ဘက်စုံပိုးမွှားကာကွယ်နှိမ်နင်းရေးစနစ် (IPM) အတွက် အားသာချက် အားနည်းချက်

10/09/2019 15:00 PM တွင် ထွန်းဝင်းကျော် ထွန်းဝင်းကျော် မှ ရေးသား ပြီး Greenovator Greenovator မှ ပေးပို့ထားပါသည်။

ဖျက်ပိုးဆိုတာဘာလဲ

    ဖျက်ပိုးတွေလို့ ပြောလိုက်ရင် ဖျက်ဆီးတဲ့ပိုးတွေ အကုန်ကို ဖျက်ပိုးတွေလို့ ခေါ်ပါတယ်။ သီးနှံမှာကျတဲ့ ပိုးတွေဆိုရင်တော့ သီးနှံဖျက်ပိုးတွေပေါ့။ အဲ့လို သီးနှံဖျက်ပိုးတွေကို ကာကွယ်ဖို့ နှိမ်နင်းဖို့အတွက်ကို ပိုးသတ်ဆေးဆိုတာ အများကြီးသုံးနေကြရတာ လက်တွေ့ပါပဲ

ဘက်စုံပိုးမွှားကာကွယ်နှိမ်နင်းရေးစနစ် ဆိုတာ…

   အင်္ဂလိပ်လိုတော့ Integrated Pest Management ပေါ့လေ။ အတိုကောက်ကိုတော့ IPM လို့ခေါ်ပါတယ်။ ပိုးမွှားတွေတိုးပွားလာတာကိုလည်း ပြင်ဆင်ချင်တယ်။ နောက်ကာလတွေမှာလည်း အများကြီးပွားမလာစေချင်ဘူး ဆိုပြီးတော့ ရည်ရွယ်ချက်နဲ့ စိုက်နည်းပျိုးနည်းတွေကိုပြောင်းလဲစိုက်တယ်။ ရောဂါဒဏ်ခံတဲ့၊ ဖျက်ပိုးကိုခံနိုင်ရည်ရှိတဲ့မျိုးတွေကို စိုက်တာပျိုးတာတွေလည်းပါတယ်။

   ပတ်ဝန်းကျင်ကို သဟဇာတဖြစ်ပြီးတော့ အထွက်နှုန်းကိုတိုးတက်ဖို့လည်း ကူညီပေးတယ်။ ပိုးမွှားတွေကျရောက်မှုအတွက်လည်း ကူညီနှိမ်နင်းပေးတဲ့ နည်းလမ်းကောင်း ဖြစ်ပါတယ်။ ပြီးတော့ ဓာတုပိုးသတ်ဆေးတွေကို လျှော့ချသုံးစွဲနိုင်ဖို့အတွက် ကူညီပေးတဲ့ နည်းစနစ်တစ်ခုလည်းဖြစ်ပါတယ်။ 

IPM ကိုသုံးမယ်ဆိုရင် နည်းဥပဒေလေးတွေတော့ရှိတယ်။ အဆင့်လေးတွေပါပဲ။ သိဖို့ပေါ့လေ။

(၁) ကာကွယ်ဖိနှိပ်ခြင်း

(၂) စောင့်ကြည့်ခြင်း

(၃) ဆုံးဖြတ်ချက်ချခြင်း

(၄) ဓာတု မသုံးသောနည်းလမ်းများ

(၅) ပိုးသတ်ဆေးရွေးချယ်ခြင်း

(၆) အနည်းဆုံး ပမာဏ

(၇) ယဉ်ပါးမှုကိုနည်းပါးတဲ့ နည်းလမ်းကိုရှာတယ်

(၈) လေ့လာအကဲဖြတ်ပြီး စောင့်ကြည့်ခြင်းဆိုတဲ့ အဆင့်တွေပဲဖြစ်ပါတယ်။ 

   ကဲ နည်းလမ်းသစ်တွေကိုတော့ တွေ့ကိုတွေ့နေကြတာပဲ။ တကယ် ကောင်းမကောင်းဆိုတာကိုတော့ သေချာအောင် ကြည့်ကြတာပေါ့။ 

ကောင်းကျိုးတွေ

၁။ ပတ်ဝန်းကျင်အတွက် ကောင်းကျိုးတွေရစေနိုင်တယ်။

   ကဲ ပိုးသတ်ဆေးဖျန်းတယ်ဆိုရင် ခြင်ဆေးတောင် လူကိုမွှန်တာပဲ။ ပတ်ဝန်းကျင်ကို ထိခိုက်မယ်ဆိုရင်တော့ ကောင်းဦးမလားဆိုတော့ IPM မှာ ဆေးသုံးရတာကိုနည်းစေတာမို့ တစ်ခေါက်ဆို တစ်ခေါက် သိသာပါတယ်။ ပတ်ဝန်းကျင်ကို သက်သာစေတာပေါ့။ တစ်ချို့ဆေးတွေဆို ဓာတ်ကြွင်းတွေပါ ကျန်တတ်တာဆိုတော့ ….. IPM ကောင်း မကောင်း…. ??

၂။ ဖျက်ပိုးတွေက ပိုးသတ်ဆေးဒဏ် ခံနိုင်ရည်တိုးတက်လာတာကိုလည်း နှေးစေတယ်။ 

   ပိုးသတ်ဆေးတွေကို သုံးတာကြာလာရင် ပိုးသတ်ဆေးခံနိုင်အားတွေကို တိုးလာစေပါတယ်။ ဓါတုဆေးတွေကို ထပ်ခါထပ်ခါသုံးလာတဲ့အခါ ဖျက်ပိုးတွေက ပိုးသတ်ဆေးယဉ်ပါးလာပြီး မျိုးဗီဇတွေပြောင်းလဲကာ အသက်ရှင်နေထိုင်နိုင်ကြပါတယ်။ အဲ့လိုဖြစ်လာရင် ဓါတုဆေးနဲ့မနိုင်တဲ့ ပိုးအကြီးစားတွေ ဖြစ်လာမှာဖြစ်ပါတယ်။ IPM ကိုသုံးရင်တော့ ဒီပြသာနာကိုလျော့ချနိုင်မှာပါ။

၃။ ဂေဟစနစ်ကို ညီမျှအောင် ထိန်းသိမ်းပေးတယ်။ 

   ဓါတုပိုးသတ်ဆေးတွေကိုသုံးလိုက်ရင် ဖျက်ပိုးအရေအတွက်တွေ နည်းသွားမယ်။ ဒါပေမယ့် ကိုယ်မရည်ရွယ်တဲ့ ကိုယ်မထိခိုက်စေချင်တဲ့ သက်ရှိတွေကိုပါ ထိခိုက်စေနိုင်ပါတယ်။ IPM ကတော့ ဂေဟစနစ်ကို ထိန်းသိမ်းဖို့အတွက် ဖျက်ပိုးတွေကိုပဲ ရှင်းထုတ်ပစ်တာပါ။

၄။ ကုန်ကျစရိတ်နည်းတယ်။

   IPM ကိုသုံးရင် ပိုးသတ်ဆေး ခဏခဏသုံးနေရတာ အချိန်မှန်မှန်ဖျန်းနေရတာကို သက်သာစေပါတယ်။ ဒါကြောင့် ကုန်ကျစရိတ်လည်း နည်းသွားတာပေါ့။

ကောင်းတာတွေအပြင် မကောင်းတာတွေလည်း ရှိတယ်။ ဒါဆိုဆက်ကြည့်လိုက်ပါဦး။

မကောင်းတာတွေက

၁။ ကျွမ်းကျင်မှုတွေလိုအပ်တယ်။

   IPM ကိုသုံးမယ်ဆိုရင် တောင်သူလယ်သမားတစ်ယောက်ချင်းစီက IPM အကြောင်း ကောင်းကောင်းနားလည်ပြီးတော့ ကိုယ့်ဒေသမှာရနိုင်တဲ့ နည်းလမ်းတွေ အများကြီးထဲက အကောင်းဆုံးနည်းလမ်းကို ရွေးချယ်တတ်ရပါမယ်။ 

၂။ အချိန်နဲ့ အားထုတ်ရမှုလိုတယ်။

    IPM ကိုသုံးမယ်ဆိုရင် ဖျက်ပိုးအမျိုးအစားအလိုက် သုံးရမယ့်နည်းလမ်းတွေ မတူတာကြောင့် တကယ်ထိရောက်တဲ့နည်းလမ်းကို သိဖို့ဆိုရင် အချိန်ယူပြီး လေ့လာစောင့်ကြည့်ရပါတယ်။ အဲဒါကတော့ မကောင်းတဲ့အချက်ပဲဖြစ်ပါတယ်။ ဒါပေမဲ့လို့တော့ သုတေသနလုပ်ငန်းတွေကနေ အကောင်းဆုံးနည်းလမ်းတွေကို မျှဝေပေးနေပါတယ်။ 

   သုံးသင့် မသုံးသင့်တာနဲ့ ကိုယ်ဘာတွေလိုအပ်လဲဆိုတာကို တွေးသာကြည့်ကြပါတော့ဗျာ….

ထွန်းဝင်းကျော်

https://greentumble.com/advantages-and-disadvantages-of-integrated-pest-management/

https://www.publichealthnotes.com/integrated-pest-management-ipm-principles-advantages-and-limitations/

 


ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...
Read more Facebook စာမျက်နှာသို့သွားရန်

ဆွေးနွေးချက်များ

ဆွေးနွေးရန်