwaymyanmar.com/posts/Top_countries_developed_with_Agriculture

အခု အပိုင်း(၂) မှာတော့ နောက်ထပ် နိုင်ငံ ၅ နိုင်ငံအကြောင်း ထပ်မံဖော်ပြပေးသွားပါမယ်။

အမေရိကန်

အမေရိကန်နိုင်ငံဟာ ကမ္ဘာ့စိုက်ပျိုးနိုင်တဲ့ကုန်းမြေဧရိယာပိုင်ဆိုင်မှုမှာ အိန္ဒိယပြီးရင် ဒုတိယအများဆုံးရှိတဲ့ နိုင်ငံဖြစ်သလို စားနပ်ရိက္ခာပို့ကုန်တန်ဖိုး ပိုလျှံတဲ့နိုင်ငံလည်းဖြစ်တယ်လို့ ဆိုပါတယ်။ 

စက်မှုလယ်ယာစိုက်ပျိုးရေးစနစ် အားကောင်းမှုကြောင့် အမေရိကန်ဟာ သီးနှံထုတ်လုပ်မှုနဲ့ မျိုးစေ့ထုတ်လုပ်မှုမှာ ထိပ်သီးနိုင်ငံတစ်နိုင်ငံလည်းဖြစ်နေတာပါ။ ခရမ်းချဉ်၊ ပြောင်း၊ မြေပဲနဲ့ နေကြာကို အဓိက စိုက်ပျိုးထုတ်လုပ်ပါတယ်။ 

နိုင်ငံပြည်ပပို့ကုန်စုစုပေါင်းရဲ့  ၂၃ ရာခိုင်နှုန်းထိဟာ စိုက်ပျိုးမွေးမြူရေးထွက်ကုန်တွေဖြစ်တယ်လို့ သိရ ပါတယ်။

အင်ဒိုနီးရှား

ကျွန်းပေါင်းမြောက်များစွာနဲ့ဖွဲ့စည်းထားတဲ့ အင်ဒိုနီးရှားနိုင်ငံရဲ့ ပြည်တွင်းအသားတင်ထုတ်လုပ်မှုတန်ဖိုး GDP စုစုပေါင်းရဲ့ ၁၄ ရာခိုင်နှုန်းဟာ စိုက်ပျိုးမွေးမြူရေးနယ်ပယ်ကနေ ရတာပါ။

ဆီအုန်း၊ ကော်ဖီ၊ ကိုကိုး၊ ရာဘာ၊ စပါး၊ ပဲပုပ်၊ ပြောင်း၊ ပီလောပီနံ၊ ပဲမျိုးစုံ၊ သစ်သီးနဲ့ ဟင်းသီးဟင်းရွက် တွေကို စီးပွားဖြစ်စိုက်ပျိုးထုတ်လုပ်နေပြီး ကမ္ဘာပေါ်မှာ စိုက်ပျိုးမွေးမြူရေးထွက်ကုန် တင်ပို့မှု အမြင့်ဆုံးနိုင်ငံဖြစ်တယ်လို့လည်း သိရပါတယ်။ 

နိုင်ငံသားတစ်ဦးချင်းစီစပါးထုတ်လုပ်နိုင်စွမ်း ကမ္ဘာ့အမြင့်ဆုံးနိုင်ငံလည်းဖြစ်ပါတယ်။

(၅) ဘရာဇီး

တောင်အမေရိကနိုင်ငံတစ်နိုင်ငံဖြစ်တဲ့ ဘရာဇီးကတော့ နိုင်ငံရဲ့ကုန်းမြေဧရိယာတစ်ဝက်လောက်က သစ်တောတွေနဲ့ ဖုံးလွှမ်းနေတာပါ။ မြန်မာနိုင်ငံလိုပဲ စိုက်ပျိုးမွေးမြူရေးအခြေခံတဲ့ နိုင်ငံတစ်နိုင်ငံ ဖြစ်ပါတယ်။ 

ဘရာဇီးတောင်ပိုင်းဟာ မြေဆီဩဇာကြွယ်ဝပြီး ရေသွင်းရေထုတ်လည်း အဆင်ပြေပြေရှိလို့ စိုက်ဖို့ပျိုးဖို့က ရေကန်အသင့် ကြာအသင့်ဖြစ်နေတာပါ။ 

ကြံ၊ ကော်ဖီ၊ ဂျုံ၊ ကိုကိုး၊ စပါး၊ ပဲပုပ်၊ ပြောင်း၊ ဟင်းသီးဟင်းရွက်၊ အေးခဲကြက်သား၊ အမဲသားနဲ့ သီးနှံထွက် အီသနော စတာတွေကို တင်ပို့မှုအမြင့်ဆုံးနိုင်ငံဖြစ်ပြီး ကမ္ဘာ့ပေါင်မုန့်ခြင်းကြီးလို့ တင်စားခံရတဲ့ နိုင်ငံ တစ်နိုင်ငံလည်းဖြစ်ပါတယ်။

(၆) လိုင်ဘေးရီးယား

အာဖရိကနိုင်ငံတစ်နိုင်ငံဖြစ်တဲ့ လိုင်ဘေးရီးယားကတော့ စိုက်ပျိုးမွေးမြူရေးနယ်ပယ်မှာ ရင်းနှီးမြှုပ်နှံမှုတွေ မြှင့်တင်လိုက်ပြီးနောက်ပိုင်း စီးပွားရေးခုန်တက်သွားတဲ့နိုင်ငံပါ။ အနောက်အာဖရိကနိုင်ငံတွေရဲ့ ပြည်တွင်းအသားတင်ထုတ်လုပ်မှုတန်ဖိုး GDP စုစုပေါင်းရဲ့ ၈၀ ရာခိုင်နှုန်းနီးပါးဟာ လိုင်ဘေးရီးယားပေါ် မူတည်နေတာပါ။ စိုက်ပျိုးမွေးမြူရေးနယ်ပယ် နိုင်ငံရဲ့အလုပ်အကိုင် ၆၈ ရာခိုင်နှုန်းလောက်ထိကို ဖန်တီးပေးထားတာဖြစ်တယ်လို့ ဆိုပါတယ်။ 

ဒီနယ်ပယ်အပေါ် ပြည်တွင်းစစ်ရဲ့ရိုက်ခတ်မှုမှုရှိခဲ့ပေမဲ့ စိုက်ပျိုးမွေးမြူရေးအတွက် အသင့်တော်ဆုံး အခြေအနေမှာရှိနေတဲ့ဒေသဖြစ်လို့ ရင်းနှီးမြှုပ်နှံမှုများစွာပြုလုပ်ပြီး ပြင်းပြင်းထန်ထန် ပြန်လည်တည်ဆောက်မြှင့်တင်ခဲ့ပါတယ်။ ရလဒ်ကတော့ ရာဘာနဲ့ ဆီအုန်းလိုသီးနှံတွေကနေ အဓိကဝင်ငွေ ရလာခဲ့တာပါပဲ။ နှစ်စဉ် ရာဘာတန်ချိန် ၃၅၀၀၀ ကျော်နဲ့ ဆီအုန်းတန်ချိန် ၄၂၀၀၀ ကျော် ပြည်ပတင်ပို့နေရတယ်လို့ ဆိုပါတယ်။

(၇) ဆိုမာလီယာ

အာဖရိကမှာတော့ ဆိုမာလီယာဟာ စိုက်ပျိုးမွေးမြူရေးနယ်ပယ်ကို မှီခိုမှုဒုတိယအမြင့်ဆုံးနိုင်ငံပါ။ အရှေ့အာဖရိကဒေသ ပြည်တွင်းအသားတင်ကုန်ထုတ်လုပ်မှုတန်ဖိုး GDP စုစုပေါင်းရဲ့ ၆၀ ရာခိုင်နှုန်းနီးပါးထိ ပါဝင်ပတ်သက်နေတာပါ။

လိုင်ဘေးရီးယားနဲ့မတူတဲ့အချက်က သူက စားကျက်မွေးမြူရေးကနေ အဓိကဝင်ငွေရနေတာဖြစ်ပြီး စိုက်ပျိုးရေးကတော့ နိုင်ငံရဲ့ ကန္တာရမြေ ၁.၆ ရာခိုင်နှုန်းပေါ်မှာပဲ လုပ်တဲ့အချက်ပါ။ တချို့နေရာတွေမှာ တော့ ရေသွင်းစိုက်ပျိုးတာမျိုးတွေရှိပါတယ်။ နိုင်ငံရဲ့အဓိက စီးပွားဖြစ်သီးနှံတွေကတော့ ငှက်ပျောနဲ့ ကြံဖြစ်ပါတယ်။

အခုဖော်ပြခဲ့တာကတော့ စိုက်ပျိုးမွေးမြူရေးကိုအဓိကအားထား (သို့မဟုတ်) ဒီနယ်ပယ်ကနေ ဝင်ငွေ ကောင်းကောင်းရနေတဲ့ ထိပ်ဆုံးနိုင်ငံ ၇ နိုင်ငံအကြောင်းပဲဖြစ်ပါတယ်။ စိုက်ပျိုးရေးကိုအခြေခံထားပါတယ်ဆိုတဲ့ မြန်မာနိုင်ငံကတော့ ဒီထဲမှာ မပါပါဘူး။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။


မာလာမြိုင် ကုမ္ပဏီ ကြော်ငြာ
စုပ်စားပိုးတွေအကုန် ထိပ်ဆုံးက‌‌ကြောက်ရတာကတော့ မာလာမြိုင် သော ပါပဲ။ အစွမ်းရှိပစ္စည်း (Thiamethoxam 35% SC ) ရဲ့ ထိသေ စားသေနှင့် ပင်လုံးပျံ့အစွမ်းကြောင့် ကြက်သွန်မှာ ကျရောက်တတ်တဲ့ ပျ၊လှေးပိုး၊ယင်ဖြူ တွေအားလုံး မာလာမြိုင် "သော" လာပြီဆိုတာနဲ့ မထိရဲ မစားရဲဘဲ ဝေးဝေးရှောင် ကုန်တာပေါ့ လိုက်နာရမယ့်ချက်များ 📌 ဆေးဖျန်းပြီးပြန်လည်ဝင်ရောက်ရမယ့် ကာလမှာ (၂၄)နာရီဖြစ်ပါတယ်။ 📌 ဆေးဖျန်းပြီး ရက်ခြား(၁၀)ရက်ဖြစ်ဖို့နဲ့ 📌 သီးနှံတစ်ရာသီမှာ (၂) ကြိမ်ထက်ပိုမဖျန်းဖို့ လိုအပ်ပါတယ်ဗျာ။ Hotlineဖုန်းနံပါတ် 09-799993322မှာ အသေးစိတ်မေးမြန်းနိုင်ပါတယ်၊၊ #တောင်သူတိုင်းအတွက်မာလာမြိုင်
Read more Facebook page သို့သွားရန်

ဆွေးနွေးချက်များ

ဆွေးနွေးရန်