စိုက်ပျိုးရေးကကြီးခခွေး ၁

စိုက်တယ်ဆို ကတည်းကတော့ အပင် ကိုပဲစိုက်ရမှာပါ။ အပင်ဆိုတဲ့နေရာ မှာတော့ မျက်စိနဲ့ မမြင်ရတဲ့မှို ကစညောင်ပင်လို အပင်ကြီးတွေ အဆုံးအားလုံးပါ ပါတယ်။ ဒါပေမယ့် အင်္ဂလိပ်လို Agriculture ဆိုရင်တော့ မွေးမြူရေး (ကြက်၊ ဝက်၊ ဆိတ်၊ နွားကစလို့) အားလုံးပါပါတယ်။ ကျနော်တို့ မြန်မာပြည်မှာတော့ စိုက်ပျိုးရေးဆိုရင် စပါး၊ ကောက်ပဲသီးနှံ၊ ဟင်းသီးဟင်းရွက် အပင်တွေ စိုက်တာတွေကိုပဲ မျက်စိထဲ တစ်ခါတည်းမြင်မိကြမှာပါ။ အပင်ဘယ်နှမျိုး ရှိသလဲလို့မေးရင် အဖြေက အမျိုးမျိုးဖြစ်လာ ပါလိမ့်မယ်။ အားလုံးသူ့ဟာ သူတော့ မှန်ပါလိမ့်မယ်။ ဒါပေမယ့် အခြေခံအကျဆုံး အနေနဲ့ ၂ မျိုးပဲအရင်ခွဲ ကြည့်ရအောင်။ ဘယ်လို ၂ မျိုးခွဲမလဲဆိုတော့ “ စေ့ရွက်တည်း “ နှင့် “စေ့ရွက်စုံ “ ပါ။
စေ့ရွက်တည်းက ဘာတွေလဲဆိုတော့ စပါး၊ ပြောင်း၊ ထန်းတို့လိုအပင်တွေပါ။

ဘာကြောင့် စေ့ရွက်တည်းလို့ ခေါ်တာလဲ ? ။ ရှင်းပါတယ် အစေ့ရွက် တစ်ရွက်တည်းရှိလို့ပါ။ စပါးတို့ ပြောင်းဖူးပင်တို့စိုက်ရင် စပြီးအညှောက်ပေါက်ရင် ဘယ်လိုပေါက်လာတယ်ဆိုတာ သတိထားမိသလား။ ရှည်မျောမျော အရွက်လေးတစ်ရွက်တည်း ထောင်တက်လာတာပါ။

စေ့ရွက်စုံပင်တွေကတော့ ဗူး၊ ဖရုံတို့လိုပဲပင်တွေလို ပြီးတော့ကျွန်း ၊ ပျဉ်းကတိုးတို့လိုအပင်တွေပါ။ အကောင်းဆုံးဥပမာကတော့ ကျနော်တို့ စားနေကြ ပဲပင်ပေါက်ကိုပဲကြည့်ပါ။ အညှောက်ပေါက်လာတာနဲ့ စေ့ရွက် တစ်စုံ ( ၂ ခု) ဟာ လိပ်ပြာတောင်ပံလေး ဖြန့်ထားသလို ကွဲကွာသွားပြီး မြေကြီးပေါ်တက်လာပါတယ်။

ဟုတ်ပါပြီစေ့ရွက်တည်းပင်တွေက အညှောက်ပေါက်ရင် အစေ့ရွက်တွေ ကမြေပေါ် တက်မလာဘူး၊ ရွက်ကြောလေးတွေက အပြိုင်ဖြစ်နေတယ်၊ ရေသောက်မြစ် ဘယ်တော့မှ မဆင်းဘူး မြစ်မွှာတွေပဲရှိတယ်။ ဒါပေမယ့်စေ့ရွက်စုံ ကတော့ အညှောက်ပေါက်တာနဲ့ အစေ့ရွက် မြေပေါ်တက်လာတယ်၊ ရွက်ကြောလေးတွေက ကွန်ရက်လို ယှက်နေမယ်၊ ရေသောက်မြစ်မကြီးဆင်းမယ်၊ သစ်သားထွက်တယ်။ ဒါတွေကတော့ ကျနော်တို့ မျက်စိရှေ့မှာမြင်ရတဲ့ ဘယ်လို အပင်မဆို အခြေခံ အကျဆုံးခွဲခြားကြည့်တာပါ။ ဒီနေ့ ကမ္ဘာမှာ လူတွေအဓိက စားနေတဲ့ စပါး၊ ဂျုံ၊ ပြောင်းတွေ ဟာစေ့ရွက်တည်းတွေ (နှံစားသီးနှံ cereals လို့ခြံုငုံခေါ်ပါတယ်) ဖြစ်ပြီးတော့ ဟင်းသီးဟင်းရွက် တွေအားလုံး နီးပါးဟာ စေ့ရွက်စုံတွေပါ။ အလွယ်မှတ်ရရင် ထမင်းပန်းကန် ထဲကစေ့ရွက်တည်း၊ ဟင်းပန်းကန်ထဲက ဟာတွေကစေ့ရွက်စုံပါ။

ကဲဒါဆိုစိုက်ပျိုးရေး ရှူထောင့်က ပြန်ကြည့်ရအောင်။ မြန်မာပြည်မှာ စေ့ရွက်တည်းပင်ကို အဓိကစိုက်တဲ့ တောင်သူနဲ့ စေ့ရွက်စုံပင်ကို အဓိကစိုက်တဲ့ တောင်သူ ဘယ်သူပိုများမယ် ထင်ပါသလဲ။ အဲဒီနှစ်မျိုးကိုစိုက်တော့ မယ်ဆိုပါတော့ စိုက်ပျိုးတာက နေရိတ်သိမ်းတဲ့ အထိ ဘာတွေကွာသွားမလဲ။ ပဲပင်၊ ဖရုံပင်တွေ ကိုသေချာပြင် မထားတဲ့ မြေပေါ်စိုက်ရင် မြေခဲတွေပိနေပြီး အစေ့ရွက် အပေါ်ထောင်မတက်လာနိုင်လို့ အပင်မပေါက်လာ နိုင်တာတွေ ပုပ်သွားတာ မျိုးတွေ တွေ့ရမှာပါ။ ဒါပေမယ့် စပါးတို့ ပြောင်းဖူးတို့ကတော့ အဲလိုပြဿနာသိပ်မရှိလှ ပါဘူး။ စပါး ၁ ဧကစိုက်တာနဲ့ ပဲ ၁ ဧကစိုက်တာ ဂရုစိုက်ရတာ၊ လုပ်အားလိုအပ်ချက် မတူနိုင်ပါဘူး။ ရှိသမျှ အပင်တွေအားလုံးကို အဲလို မနှိုင်းယှဉ်နိုင်ပါဘူး။ ဒီနေရာမှာ အဓိကပြောချင်တာကတော့ အခြေခံအကျဆုံးအပင်အမျိုးအစား ၂ မျိုးအကြောင်းပါ။ စေ့ရွက်တည်းပင်တွေ (စပါး၊ဂျုံ၊ ပြောင်း) ကိုလယ်ပြင်၊ ယာပြင်ကျယ်ကျယ် မှာတကွင်းတစပ်တည်း စိုက်လေ့ရှိပြီး စေ့ရွက်စုံတွေ ကိုတော့ အိတ်ထဲ၊ အိုးထဲတစ်ပင် နှစ်ပင် စိုက်တာကစ ပြီးဖြစ်နိုင်ပါတယ်။ စေ့ရွက်ထည်းပင်တွေ (စပါး၊ဂျံု၊ ပြောင်း) အကြောင်းလေ့လာတဲ့ဘာသာရပ်ကိုတော့ (Agronomy) လို့ခေါ်ပြီးစေ့ရွက်စုံတွေ (ဟင်းသီးဟင်းရွက်၊ ဥယျဉ်ခြံသီးပင်) တွေကိုလေ့လာတဲ့ဘာသာရပ်ကတော့ ( Horticulture) ထဲအကျံုးဝင်ပါတယ်။

ရဲလင်းဦး

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...