တောင်သူလယ်သမားကြီးများအတွက် နှိုးဆော်ချက် (ဇန်နဝါရီလ၊ ၂၀၂၀)

    ဆောင်းသီးနှံများအောင်မြင်ဖြစ်ထွန်းရေးနှင့် နွေစပါးစိုက်ပျိုုးရေးနှင့် ပတ်သက်၍ နှိုးဆော်အသိပေးလိုပါသည်။

ဆောင်းရာသီစိုက်ပျိုးသီးနှံများ

   လယ်ယာစိုက်ခင်းတွေမှာ စိုက်ပျိုးထားသည့် မတ်ပဲ၊ ပဲတီစိမ်း၊ ကုလားပဲ၊ ပဲပုပ်၊ မြေပဲစသည့် ဆောင်းသီးနှံများ အောင်မြင်ဖြစ်ထွန်းဖို့လိုပါသည်။ ယခုလအတွင်း လုပ်ဆောင်သည်များနှင့်ပတ်သက်၍ စနစ်ကျမှန်ကန်ဖို့လိုပါသည်။ အထူးသဖြင့်တော့ ရွက်ဖျန်းမြေသြဇာပက်ဖျန်းတာများနှင့်ပတ်သက်၍ ပြောကြားလိုပါသည်။

   မှန်ပါသည်။ ရွက်ဖျန်းမြေသြဇာ(Leaf Fertilizer) သုံးစွဲခြင်းသည် စိုက်ပျိုးသီးနှံပင်များအတွက် အာဟာရဓာတ်များ လျှင်မြန်စွာရောက်ရှိစေသည့် နည်းလမ်းတစ်ခု ဖြစ်သည်။ ကုန်ကျစရိတ်လည်း သက်သာသည်။ အကျိုးရှိအောင် ပက်ဖျန်းဖို့တော့လိုပါသည်။

   ပက်ဖျန်းသည့် အရွက်ဖျန်းမြေသြဇာရည်သည် စိုက်ပျိုးသီးနှံပင်အတွက် လိုအပ်သော အာဟာရကို ဖြည့်ဆည်းပေးနိုင်သည့် အာဟာရဓာတ်များပါဝင်သော မြေသြဇာရည် ဖြစ်ဖို့လိုသည်။ ထို့ကြောင့် သီးနှံပင်တွင် ဖေါ်ပြလျက်ရှိသော ချို့တဲ့သည့်လက္ခဏာကို ကြည့်ရှုအကဲခတ်ပါ။ လိုအပ်သည့် အာဟာရကို ခန့်မှန်းပါ။ ထို့နောက် လိုအပ်သည့် အာဟာရကို ဖြည့်စွမ်းပေးနိုင်သည့် အရွက်ဖျန်းမြေသြဇာရည်ကို စိုက်ပျိုးရေးဆေးဆိုင်များမှ ဝယ်ယူပက်ဖျန်းဖို့ အကြံပြုလိုပါသည်။

   မြေသြဇာအာဟာရအရည်လိုပဲ ပိုးမွှားရောဂါကာကွယ်နှိမ်နင်းရေး စိုက်ပျိုးရေးဆေးဝါးတွေ အလွယ်တကူဝယ်ယူသုံးစွဲနိုင်သည်။ တစ်ခုတော့ပြောလိုပါသည်။ ကြိုတင်ကာကွယ်ရန်ဖြစ်သည်။ ဆောင်းသီးနှံအမျိုးအစားအပေါ်မူတည်ပြီး ကျရောက်လေ့ရှိသည့်ပိုးမွှားရောဂါ၊ ကျရောက်လေ့ရှိသည့် အချိန်တို့ကို သိဖို့လိုသည်။ သိရုံဖြင့်မပြီးသေး။ ကြိုတင်ကာကွယ်ဖို့၊ ကျရောက်လျှင်ကျရောက်ချင်း ထိထိရောက်ရောက်နှိမ်နင်းဖို့လိုပါသည်။

    သီးနှံအလိုက် အပင်ဖြစ်ထွန်းစဉ် ကျရောက်တတ်သော ပိုးမွှားရောဂါများကို ကင်းထောက်စစ်ဆေးသင့်ပါသည်။ လိုအပ်ပါက ကျရောက်သည့်ပိုးမွှားရောဂါအမျိုးအစားနှင့် ကာကွယ်နှိမ်နင်းနည်း စနစ်မှန်တို့ကို သိရှိကာ သင့်တော်မှန်ကန်သည့် ပိုးသတ်ဆေး၊ ရောဂါသတ်ဆေးကို ဝယ်ယူအသုံးပြုသင့်ပါသည်။

နွေစပါးသီးနှံ

   မြန်မာနိုင်ငံအထက်ပိုင်းဒေသတွေမှာ အချို့က မိုးစပါးကို ရိတ်သိမ်းဆဲဖြစ်သည်။  မိုးစပါး-ဆောင်းသီးနှံ-နွေစပါး သီးနှံပုံစံ ကျင့်သုံးသည့်ဒေသများတွင် ဆောင်းသီးနှံများ စိုက်ထားဆဲဖြစ်သည်။ နွေစပါးအတွက် အလှည့်မပေးနိုင်သေးသလို ရာသီဥတုကလည်း အေးလွန်းနေသေးသည်။

   ဆည်ရေကလည်း အကန့်အသတ်ဖြစ်သည်။ ဆည်ရေပေးသည့်အချိန်နှင့် နွေစပါးထယ်ရေးပြင်ချိန် ကိုက်ညီဖို့လိုသည်။ ဆောင်းသီးနှံတွေရှိနေသေးတော့ ဆည်ရေလည်း ပေးလို့မရသေးချေ။ ဆည်ရေမရသော်လည်း အခြားရေရရှိသည့်နည်းလမ်းအသွယ်သွယ်ရှိလျှင်တောင်မှ ယခုလအတွင်း နွေစပါးစတင်စိုက်ပျိုးခြင်း မပြုသင့်သေးကြောင်း အသိပေးလိုပါသည်။

   မြန်မာနိုင်ငံ အောက်ပိုင်းဒေသများအတွက်တော့ နွေစပါးစိုက်ပျိုးရန် အသင့်တော်ဆုံးအချိန်ဟု ပြောလိုပါသည်။ ဒီဇင်ဘာလအတွင်း စတင်စိုက်ပျိုးသူများ စိုက်သည်။ မစိုက်ရသေးသူများ အချိန်မနောက်ကျမီ အမြန်စိုက်သင့်ပါသည်။ 

   မြန်မာနိုင်ငံအောက်ပိုင်းဒေသများရှိ တောင်သူလယ်သမားများ၏ လယ်မြေပိုင်ဆိုင်မှုသည် အထက်ပိုင်းဒေသများထက် ပိုသည်။ ဧရိယာ များပြားကျယ်ဝန်းသည်။ အလွယ်တကူ စိုက်ပျိုးပြီးစီးနိုင်ခြင်းမရှိ။ ထို့ကြောင့် အချို့မှာ ဒီဇင်ဘာတွင် စတင်စိုက်ပျိုးပြီး ဇန်နဝါရီလအထိ စိုက်ဆဲဖြစ်သည်။ သို့သော် ဇန်နဝါရီလအတွင်းတော့ ပြီးစီးအောင်စိုက်ပျိုးစေလိုပါသည်။

   အကြောင်းမှာ မုတ်သုန်မိုးစတင်လျှင် မြန်မာနိုင်ငံအောက်ပိုင်းက စတင်တာမို့ မုတ်သုန်မဝင်မီ ရိတ်သိမ်းပြီးစီးဖို့လိုသည်။ ရိတ်ချိန်သိမ်းချိန် မိုးလေလွတ်မှသာ မျှော်မှန်းအထွက်ကိုရနိုင်မည် ဖြစ်ပါသည်။

   နွေစပါးစိုက်ပျိုးရာတွင် မျိုးကောင်းမျိုးသန့်ကို အသုံးပြုစေချင်သည်။ တစ်ဧကအထွက်ကောင်းမွန်ရေးအတွက် မျိုးကောင်းမျိုးသန့်သုံးစွဲရေးက အရေးပါသောအချက်ဖြစ်သည်။ အများစုက သီးထပ်ရင်စပါးမျိုးကို စိုက်သည်။ အခြား သက်လျင်အထွက်ကောင်းမျိုးသစ်များကိုလည်း စမ်းသပ်စိုက်ပျိုးဖို့လိုသည်။ မည်သည့်မျိုးကိုစိုက်သည်ဖြစ်စေ မျိုးသန့်ကိုသာစိုက်ပါလို့ ပြောလိုပါသည်။

   မျိုးသန့်မျိုးစေ့ဆိုတာ တစ်ခြားစပါးမျိုးစေ့များ ပါဝင်စေခြင်းမရှိရပါ။ အစေ့အရွယ်အစား ညီညာရပါမည်။ ပေါင်းမြက်စေ့များ၊ အမှိုက်သရိုက်များ ကင်းစင်ရပါမည်။ ထို့ပြင် ပိုးမွှားရောဂါဖြစ်ကြောင်းများ ကပ်ငြိပါလာခြင်း မရှိစေရပါ။ စီးပွားဖြစ်မျိုးသန့်မျိုးစေ့(Certified Seed)ကို ရနိုင်လျှင် ပိုမိုကောင်းမွန်ပါသည်။ အသုံးပြုစေချင်ပါသည်။ မျိုးကောာင်းမျိုးသန့်စိုက်ပျိုးလျှင် စပါးအထွက် တစ်ဧကလျှင် ၅ မှ ၂၀ ရာခိုင်နှုန်း တိုးနိုင်တာကို အသိပေးလိုပါသည်။

   စိုက်ပျိုးရေကို ချွေတာရေး၊ စိုက်ပျိုးကုန်ကျစရိတ် သက်သာရေးနှင့် ပေါင်းမြက်ကာကွယ်နှိမ်နင်းရေးတို့ကိုလည်း ထည့်သွင်းစဉ်းစားဆောင်ရွက်ပါလို့ တိုက်တွန်းလိုပါသည်။ 

ဆင်းသီဟ

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်