မြေကြီးကိုသေချာစွာ အစာကျွေးထားရင် ဘာအကျိုးရသလဲ

အော်ဂဲနစ် လယ်ယာစိုက်ပျိုးရေးမှာ အဓိကအရေးကြီးတဲ့ အခြေခံအချက်က ဇီဝသက်ရှိများဖြစ်တဲ့ ဘက်တီးရီးယား၊ မှို၊ ပရိုတိုဇွ၊ နီမတုတ်၊ ပိုးမွှားများနှင့် တီကောင်များက အဆွေးပစ္စည်းတွေကို အာဟာရသတ္တုဓာတ်အဖြစ်ပြောင်းလဲပေးပြီး အပင်တွေစားသုံးလို့ရအောင် လုပ်ပေးတယ်ဆိုတာသိပါပြီနော်။ ဒါကြောင့်မို့လို့ အော်ဂဲနစ်လယ်ယာရဲ့ “Feed the soil not the plant”, “မြေကြီးကိုအစာကျွေးပါ။” ဆိုတဲ့ ဆောင်ပုဒ်အတိုင်း အော်ဂဲနစ်အပင်တို့ရဲ့ အခြေခံပစ္စည်းဖြစ်တဲ့ အဆွေးပစ္စည်းမျိုးစုံတွေကို မိမိတို့စိုက်ကွက်ထဲ လုံလောက်အောင် ထည့်ပေးရပါတယ်။

မြေကြီးထဲကို အဆွေးပစ္စည်းတွေကို ထည့်ပေးခြင်းဖြင့် ရရှိမယ့် အကျိုးကျေဇူးတွေကို တိတိကျကျ ပြန်လည်ဖော်ပြရရင်တော့...

အဏုဇီဝ သက်ရှိတွေရဲ့ လှုပ်ရှားမှုရှိနေတဲ့ (သို့) ရှင်သန်နေတဲ့ မြေဆီလွှာ အစာအဖွဲ့အစည်းအဖြစ် ထောက်ပံ့ပေးပါတယ်။
အပင်ကျန်းမာရေးအတွက် လိုအပ်သော အဓိကနဲ့ အနည်းငယ်လို အာဟာရဓာတ်များကိုပေးပါတယ်။
မြေဆီလွှာတည်ဆောက်မှုကောင်းပြီးတော့၊ ထယ်ရေးထွန်ရေးပိုကောင်းပိုလွယ်စေပါတယ်။
မြေကြီးမှာ ရေကိုပိုပြီး စုပ်ထားနိုင်ပြီး၊ သီးနှံပိုမိုအသုံးပြုလို့ရတယ်။ ရေထိန်းထားနိုင်တယ်။
အာဟာရများကို သိုလှောင်တဲ့စွမ်းရည်မြင့်မားလာစေပါတယ်။
အာဟာရများကို တဖြည်းဖြည်းချင်းထုတ်ပေးတယ်။ မပျော်ဝင်နိုင်သော သတ္တုပစ္စည်းများကို အပင်အ သုံးပြုလို့ရတဲ့ ရေမှာပျော်ဝင်သောပုံစံ၊ အာဟာရသတ္တုဓာတ်သို့ပြောင်းလဲပေးတယ်။
ပိုးမွှားနှင့်ရောဂါဒဏ်ကြံ့ခိုင်မှုကို ပိုမိုတိုးတက်လာစေတယ်။
ရေအရည်အသွေးကို ထိန်းသိမ်းကာကွယ်ပေးထားတယ်။ နိုက်ထရိတ်ဓာတ်တွေမြေအောက်ရေသို့ ပျောက်ဆုံးခြင်း မဖြစ်အောင် မြေဆီလွှာ အဏုဇီဝတွေကအမြစ်ဇုံတွေမှာ နိုက်ထရိုဂျင်ကို ဆုပ်ကိုင်ပေး ထားတယ်။
မိမိစိုက်ပျိုးတဲ့ အပင်ကို ကျန်းမာသန်စွမ်းစေတယ်။
ဟင်းသီးဟင်းရွက်ကို အနံ့အရသာနဲ့ ပြည့်စုံစေတယ်။ ပန်းပွင့်ကို အထူးလှပစေတယ်။

မြို့/ရွာတွေမှာ အမှိုက်သရိုက်တွေ ဖယ်ရှားကာ လယ်ယာမှာ အသုံးပြုခြင်းဖြင့် ညစ်ညမ်းမှုမျိုးစုံကိုလည်း လျော့ကျစေ ပါတယ်။ ဒါပေမယ့် မြို့ပေါ်အမှိုက်မျိုးစုံမှာက ပလတ်စတစ်နှင့် ကော်ပါဝင်မှု၊ ဓာတုပိုးသတ်ဆေးဓာတ်ကြွင်းများ၊ ခဲဓာတ်၊ ဇင့်၊ ပြဒါး၊ သံဓါတ်ကဲ့သို့ အဆိပ်ဖြစ်စေ သတ္တုပစ္စည်းပါဝင်နေတတ်သည့်အတွက် အော်ဂဲနစ်က မထောက်ခံပါဘူး။ ကျေးရွာအမှိုက် ကျတော့ အိမ်ခြံများရှိသီးစားပင်၊ အရိပ်များမှ ကြွေကျသော သစ်ရွက် ကြွေများဖြစ်သည့်အတွက် အော်ဂဲနစ်မှာ အသုံးပြုနိုင်ပါတယ်။

အခြေခံ အော်ဂဲနစ် လယ်ယာ (မင်းဝင်းထိန်-B.Ag)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...