ကြက်မတွေရဲ့အမြင့်ဆုံးဥနှုန်း ထိန်းထားနိုင်ဖို့...

ကြက်ဥမှာ ဆိုရင် ရေ၆၆% ၊ ပရိုတိန်း၁၃%၊ အဆီ၁၀%၊ သတ္တု ၁၁% နဲ့ အာဟာရဓာတ် အများကြီးပါဝင်ပါတယ်..။ စားသုံးမှုဝယ်လိုအားကလည်းမြင့်တာမို့ ဥစားကြက်မွေးမြူရေးသမားတွေ လည်း စနစ်တကျနဲ့မွေးနိုင်ရင် အကျိုးအမြတ်များပါတယ်..။

ဥစားကြက်မွေးမြူသူ တောင်သူတွေအနေနဲ့ မိမိတို့ခြံထဲမှာ ကြက်တွေ များများဥနိုင်ဖို့အတွက် ဆိုရင် ကြက်မတွေကို စိတ်ဖိစီးမှု ဖြစ်စေတဲ့ အကြောင်းအရာတွေကို ဖယ်ရှားပေးရပါမယ်။ ကြက်ဥနှုန်းမြင့်မားစေဖို့အတွက် ဆိုရင် ထုတ်လုပ်မှုကျဆင်းစေတဲ့ ရောဂါနဲ့ မည့်သည့် စိတ်ဖိစီးမှုကို မဆို လေ့လာစောင့်ကြည်ရန်နဲ့ အထူးသတိပြု ရှောင်ရှားရန်တွေ လိုအပ်ပါတယ်။

အချိန်ကြာကြာနဲ့ အမြင့်ဆုံး ဥနှုန်းကို ထိန်းထားဖို့အတွက်ဆိုရင် ...

(၁) အာဟာရပြည့်ဝစွာ ရရှိစေဖို့အတွက် အစာနဲ့ရေကို ထောက်ပံ့ပေးရပါမယ်။

(၂)ကြက်မများကို မခြောက်လှန့်ရပါ။ ခြောက်လှန့်ပါက ထုတ်လုပ်မှုအပေါ် ဆိုးရွားတဲ့ အကျိုးဆက် ဖြစ်ပေါ်နိုင်ပါတယ်။

(၃)အပူချိန်၊ စိုထိုင်းဆနဲ့ လေဝင်လေထွက်တို့ မျှတတဲ့ ပတ်ဝန်းကျင် ဟုတ်မဟုတ်လည်း စစ်ဆေးပေး ရပါမယ်။

(၄)အဖြူရောင်ဥ ကြက်မတွေအတွက် ကြက်အသက် (၂၀)ပတ်သားက စပြီးတော့ အလင်းထိုးပေး သင့်ပါတယ်။ လျှပ်စစ်မီးသီးတွေလည်း သန့်ရှင်းနေရပါမယ်။

(၅)အပူချိန် ရုတ်တရက်ကျဆင်းခြင်းကဲ့သို့သော ပတ်ဝန်းကျင်ပြောင်းလဲမှုက ကြက်ဥထုတ်လုပ်မှုအပေါ် မကောင်းတဲ့ အကျိုးဆက်များဖြစ်နိုင်ပါတယ်။

(၆)တချို့ကြက်မွေးတောင်သူတွေက ကြက်ဥစဥချိန်မှာ ကာကွယ်ဆေးထိုးဖို့ မေ့ကျန်ခဲ့တဲ့အတွက် ဥနှုန်း မြင့်နေချိန်မှာ ကာကွယ်ဆေးထိုးတတ်ကြပါတယ်။ ဒါဟာ ဥနှုန်းကျဆင်းစေနိုင်တဲ့အတွက် ကြက်ဥနေတဲ့ ကာလမှာ ကာကွယ်ဆေးမထိုးသင့်ပါဘူး။

(၇)ဥနှုန်းအမြင့်ဆုံးရောက်ရှိနေချိန်မှာ ရောဂါခုခံနိုင်မှု လျော့ကျနေတဲ့အတွက် ၎င်းအချိန်မှာ ရောဂါ တွေနဲ့ ထိတွေ့မှုမရှိစေရန်လည်းသတိပြုရပါမယ်။ အရေးကြီးဆုံးအချက်ကတော့ ကြက်လည်လိမ် ရောဂါနဲ့ ဥနှုန်းကျ ရောဂါကာကွယ်ဆေးများကို ဥမစမ်းခင်အချိန်တည်းက ထိုးနှံပြီးသားဖြစ်ရပါမယ်။

ကဲ..ဒီအချက်တွေကို သတိပြုလိုက်နာကျင့်သုံးပြီး အမြင့်ဆုံးကြက်ဥနှုန်းကိုထိန်းရင်း အကျိုးအမြတ် များစွာ ရရှိကြပါစေ။

Refrence: စိုက်ပျိုးပညာပေးရေးနှင့် ကျေးလက်ဒေသဖွံ့ဖြိုးရေးသင်တန်းကျောင်းမှထုတ်ဝေသော ခေတ်မီမွေးမြူရေးနည်းပညာများ

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးငမြောင်တောင်ပိုး( Rice armyworm) စတဲ့ စပါးဖျက်ပိုးတွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ