နောက်ဆုံး ဆောင်းပါးများ စိုက်ပျိုးရေး မွေးမြူရေး ရေလုပ်ငန်း အထွေထွေ ဗဟုသုတ သတင်း နည်းပညာမိတ်ဖက်အဖွဲ့များ

အားလုံးကြည့်ရန် လယ်ယာသုံးစက်ပစ္စည်း 11 မြေဆီလွှာ 165 အပင်အာဟာရ 297 စိုက်ပျိုးနည်း 396 ပိုးမွှားရောဂါ 445 စိုက်ပျိုးစီးပွား 54 ခေတ်သစ်စိုက်ပျိုးရေး 49 ရိတ်သိမ်းချိန်လွန်နည်းပညာ 49 တန်ဘိုးမြှင့်ထုတ်ကုန် 150 စိုက်ပျိုး ရေ 49 စိုက်ပျိုး ဗဟုသုတ 853

ဝါးအဆစ်များမှ စိုက်ပျိုးနည်း

Green Way • 08/12/2017

ဝါးအဆစ်များမှ မျိုးပွားရန်အတွက် မိခင်ပင်သည် အသက် (၁၂) လမှ(၁၈)လသားအရွယ် ဝါးများသည် အကောင်းဆုံးဖြစ်သည်။ ရွေးချယ်စုဆောင်းရရှိလာသည့် ဝါးများ၏ အလယ်ပိုင်းသည် မျိုးပွားရန် အကောင်းဆုံးဖြစ်သည်။ ထီးရိုးဝါးတွင်အရင်းပိုင်းမှ (၁၀)ဆစ်အထိကို အရင်းပိုင်းဟူ၍ သက်မှတ်ခဲ့ပြီး (၁၀-၂၀)ဆစ် အထိကို အလယ်ပိုင်းဟူ၍ သတ်မှတ်ခဲ့သည်။ သို့သော် ဝါးအမျိုးအလိုက် အလယ်ပိုင်း အရင်းပိုင်း ခွဲခြားခြင်း ကွာခြားပါမည်။

ဝါးအဆစ်ဖြင့် မျိုးပွားရာတွင်-

(၁) အဆစ်တစ်ဆစ်ဖြင့် မျိုးပွားခြင်းနှင့်

(၂) အဆစ်နှစ်ဆစ်ဖြင့် မျိုးပွားခြင်း ဟူ၍ (၂) မျိုးရှိပါသည်။

အဆစ်တစ်ဆစ်ဖြင့် မျိုးပွားခြင်း

ရွေးချယ်စုဆောင်းရရှိခဲ့သည် ဝါးများ၏ အပိုင်းများကို အဆစ်အပေါ်ပိုင်း ၆ လက်မမှ ၈ လက်မအကွာတွင် ဖြတ်ပါ။ ရေများ ဝါးဆစ်တွင်းများများ ထည့်နိုင်ရန်ဖြစ်သည်။ အပိုင်းတိုင်းတွင် အဆစ်(၁)ဆစ် အနည်းဆုံးပါရမည်။ အဆိုပါ အဆစ်တစ်ဆစ်ပါသည့် အပိုင်းလေးများကို နွားချေးမှုန့်၊ ဖွဲပြာ၊ သဲ၊ မြေဆွေး တို့ကို ၁:၁:၂:၁ ရောစပ်၍ ထည့်ထားသည့် အနံ(၆)လက်မ အနက်(၈) လက်မ ရှိသော မြောင်းများတွင်အနည်းယ်စောင်းပြီး ထောင်၍ မျိုးပွားနိုင်ပါသည်။

ထောင်၍ စိုက်သည့် ဝါးဆစ်ပါ ဝါးပိုင်းများအတွက် အဆစ်ကို မြေအောက် ၂ လက်မ ခန့် အထိ မြုပ်၍ စိုက်ပျိုးရပါသည်။ ၎င်းဝါးပိုင်း ပတ်လည်ရှိ မြေကို ဖိနိုင်သမျှ ဖိနှိပ်ပေးရန်လိုအပ်ပါသည်။ စိုက်ပျိုးပြီးပါက ညင်သာစွာ ရေလောင်းပေးပါ။

ဝါးဆစ်ပိုင်းလှဲ၍ စိုက်ပျိုးနည်း

လှဲပြီးစိုက်ပျိုးထားသည့် ဝါးအပိုင်းများအတွက် အဖူး (Bud) ကို ဘေးဘက်တွင် ထား၍ ရောနှောထားသော စပ်မြေအနက်(၂)လက်မခန့်တွင် နေရာချထားပြီး မြေဖြင့်ပြန်ဖို့ကာ မြေကိုဖိနိုင်သမျှ ဖိနှိပ်ပေးပါ။ စိုက်ပျိုးထားသည့် မြောင်းပေါ်တွင် မြက်ခြောက်(သို့) ကောက်ရိုး ဖြင့် အုပ်ပေးပြီး ညင်သာစွာ ရေလောင်း ပေးရပါမည်။

အဆစ်နှစ်ဆစ်ဖြင့် မျိုးပွားခြင်း

ရွေးချယ် စုဆောင်းရရှိခဲ့သည့် ဝါးများ၏ အလယ်ပိုင်းကို အဆစ်(၂)ဆစ်ပါ ဝါးဖြတ်ပိုင်းများအဖြစ် ဓားထက်ထက်ဖြင့် ဖြတ်တောက်ရပါမည်။

ဝါးအဆစ်(၂)ဆစ်ပါ ဝါးဖြတ်ပိုင်းအလယ်ပိုင်းတွင် ရေထည့်ပေးရန်အတွက် အပေါက်ဖောက်ပေးရန် လိုအပ် ပါသည်။ အပေါက်ကျယ်လွန်းခြင်း မဖြစ်သင့်ပါ။ ရေထည့်ရန် အပေါက်ဖောက်ရာ၌ အဆစ်အဖူးကို ဘေးတိုက် အနေအထားအတိုင်း ဝဲယာထား၍ အဆစ်နှစ်ခု၏ အလယ်တည့်တည့်တွင် ဖောက်ပါ။

ဝါးပိုင်းများချထားရာတွင် အပေါက်ကို အပေါ်ဘက်ထားရှိပါ။ အဖူးကို ဘေးနှစ်ဘက်တွင် ရှိပါစေ။ အထက်ပါအတိုင်း ပြုပြင်ထားသော မြေနေရာတွင်း၌ အနက် (၂) လက်မခန့်တွင် ဝါးအပိုင်းများကို နေရာချပါ။ အပေါက်ဖောက်ထားသော မျက်နှာပြင်ကို အပေါ်ဘက်သို့ ရေလောင်းထည့်ပေးရပါမည်။ ဝါးအဆစ်များ မလှုပ်စေရန်အတွက် သေချာစွာ ဖိပေးရန် လိုအပ်ပါသည်။ ပြီးလျှင် မြေဖို့ပြီး မြေကို ဖိနိင်သမျှ ဖိနှိပ်ပေးပါ။ စိုက်ပျိုးပြီးပါက မြေပေါ်တွင် မြက်ခြောက် (သို့) ကောက်ရိုးဖြင့် အုပ်ပေးပြီး ညင်သာစွာ ရေလောင်းပေးပါ။

စီမံကိန်းလုပ်ငန်းဆောင်ရွက်ရာ၌ တွေ့ကြုံခဲ့ရသည့် အတွေ့အကြုံအရ ကျသောင်းဝါးသည် အညွှန့်ထွက်ရန် ရက်ပေါင်း (၂၀) အထိ၊ အမြစ်ထွက်ရန် (၇၂) ရက် အထိကြာပါသည်။ မျှင်ဝါးမှာမူ အညွန့်ထွက်ရန် ရက်ပေါင်း (၇-၁၀) ရက်အထိနှင့် အမြစ်ထွက်ရန် (၈၀) ရက်အထိ ကြာပါသည်။

ဝါးဘိုးဝါးမှာ အညွန့်ထွက်ရန် ရက်ပေါင်း (၁၅) ရက်ခန့်နှင့် အမြစ်ထွက်ရန် (၉၀)ရက်ခန့်အထိ ကြာသည်ကို တွေ့ရသည်။ အောင်မြင်မှု ရာခိုင်နှုန်း (၅၀ မှ ၇၀) အထိ ရှိပါသည်။

ဤနည်းသည် အပင်များစွာရရှိရေး သေချာပြီး ကုန်ကျစရိတ်လည်း နည်းပါးသောနည်းဖြစ်၍ ဝါးမျိုးပွားရာတွင် ထည့်သွင်းစဉ်းစားသင့်ပါသည်။ မျိုးပွားရန် နေရာကျယ်ကျယ်တော့လိုသည်။

အထက်ဖော်ပြပါအတိုင်း ထီးရိုးဝါးအတွက် အောင်မြင်စွာ မျိုးပွားနည်းမှာ အမြစ်ဆုံအပါအဝင် အရင်းမှအဖျားထိ ဝါးတစ်ပင်လုံးကို မြေတွင်မြုပ်ပြီး မျိုးပွားပါက ပင်စည်ပိုင်းအဆစ်များမှ အပင်များ ပေါက်ပွားလာသည်ကို တွေ့ရပါသည်။ အကယ်၍ အဆစ်ပိုင်းများ အမြစ်များ ဖြတ်တောက်ပြီး မျိုးပွားပါက ဖော်ပြပါ နည်းလမ်းလောက် အပင်ပွားနှုန်းမကောင်းကြောင်း တွေ့ရပါသည်။ ပျိုးဘောင်လိုင်းများတွင် ရေဝပ်ခြင်းမရှိစေရန် အထူးဂရုပြုရန် လိုအပ်သည်။ ရေကို တစ်ရက်လျှင် ၂ ကြိမ် (မနက် ၁ ကြိမ် ညနေ ၁ ကြိမ်) လောင်းပေးရမည်။

ပင်စည်အဆစ်တစ်ဆစ်မှ အပင်ပွား ၃ ပင် ၄ ပင် ထွက်နေလျှင် ဓားထက်ထက်ဖြင့် အပင်များခွဲရန်လိုအပ်သည်။ အပင် ၃ ပင် ၄ ပင်ကို အဆစ်တစ်ဆစ်ထဲမှ ရရှိခြင်းဖြစ်သည်။

ကိုကား-ဝါးမျိုးပွားခြင်း၊ ဝါးစိုက်ပျိုးပြုစူခြင်း၊ ဝါးခုတ်ယူနည်းများ

ဆက်စပ်အကြောင်းအရာ၊ မေးခွန်းများနှင့် ဆောင်းပါးများကို ဆက်လက်ဖတ်ရှုနိုင်ပါသည်။

အကြောင်းအရာ 1

ဝါးမျိုးပွားနည်း

kokyawswerOo

လွန်ခဲ့သော ၄ လ က

ဝါးဖြူဘယ်လိုစိုက်ရမလဲ

Kyaw Nanda

လွန်ခဲ့သော ၅ နှစ် က

ဝါးနက်ဝါးအကြောင်းတင်ပေးပါဦး။

ဆက်စပ်ဆောင်းပါးများ

စိုက်ပျိုးနည်း

မောင်နီပြောတဲ့ ခရမ်းချဉ်စင်တင်နည်း

Htunn Winn Kyaw

စိုက်ပျိုးနည်း

အစေ့ထုတ်ပြောင်း အထွက်တိုးစေမည့် စိုက်ပျိုးနည်းပညာ

Soe Myint

စိုက်ပျိုးနည်း

ကိုယ့်ရဲ့ဝင်ငွေရသီးနှံ ပျက်ဆီးဆုံးရှုံးမှုနည်းအောင် ထောင်ချောက်သီးနှံ နှင့် ပိုးပြေးပင်တွေကို ဘယ်လို တွဲဖက်စိုက်ပျိုးကြမလဲ

Thein Soe Min

ဆက်စပ်မေးခွန်းများ

လေးစားရပါသော တောင်သူကြီးများခင်ဗျာ... ဖရဲစစိုက်မှာမို့ ဖရဲအထွက်ကောင်းတဲ့ စိုက်ပျိုးနည်းလမ်းဝေမျှပေးပါအုံး ခင်ဗျာ...တောင်သူကြီးများခကျန်းမာ ချမ်းသာကြပါစေ...ခင်ဗျာ။

U BHONE THWE HTAN • ဖြေကြားချက် 1 ခု

ပုံပါအတိုင်းဖြစ်ပြီး သေနေလို့ပါဗျ ဆေးလဲတစ်ခါမှ မဖျန်းရသေးတော့ ဆေးဖျန်းချင်ပါတယ် ပိုးသတ်ဆေးနဲ့ မှိုဆေးလေးညွှန်းပါ အကြံပေးပါဗျ

Aung Zay • ဖြေကြားချက် 4 ခု

ဆရာတို့ခင်ဗျ ဘူး ခဝဲ ရုံးပတီတီတို့မှာဒေါင်းနီးမှိုကာကွယ်ဆေးကိုဘယ်အချိန်မှာသုံးရမှာလဲခင်ဗျ ဘယ်ဆေးကိုသုံးရမှာလဲခင်ဗျ အလင်းပြပေးပါ🙏

မောင်ကျော်ခိုင် • ဖြေကြားချက် 1 ခု

ဒီနှစ် ကြက်သွန်နီစိုက်ခင်းကို အပင်အဟာရအတွက် ဂျီဗာမရူသမ်နဲ့ ဓာတ်မြေဩဇာတွဲ လှေးပိုးအတွက် သဘာဝပိုးသတ်ဆေးများ အထူးသဖြင့် နွားသေး+မီးခိုးပေါင်းခံရည် မှိုရောဂါအတွက် ထရိုင်ကိုဒါးမားနဲ့ ထုံးကန့်ဆေးရည်(ထုံးကန့်ဆေးက ဒေါင်းနီးနဲ့ တောက်တဲ့မြှီးကို ကောင်းကောင်းနိုင်လား ဒီမှိုရောဂါကို မနိုင်မှာ စိုးလို့ပါ ဒါကို အဓိက သိပါရစေဆရာ ပြီးတော့ ထုံးကန့်ဆေးက ဆေးယဥ်ပါးမှုဖြစ်တက်ပါသလား) ပေါင်းပင်အတွက်တော့ ပေါင်းသတ်ဆေး သုံးဖြစ်မယ်ထငိပါတယ်

Khing Hein • ဖြေကြားချက် 2 ခု

မတ်ပဲ ပွင့်ထွေးပိုးအရမ်းဆိုးနေလို့ အကိုင်းထဲတောင်ဝင်နေတယ် ဘာဆေးဖျန်းရမလဲ အပွင့်ကလှိုင်လှိုင်မပွင့်သေးဘူး ၅၀ရက်သားပါ ဆေးကောင်းတွေသုံးရမလား အပွင့်လှိုင်မှဆေးကောင်းသုံးရမလား ဆေးဆိုင်ကအပွင့်မလှိုင်သေးရင်ပေးစားလိုက်တဲ့ အပွင့်လှိုင်မှဖျန်းတဲ့ ဘာဆေးဖျန်းရမလဲ

Saw Samson • ဖြေကြားချက် 3 ခု

Farm Link Co.,Ltd

ကြော်ငြာ

🌾စပါးဈေးမကောင်းတဲ့ ရာသီမှာ အမြတ်ကျန်အောင် ဘယ်လိုစိုက်မလဲ⁉️ ❗စပါးဈေးကလည်းမသေချာ၊ သွင်းအားစုစရိတ်တွေကလည်း တက်နေတဲ့ဒီလိုအချိန်မှာ သွင်းအားစုဖိုးကို လျှော့ချပြီး အထွက်နှုန်းကို ထိန်းထားနိုင်မှ ဦးကြီးတို့ အဆင်ပြေမှာနော် ✔️ဒါကြောင့် ကိုယ်သုံးသမျှ ကိုယ့်အတွက်အကျိုးရစေမယ့် အရည်အသွေးစိတ်ချရတဲ့ သွင်းအားစုပစ္စည်းတွေကိုပဲ ရွေးချယ်သုံးသင့်ပါတယ်။

နောက်ဆုံး ဆောင်းပါးများ