မနက်ဖြန်မနက်ကစပြီး မြန်မာနိုင်ငံအောက်ပိုင်းကို အရှေ့လေပွေလှိုင်းများဖြတ်မည်

မနက်ဖြန် ဩဂုတ် ၁၇ ရက် မနက်ပိုင်းကစပြီး မွန်ပြည်နယ်ဘက်စလို့ အောက်ပိုင်းတစ်ခြမ်းလုံးကို အရှေ့လေပွေလှိုင်း(UACC) တွေ ဖြတ်ဖို့ရှိပြီး ဖြတ်သန်းရာလမ်းကြောင်းတစ်လျှောက် လေပြင်း၊ မိုးကြီးတာတွေရှိနိုင်မယ်လို့ အပြည်ပြည်ဆိုင်ရာမိုးလေဝသစောင့်ကြည့်ခန့်မှန်းသူ ဦးဝင်းနိုင်က ခန့်မှန်းပြောကြားပါတယ်။

‘ ထိုင်းနိုင်ငံမြောက်ပိုင်းကနေ ဝင်ရောက်လာမယ့် အရှေ့လေပွေလှိုင်းတွေဟာ ဩဂုတ်လ ၁၇ ရက် မနက် ၄ နာရီမှာ မြန်မာနိုင်ငံထဲကိုဝင်လာပြီး အောက်ပိုင်းတခြမ်းလုံးကို ဖြတ်ကာ ၁၉ ရက် ည ပိုင်းမှာ အနောက်ဘက် အိန္ဒိယကမ်းခြေကို ဖြတ်ကျော်ဝင်ရောက်နိုင်မယ်လို့ ECMWF Model ကြိုတင်ခန့်မှန်းချက်မှာ တွေ့ရတယ်’  လို့ ဦးဝင်းနိုင်က ပြောပါတယ်။

“ ကျိုက်ထိုနဲ့ မော်လမြိုင်ကြားလောက်ကနေ စစ်တောင်းမြစ်ဝကြီးကို ဖြတ်တယ်။ ပြီးရင် ပဲခူးကို ဖြတ်မယ်။ ပြီးရင် တိုက်ကြီးရဲ့မြောက်ဘက်ကနေ ဟင်္သာတကို ဆက်ပြီးတော့ ထွက်သွား မယ်။ အဲ့ဒီကနေမှ မြောက်ဘက်ကို နည်းနည်းလေးထောင်တက်သွားပြီးတော့ သံတွဲ၊ ငပလီ ပေါ်ကို ရောက်တယ်။ အဲ့ကနေမှ ကျောက်ဖြူရဲ့တောင်ဘက် ပင်လယ်ပြင်ကို ရောက်သွားမှာ”

လေပွေလှိုင်းတွေဖြတ်သန်းရာတစ်လျှောက် လေပြင်းမိုးကြီးနိုင်မယ့်ဒေသတွေနဲ့ပတ်သက်လို့တေ ဦးဝင်းနိုင်က Green Way ကို အခုလို ပြောပါတယ်။

“ လေတိုက်နှုန်းကတော့ ၁ နာရီကို မိုင် ၃၀၊ ၃၅ လောက်က အများဆုံးဖြစ်မယ်။ နောက်တခုက ဖြတ်သွားမယ့်လမ်းကြောင်းတစ်လျှောက်လုံး လေပြင်းမယ်။ မိုးကြီးမယ်။ ဆိုတော့ ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ ကရင်ပြည်နယ်၊ မွန်ပြည်နယ်၊ တနင်္သာရီမြောက်ပိုင်း မြိတ်ကျွန်းစုအထိ အဲ့ဒီနေရာတွေမိုးကြီးမယ်။ ရခိုင်ပြည်နယ်တောင်ပိုင်းက သံတွဲ၊ ကျောက်ဖြူနဲ့ စစ်တွေတောင်ဘက်ပေါ့။ စစ်တွေကတော့ ၁၈ ရက်နေ့ ပင်လယ်ထဲကို ရောက်တဲ့အချိန်မှ မိုးကြီးမှာ။ ၁၉ ရက်နေ့ကျမှ လေပြင်းမှာ။ ၂၀ ရက်နေ့ ညနေအထိ လေပြင်းတိုက်တာရှိနေမှာ။ အာ့အချိန်ကျရင်တော့ လေပွေလှိုင်း အရှိန်က ရခိုင်မြောက်ဘက်မှာပဲ ကျန်တော့မှာ”  

လေပွေလှိုင်းတွေက ပင်လယ်ထဲရောက်ပြီးရင် ဆက်လက်အားကောင်းလာမလားဆိုတာကို တော့ ဆက်ပြီးစောင့်ကြည့်ရဦးမယ့်အနေအထားမှာပဲ ရှိသေးတယ်လို့ သိရပါတယ်။

ဒီအရှေ့လေပွေလှိုင်းတွေက အောက်ပိုင်းကိုသာဖြတ်မယ်ဆိုပေမယ့် သူ့ရဲ့အရှိန်ကြောင့် တခြားဒေသတွေလည်း လေတိုက်၊ မိုးရွာတာတွေရှိနိုင်တယ်လို့ ဦးဝင်းနိုင်က ခန့်မှန်းသုံးသပ် ပါတယ်။

“ ၁၈ ရက်နေ့ မနက် ၆ နာရီကနေ ၉ နာရီနောက်ပိုင်းဆိုရင်တော့ မိတ္ထီလာ၊ ညောင်ဦး၊ မကွေး၊ မုံရွာ၊ တန့်ဆည်အထိလောက်ကို လေစီးကြောင်းပြင်းတာက သက်ရောက်လိမ့်မယ်။ ညောင်ဦးလိုနေရာမျိုးတောင် မိုးရွာနိုင်တယ်။ မြစ်ကြီးနားလိုနေရာမျိုးမှာတော့ အိန္ဒိယကမ်းခြေကို ဖြတ်ဝင်မယ့် ၁၉ ရက်နေ့ လောက်မှ အလယ်ပိုင်းကနေ ဖြတ်ဝင်လာမယ့်လေစီးကြောင်းနဲ့ ပါလာမယ့် တိမ်အနေအထားပေါ်မူတည်ပြီး မိုးကြီးတာဖြစ်နိုင်တယ်။ တောင်ငူနဲ့ နေပြည်တော်ကြားဆိုရင်တော့ ၁၇ ရက်နေ့ကစပြီး မိုးပါးပါးကျနိုင်တယ်။ ၁၈ ရက်နေ့ မနက် ၆ နာရီလောက်ကစပြီးတော့ တစ်နေ့လုံးနီးပါး ည ၉ နာရီလောက်ထိ လေပြင်းကျနိုင်တယ်။ အများဆုံးက နေ့လယ် ၁၂ နာရီလောက်မှာဖြစ်မယ်” 

ဒါပြီးသွားရင် ၂၂ ရက်နေ့နောက်ပိုင်းမှာ အခုလောက်တော့ မပြင်းနိုင်တဲ့ နောက်ထပ်အရှေ့လေပွေလှိုင်းတစ်ခုထပ်ဖြစ်ဖို့ရှိနေပြီး ရှမ်းပြည်နယ်ဘက်ကနေဖြတ်မှာဖြစ်ကာ ဒီအရှိန်နဲ့ဆက်ပြီး ယခုလကုန်ထိ တစ်နိုင်ငံလုံးမှာ  မိုးတွေ ဆက်ရှိနိုင်တယ်လို့ ဦးဝင်းနိုင်က ခန့်မှန်းပြောကြားပါတယ်။

Photos Crd_U Win Naing

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။ 

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်