ခြောက်သွေ့စိုက်ဆင်းလေပြင်းများကြောင့် ဒေသအချို့တွင် လေပြင်းကျခြင်းနှင့် မိုးရွာခြင်းများ နေ့စဉ်ဆက်ရှိနိုင်

ခြောက်သွေ့စိုက်ဆင်းလေပြင်းများကြောင့် ဒေသအချို့မှာ လေပြင်းကျခြင်းနဲ့ မိုးရွာခြင်းများ နေ့စဉ်ဆက်ရှိနိုင်တယ်လို့ အပြည်ပြည်ဆိုင်ရာမိုးလေဝသစောင့်ကြည့်လေ့လာသူတစ်ဦးဖြစ်သူ ဦးဝင်းနိုင် က သတိပေးပြောကြားပါတယ်။

“ ဒီနေ့ မွန်းတည့် ၁၂ နာရီလောက်က စပြီး အနောက်ဘက်(စစ်တွေ၊ မြေပုံ)ဘက်မှ မိုးတိမ်တောင်တွေ စဝင်လာတာ တွေ့ရပါတယ်။ မိုးတိမ်တောင်များ ဖြတ်သန်းသွားနိုင်ဖွယ်ရှိတဲ့ လမ်းကြောင်းပေါ်က အမ်း၊ ငဖဲ၊ မကွေး၊ မင်းလှ၊ ဆင်ပေါင်ဝဲ မြို့တွေနဲ့ အနီးတဝိုက်မှာ လေပြင်းကျခြင်း၊ မိုးရွာခြင်းနဲ့ ခြောက်သွေ့စိုက်ဆင်းလေပြင်း ကျရောက်နိုင်မယ့် အန္တရာယ်တွေ ရှိနိုင်ပါမယ်” ဦးဝင်းနိုင်က သူ့ရဲ့ဖေ့စ်ဘုတ်စာမျက်နှာကတဆင့် ဒီနေ့မွန်းလွဲပိုင်းက သတိပေးမှု ပြုလုပ်ထားပါတယ်။

“ ရခိုင်ပြည်နယ်ဘက်ကနေ အရှေ့ဘက်ကိုရွေ့တာဆိုတော့ မကွေးတို့၊ ဆင်ပေါင်ဝဲတို့ နောက် နေပြည်တော်တို့ ဘာတို့ထိလည်း ရောက်နိုင်တယ်။ သူက အရှေ့ဘက်တည့်တည့်နဲ့ အရှေ့တောင်ဘက်ယွန်းယွန်းကို ဆင်းမှာ ဆိုတော့ အောက်ပိုင်းလည်း ဆင်းလာနိုင်တာပေါ့နော်” လို့ ဦးဝင်းနိုင်က Green Way ကို ပြောပါတယ်။

လက်ရှိရာသီဥတုအနေအထားတွေအရ ဒီလိုမျိုးအခြေအနေဟာ နေ့တိုင်းဖြစ်နေနိုင်တဲ့ အနေအထားမှာ ရှိနေတယ်လို့လည်း ဦးဝင်းနိုင်က ဆိုပါတယ်။

“ အခုဆိုရင်ကို တိမ်တွေက မကွေးပေါ်ရောက်နေပြီ။ နေ့တိုင်းကတော့ အဲ့ဒီလိုဖြစ်နေမယ့်အနေအထားရှိတယ်။ အခု အပူချိန်မြင့်တာနဲ့ဘာနဲ့ပေါ့။ တခုရှိတယ်။ ဝင်လာတဲ့ကောင်က တဖြည်းဖြည်းနဲ့ တိမ်ကပူလို့ အငွေ့ပျံပြီး အပေါ်ကိုထပ်တက်ပြီး ပျော့သွားလို့ရှိရင်တော့ ကျွန်တော်တို့ဘက်ကို ဝင်တာ သက်သာတာပေါ့။ နည်းနည်းသက်သာမယ်” ဟု ဦးဝင်းနိုင်က ပြောပါတယ်။

မိုးလေဝသဝက်ဘ်ဆိုဒ်ဖြစ်တဲ့ windy.com ကနေ စောင့်ကြည့်မှုအရတော့ ဒီနေ့ညနေပိုင်းမှာမကွေးတိုင်း သရက်မြို့ဘက်မှာ ညနေ ၃ နာရီကနေ ၆ နာရီအတွင်း တစ်နာရီ ၂၃ မိုင်လောက် လေတိုက်နိုင်တဲ့အနေအထားတွေ့ကြောင်း၊ တောင်တွင်းကြီးမှာလည်း မိုးနည်းနည်းရွာနိုင်ပြီး နေပြည်တော်မှာတော့ ဒီနေ့ လေပြင်းမယ့်အနေအထားမရှိဘဲ မိုးနည်းနည်းရွာနိုင်တဲ့အနေအထားရှိတယ်လို့လည်း ဦးဝင်းနိုင်က သတိပေးပါတယ်။

ဧပြီ ၂၀ ရက် မနေ့ကတော့ ဒေသအချို့မှာ လေပြင်းတိုက်ခဲ့မှုတွေကြောင့် အိမ်အချို့ အမိုးလန်ပျက်စီးတာ၊ ဓာတ်တိုင်ပျက်စီးတာတွေ ဖြစ်ခဲ့တယ်လို့ သိရပါတယ်။

ခြောက်သွေ့စိုက်ဆင်းလေပြင်း အန္တရာယ်ရှိနေချိန်အတွင်းမှာဆိုရင် မိုးသီးအန္တရာယ်၊ လေပြင်းအန္တရာယ်နဲ့ မိုးကြိုးမုန်တိုင်းအန္တရာယ်များကို သတိထားဖို့ လိုတယ်လို့ သိရပါတယ်။

မိုးဦးစ လေဦးစအချိန်နဲ့ ယခုကာလလိုမျိုး မိုးဦးနဲ့ဝေးနေသေးတဲ့အချိန် မုတ်သုန်လည်း မဝင်သေးတဲ့အချိန်မျိုးတွေမှာ မိုးတိမ်တောင်ကြီးတွေ ဖြစ်လာရင် စိုက်ဆင်းလေပြင်းဆိုတာ ဖြစ်တတ်ကြောင်းနှင့် အဲ့ဒီအချိန်မျိုးမှာ မိုးကြိုးမုန်တိုင်းဆိုတာပါ ပါလာမယ်ဆိုရင်တော့ လူတွေ၊ တိရစ္ဆာန်တွေ မိုးကြိုးပစ်ခံရနိုင်တဲ့ အန္တရာယ်ရှိတယ်လို့လည်း သိရပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ