အပင်ငယ်စဉ်တွင်ကျရောက်တတ်သော ခါးရိရောဂါ

အပင်ငယ်စဉ်တွင်ကျရောက်တတ်သော ခါးရိရောဂါကိုထိရောက်စွာကြိုတင်ကာကွယ်နည်းများ

ခါးရိရောဂါကို ဖြစ်ခါမှကုသခြင်းထက် မဖြစ်ခင်ကြိုတင်ကာကွယ်ခြင်းက ပိုထိရောက်တဲ့အတွက်ကြောင့် သတိပြုမိအောင် ခါးရိရောဂါအကြောင်းလေးကိုရေးသားဖော်ပြလိုက်ရခြင်းဖြစ်ပါတယ်။

ခါးရိရောဂါဟာ မှိုရောဂါတစ်မျိုးဖြစ်ပြီး မျိုးစေ့အခြေအနေမှာရော ပျိုးပင်ပေါက်အခြေအနေမှာပါ ကျရောက်နိုင်တဲ့ရောဂါတစ်မျိုးဖြစ်ပါတယ်။ ရောဂါဖြစ်စေတဲ့ သက်ရှိသည် မျိုးစေ့၊ မြေကြီး၊ ရေနှင့် စိုက်ပျိုးရေးသုံးပစ္စည်းများမှတစ်ဆင့်ကူးစက်နိုင်ပါတယ်။ ရောဂါကျရောက်တဲ့အပင်ဟာဆိုလျှင် ကောင်းမွန်စွာအညှောင့်ပေါက်လာနိုင်ပေမယ့် ရက်အနည်းငယ်အတွင်းမှာပဲ ရေစိုနာကွက်များဖြစ်ကာ ပျော့လာ၊ ယိုင်လဲပြီး သေဆုံးတာတွေ ဖြစ်နိုင်ပါတယ်။ 

ခါးရိရောဂါကျရောက်ရင် မြေကြီးအပေါ်နားက ပင်စည်နဲ့ အမြစ်ကိုပုတ်စေနိုင်ပါတယ်။ 

ထိရောက်သောကာကွယ်နှိမ်နင်းနည်းများ

- မြေကြီးကိုလေဝင်လေထွက်ကောင်းသော‌မြေဖြစ်အောင်ဂရုစိုက်ပါ။

- အေးမြပြီး စိုစွတ်တဲ့မြေ အနေအထားမျိုးကိုရှောင်ရှားပါ။ (ပူနွေးသောမြေမှာ အပင်က လျင်မြန်စွာကြီးထွားပြီး ပို၍ကျန်းမာပါသည်)

- pH levelကို 5.5လောက်ထားနိုင်ရင် အသင့်တော်ဆုံးပါ။

- မျိုးစေ့လူးနယ်ဆေးကိုအသုံးပြုပြီး စိုက်ပျိုးပေးပါ။ 

- ရေကိုနေ့လည်ပိုင်းမလောင်းပါနဲ့။ ရေမများအောင်လည်းဂရုစိုက်ပါ။

- အစိုဓာတ်များပြီး မြေကြီးနက်နက်ဖြင့်စိုက်ခြင်းက ရောဂါကျရောက်မှုကိုအားပေးစေသည်။

- ရောဂါကျရောက်တဲ့အပင်ရှိလာပါကအခင်းမှဖယ်ရှားပစ်ပါ။

အပင်ကြီးလာရင်တော့ ခါးရိရောဂါကိုခံနိုင်ရည်ရှိလာတာကိုတွေ့ရပါတယ်။ 

ထို့ပြင်ဓာတုဆေးအနေဖြင့် Copper Oxychloride 85WP Fungicide ကိုအညွှန်းပါအတိုင်းအသုံးပြုနိုင်ပါတယ်။ 

အားလုံးပဲ ခါးရိရောဂါကို အထိရောက်ဆုံးကာကွယ်နိုင်ပြီး အထွက်တိုး၍ ဝင်ငွေတိုးနိုင်ကြပါစေရှင်။

ဝတ်မှုံသင်း

ref: https://en.wikipedia.org/wiki/Damping_off

https://www.youtube.com/watch?v=tZewRK8vDZk

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်) 

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်