လူတိုင်းအတွက် ဒစ်ဂျစ်တယ်ငွေကြေးအသိပညာ [အပိုင်း -၁] ဒစ်ဂျစ်တယ်ငွေကြေးအသိပညာဆိုတာ...

ဒစ်ဂျစ်တယ်ငွေကြေးအသိပညာဆိုတာ ဒစ်ဂျစ်တယ်အသိပညာနဲ့ ငွေကြေးအသိပညာတို့ကို ပေါင်းစပ်ထားတာဖြစ်ပါတယ်။

တစ်နည်းပြောရရင် ဒစ်ဂျစ်တယ်ငွေကြေးဆိုင်ရာ ဝန်ဆောင်မှုများကို လုံခြုံစွာ အသုံးပြုနိုင်သည့် အသိပညာ၊ အရည်အသွေး၊ ယုံကြည်ချက်နှင့် စွမ်းဆောင်ရည်များကို လေ့လာသင်ယူခြင်းဖြစ်ပါတယ်။

ဥပမာ - ဖုန်းထဲမှာ ကေဘီဇက်ပေးကို ဘယ်လိုထည့်ရမလဲ၊ ဝေ့ဖ်ပေးအကောင့်ကို ဘယ်လိုဖွင့်ရမလဲ၊ အွန်လိုင်းက ငွေလွှဲရင် ဘယ်လိုလွှဲရမလဲ၊ ကိုယ့်ရဲ့ အွန်လိုင်းအကောင့်တွေကို လုံခြုံအောင် ဘယ်လိုထားရမလဲ စသဖြင့် ဒီလို အကြောင်းအရာတွေကို သေချာနားလည်အောင်၊ စမတ်ကျကျ သုံးတတ်အောင် သင်ယူ လေ့လာတာဟာ “ဒစ်ဂျစ်တယ်ငွေကြေးအသိပညာ” ကို လေ့လာတာပဲဖြစ်ပါတယ်။

ဒစ်ဂျစ်တယ်နည်းပညာအခေါ်အဝေါ်များ

ဒစ်ဂျစ်တယ်မိတ်ဆွေတို့ရေ ဒီနေ့ခေတ်က “ဒစ်ဂျစ်တယ်နည်းပညာခေတ်” ပါ။

အရင်ကတော့ “အိုင်စီတီနည်းပညာခေတ်” ပေါ့။

“အိုင်စီတီနည်းပညာ” နဲ့ “ဒစ်ဂျစ်တယ်နည်းပညာ” ဘာကွာလဲ။

ကားတစ်စီးကို နမူနာထားပြီးပြောရရင် “အိုင်စီတီနည်းပညာ” က ကားရဲ့ အင်ဂျင်နဲ့တူပြီးတော့ “ဒစ်ဂျစ်တယ်နည်းပညာ” က ကားမောင်းတာနဲ့ တူပါတယ်။

အိုင်စီတီခေတ်မှာ နည်းပညာက ပညာရှင်တွေအတွက် သီးသန့်ဖြစ်နေခဲ့ပြီး အခုလို ဒစ်ဂျစ်တယ်ခေတ်မှာတော့ နည်းပညာက လူတိုင်းနဲ့ နီးစပ် လက်လှမ်းမီလာတာပေါ့။

ဘယ်လောက်တောင် နီးစပ်လက်လှမ်းမီလာသလဲဆိုရင် လူသားတွေရဲ့ အားနည်းချက်တွေ၊ အဟန့်အတားတွေဖြစ်တဲ့ “နည်းပညာတွေနဲ့ အလှမ်းဝေးလို့ပါ၊ ပညာမတတ်လို့ပါ၊ အင်္ဂလိပ်လိုတွေ နားမလည်လို့ပါ၊ ဝင်ငွေနည်းလို့ပါ၊ မသန်စွမ်းလို့ပါ၊ ရွာမှာနေလို့ပါ၊ အမျိုးသမီးဖြစ်နေလို့ပါ၊ စိုက်ပျိုးရေး/မွေးမြူရေးအကြောင်းပဲသိလို့ပါ” ဆိုတာတွေကို နည်းပညာက တန်းတူညှိပေးနိုင်တဲ့အပြင် စွမ်းဆောင်ရည်တွေမြင့်တက်လာအောင် အထောက်အကူပေးနိုင်လာပါပြီ။

ဒစ်ဂျစ်တယ်ခေတ်မှာ ကလေးငယ်ကနေ အဖိုးအဖွားတွေအထိ နေ့စဉ် လူမှုဘဝတွေမှာ နည်းပညာကို သုံးစွဲလာနေကြသလို လုပ်ငန်းနယ်ပယ်အသီးသီးမှာလည်း နည်းပညာကို အသုံးချပြီး လုပ်ငန်းတွေ ပိုမိုတွင်ကျယ်အောင် ဆောင်ရွက်နိုင်လာကြပါပြီ။

ကိုဗစ်-၁၉ လို ကမ္ဘာ့ကပ်ရောဂါတွေက တွန်းတိုက်လိုက်တာကြောင့် ပိုက်ဆံတွေဟာလည်း ငွေသားအသွင်ကနေ ဒစ်ဂျစ်တယ်အသွင် ကူးပြောင်းလာသလို ငွေပေးငွေယူကိစ္စရပ်တွေကိုလည်း ဒစ်ဂျစ်တယ်လမ်းကြောင်းကနေ ဆောင်ရွက်လာကြရပါတယ်။ တစ်နည်းပြောရရင် ငွေကြေးနည်းပညာကို အသုံးချဖို့ရန် လက်ရှိအချိန်မှာ အဟန့်အတားတွေ၊ အခက်အခဲတွေရှိနေသေးပေမယ့် ဒီငွေကြေးနည်းပညာတွေကို အခက်အခဲမရှိ အန္တရာယ် ကင်းကင်း အသုံးပြုနိုင်ဖို့ရာအတွက် “ဒစ်ဂျစ်တယ်ငွေကြေးအသိပညာ” ကလည်း လူတိုင်းသိဖို့ လိုအပ်လာပါတယ်။

ဒီငွေကြေးနည်းပညာထဲမှာ မိုဘိုင်းလ်ဝေါလက်ကတော့ အသုံးချဖို့ရန် လိုအပ်ချက်နည်းပါးပါတယ်။ ဒါကြောင့် မိုဘိုင်းလ်ဝေါလက်ဟာ လူတိုင်းနီးပါးနဲ့ လက်လှမ်းမီတယ်လို့ ပြောနိုင်ပါတယ်။

ဒီတော့ . . . ဒစ်ဂျစ်တယ်ခေတ်ရဲ့ ငွေကြေးနည်းပညာတွေကို မိုဘိုင်းလ်ဝေါလက်အကြောင်းကနေ စပြီး လေ့လာကြည့်ကြရအောင်။ စိတ်ဝင်စားတယ်ဆို စောင့်မျှော်ဖတ်ရှုနိုင်ပါတယ်။

ဒီလို ဒစ်ဂျစ်တယ်ငွေကြေးအသိပညာတွေကို စဥ်ဆက်မပြတ်လေ့လာချင်တယ်ဆိုရင်တော့

bit.ly/3KWHsx4 အာရ်အီးတွမ်တီဝမ်း (Re21) ဖေ့စ်ဘုတ်ပေ့ချ်ကို လိုက်ခ် (Like) နဲ့ ဖောလိုး (Follow)လုပ်ထားပြီး လေ့လာလို့နိုင်ပါတယ်။

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ဟုထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...