ဖရဲဈေးနှုန်းကျဆင်း

Photo - photo - mizzima

ယခင်နှစ်ကာလတူထက် ဖရဲဈေးနှုန်းများမှာ ကျဆင်းလာကြောင်း မြန်မာနိုင်ငံ ဖရဲ၊ သခွားစိုက်ပျိုးထုတ်လုပ် တင်ပို့ရောင်း ချသူများအသင်းမှ သိရပါတယ်။ 

ယခုလက်ရှိ ဖရဲတင်ပို့တဲ့ကားများမှာ ယခင်နှစ်ကာလတူထက် ကားစီးရေ အဝင်များနေတာကြောင့် ဈေးနှုန်းများမှာ ကျဆင်းနေကြောင်း မြန်မာနိုင်ငံဖရဲ၊ သခွား စိုက်ပျိုးထုတ်လုပ်တင်ပို့ရောင်းချသူများ အသင်းမှ ဥက္ကဌဦးနိုင်ဝင်းကပြောပါတယ်။

“မနှစ်က ဒီလိုအချိန်မှာ ဖရဲကားအစီးရေ အဝင်နည်းတော့ ဈေးကရတယ်။ ဒီနှစ်က ဖရဲကားအစီးရေ တစ်နေ့ကို (၂၀၀) ကျော်လောက်တိုးလာတော့ ဈေးကအရင်နှစ်ကလောက် မရတော့ဘူး။ ဖရဲဈေးနှုန်း က အရင်နှစ်ထက်တော့ ကျသွားတာပေါ့”

ယခင်ကာလတူက ဖရဲတစ်တန်ကို ယွမ် (၄၀၀၀) ဝန်းကျင်ရရှိခဲ့သော်လည်း ယခုနှစ်ကာလတူမှာ ဖရဲတစ်တန်ကို ယွမ် (၃၆၀၀) သာရရှိနေကြောင်း အဆိုပါအသင်းမှသိရပါတယ်။

နယ်အစုံမှ ဖရဲကားစုစုပေါင်း တစ်နေ့ကို ကားအစီးရေ (၇၀၀) ဝန်းကျင် မူဆယ်နယ်စပ်သို့ တင်ပို့နေတာဖြစ်ကြောင်းလည်း မြန်မာနိုင်ငံဖရဲ ၊ သခွားစိုက်ပျိုးထုတ်လုပ်တင်ပို့ရောင်းချသူများအသင်းမှသိ ရပါတယ်။

တိုးတိုးခိုင်(ABM)

 

 



ယခုဆောင်းပါးက သင့်အတွက် အသုံးဝင်ပါသလား?

  ဆောင်ပုဒ်  

"သစ်ပင်စိုက်ပါ တို့ကမ္ဘာ၊ သာယာလှပ စိမ်းမြမြ"