ထောပတ်သီးအစွမ်း (၁၀) မျိုး

၁။ ဆီးကျိတ်ရောဂါ ကာကွယ်ပေးခြင်း- ထောပတ်သီးသည် ဆီးကျိတ် ကင်ဆာဖြစ်ပေါ်မှုကို ဟန့်တားပေးနိုင်သော အသီးတစ်မျိုးဟု ဖော်ပြထားကြသည်။

၂။ ခံတွင်း ကင်ဆာ ကာကွယ်ပေးခြင်း - ထောပတ်သီးတွင်ပါဝင်သော အချို့ ကွန်ပေါင်းများသည် ကင်ဆာ ဖြစ်ပေါ်စေနိုင်သော ဆဲလ်များ(အထူးသဖြင့် ခံတွင်းကင်ဆာဖြစ်ပေါ်စေနိုင်သောဆဲလ်များ) ကို ရှာဖွေဖော်ထုတ်နိုင်စွမ်းရှိပြီး ကျန်းမာ သန်စွမ်းသော ဆဲလ်များကို ထိခိုက်မှုမရှိစေဘဲ ကင်ဆာဆဲလ်များကို ဖျက်ဆီးပေးနိုင်စွမ်းရှိသည်ဟု သုတေသနများတွင် ဖော်ပြထားသည်။

၃။ ရင်သား ကင်ဆာ ကာကွယ်ပေးခြင်း - ထောပတ်သီးသည် သံလွင်ဆီကဲ့သို့ အမျိုးသမီး ရင်သား ကင်ဆာကာကွယ်ပေးနိုင်သော(Oleic acid) ပါဝင်မှုမြင့်သည်ဟု လေ့လာမှုများစွာက ဖော်ပြထားသည်။

၄။ မျက်လုံး ကျန်းမာရေးကောင်းမွန်စေခြင်း- အသက်အရွယ်အရ ဖြစ်ပေါ်လေ့ရှိသော အမြင်အာရုံချို့တဲ့မှုနှင့် မျက်စိတိမ်စွဲရောဂါတို့ကို ကာကွယ်ပေးနိုင်သော (carotenoid lutein) သည် လူသားတို့ နေ့စဉ် စားသုံးလေ့ရှိကြသော အသီးများထက် ထောပတ်သီးတွင် ပို၍ ပါဝင်ပါသည်။

၅။ Cholesterol (ကိုလက်စထရောလ်) ဓာတ်ပါဝင်မှုနည်းခြင်း- Cholesterol အနည်းငယ်သာ ပါဝင်သည့် (Beta-sitosterol) ကွန်ပေါင်းကို ထောပတ်သီးတွင် များစွာတွေ့ရှိရသည်။ လေ့လာမှု တစ်ရပ်တွင် ထောပတ်သီးကို တစ်ပတ်တည်း မှီဝဲစားသုံးရုံဖြင့် Cholesterol ဓာတ် ၁၇ ရာခိုင်နှုန်း လျှော့ချပေးနိုင်သည်ဟု ဖော်ပြထားသည်။

၆။ နှလုံးရောဂါ ကာကွယ်ပေးခြင်း - လူတစ်ဦးနေ့စဉ် စားသုံးသင့်သော folate ဓာတ် ၂၃ ရာခိုင်နှုန်းကို ထောပတ်သီးဖျော်ရည် တစ်ခွက်သောက်သုံးခြင်းဖြင့် ရရှိနိုင်ပါသည်။ folate ဓာတ်ကြွယ်ဝသော အစားအစာများကို နေ့စဉ် စားသုံးသော လူတစ်ဦးတွင် နှလုံးရောဂါဖြစ်ပွားမှုနည်းသည်ဟု လေ့လာတွေ့ရှိထားသည်။ ထောပတ်သီးတွင် ပါဝင်သော ဗီတာမင် E၊ monounsaturated fats နှင့် glutathione ဓာတ်တို့သည် လူတို့၏ နှလုံးကျန်းမာရေးအတွက် အထောက်အကူ ပြုသည်။

၇။ လေဖြတ်ရောဂါ ကာကွယ်ပေးခြင်း- Folate ဓာတ်များစွာပါဝင်သော ထောပတ်သီးသည် လေဖြတ်ခြင်းကို ကာကွယ်နိုင်စွမ်းရှိသည်။ Folate ဓာတ်ကြွယ်ဝသော အစားအစာများကို နေ့စဉ် စားသုံးသော လူတို့တွင် လေဖြတ်ခြင်းဖြစ်ပေါ်ရန် အလားအလာ ပို၍ နည်းပါးလှသည်။

၈။ အာဟာရဓာတ် စုပ်ယူမှု အားကောင်းစေခြင်း- အစားအစာများကို ထောပတ်သီးနှင့် ရောစားခြင်းဖြင့် အချို့သော အာဟာရဓာတ်များကို ပိုမိုစုပ်ယူနိုင်သည်ဟု လေ့လာတွေ့ရှိထားသည်။ လေ့လာမှု တစ်ရပ်တွင် ထောပတ်သီးပါဝင်သော အသုပ်ကို စားသုံးသော သူသည် ထောပတ်သီးမပါသော အသုပ်ကို စားသုံးသောသူထက် carotenoidsဓာတ်ကို ၅ဆ ပိုမိုစားသုံးနိုင်သည်ဟု တွေ့ရှိရသည်။

၉။ Gultathione အရင်းအမြစ် - ထောပတ်သီးသည် ရုပ်ရင့်ခြင်း၊ ကင်ဆာ နှင့် နှလုံးရောဂါတို့ကို ကာကွယ်ရာတွင် အရေးကြီးသည့် antioxidantဖြစ်သော gultathione ဓာတ်၏ အကောင်းဆုံး အရင်းအမြစ် တစ်ခုဖြစ်သည်။

၁၀။ ဗီတာမင် E စွမ်းအင် အရင်းအမြစ်- ထောပတ်သီးသည် လူတို့၏ ကျန်းမာရေး အလုံးစုံကို ထိန်းသိမ်းရာတွင် ကူညီပေးပြီး ရောဂါဘယ ဖြစ်ပေါ်မှုကို ကာကွယ်ပေးနိုင်သော ဗီတာမင် E တို့၏ အဓိက အရင်းအမြစ် ဖြစ်သည်။

ဘာသာပြန်- Leo Hkip

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...