နဂါးမောက်သီးမတင်ရတဲ့ အကြောင်းအရင်း

နဂါးမောက်သီးမတင်ရတဲ့ အကြောင်းအရင်းကတော့ အများကြီးရှိနိုင်ပါတယ်။

ပတ်ဝန်းကျင်မြေနေရာအနေအထား

နေရာနဲ့ပတ်သတ်ပြီး ဖြစ်နိုင်ချေရှိတာတစ်ခုကနဂါးမောက်သီးပင်က နေရောင်ကိုကြိုက်ပါတယ်။ နေရောင်များများရရင် အသီးပိုသီးလေ့ရှိပါတယ်။ ဒါက နဂါးမောက်သီးတင်မကပါဘူး အပင်အများစုလည်း ဒီလိုပါပဲ။ စိုက်မယ်ဆိုရင် နေရောင်ရမရအရင်ကြည့်ရပါတယ်။ နောက်တစ်ခုက နဂါးမောက်ပင်က ရေဝပ်တာကို မကြိုက်ပါဘူး။ သူ့ကိုစိုက်မယ်ဆိုရင် ကုန်မြင့်တဲ့နေရာ ဒါမှမဟုတ် ရေထုတ်လို့ကောင်းတဲ့နေရာမှာ စိုက်ပေးရပါတယ်။ သူက ရှားစောင်းမျိုးနွယ်ဝင် အပင်ဖြစ်တဲ့အတွက်ကြောင့် ရေငတ်ဒဏ်ကိုတောင် ခံနိုင်ရည်ရှိပါတယ်။ နောက်တစ်ခုကတော့ လေဝင်လေထွက် ကောင်းတဲ့နေရာ ဖြစ်ဖို့လိုပါတယ်။ အရမ်းပိတ်လှောင်လွန်းတဲ့နေရာ မျိုးတွေမှာဆို အသီးတင်လေ့သိပ်မရှိပါဘူး။ မသန်စွမ်းတဲ့ကိုင်းတွေ အရမ်းကျပ်နေတဲ့ကိုင်းတွေဆိုရင် ဖြတ်ပေးသင့်ပါတယ်။ အသီးတင်ဖို့လိုအပ်တဲ့ အာဟာရတွေက ဒီကိုင်းတွေကို ပို့ပေးလိုက်ရတာနဲ့ အသီးတင်နိုင်မှုလျော့နည်းသွားနိုင်ပါတယ်။

အပင်အာဟာရ

အသီးမတင်ရခြင်းရဲ့ နောက်အကြောင်းရင်းတစ်ခုကတော့ ပိုတက်ဆီယမ်ချို့တဲ့နေလို့လည်းဖြစ်နိုင်ပါတယ်။ စိုက်ပျိုးသူအများစုက ဒီအဟာရဓာတ်ကို မေ့နေတတ်ကြပါတယ်။ သူ့ရဲ့လုပ်ဆောင်မှုက အပြင်ပိုင်းကနေမြင်ရမှုကို သိပ်မသိသာလို့ပါပဲ။ ဥပမာ နိုက်ထရိုဂျင် (ပုလဲဓာတ်မြေသြဇာ) ဆိုရင် ထည့်လိုက်တာနဲ့ အပင်က မြန်မြန်စိမ်းလာပါတယ်။ ပိုတက်ဆီယမ်ရဲ့လုပ်ဆောင်ချက်က အသီးတွေတင်စေရုံမကပါဘူး အသီးတွေကို ချိုအောင်လုပ်ဆောင်ပေးနိုင်ပါသေးတယ်။ ပိုတက်ဆီယမ်ကို ဘယ်ကရနိုင်မလဲ။ ပိုတက်ဆီယမ်ကို မြန်မာလိုဘာသာပြန်ရင်တော့ ပြာဓာတ်လို့ပဲ ပြန်လေ့ရှိကြပါတယ်။ မိမိမီးဖိုချောင်ထဲက ထွက်တဲ့ပြာတွေကို ထည့်ပေးခြင်းဖြင့် ပိုတက်ဆီယမ်ဓာတ်ကို ထည့်ပြီးသားဖြစ်ပါတယ်။ ကျေးလက်ကရှေးလူကြီးတွေက ဒါမျိုးတွေကို ပြုလုပ်ပေးလေ့ရှိပါတယ်။ ဘာကြောင့်လဲဆိုတာ မသိကြပေမယ့် သူတို့စိုက်တဲ့အသီးပင်တွေကတော့ အထွက်ကောင်းကြပါတယ်။ နောက်တစ်ခုကတော့ မြေဆွေး၊ သဘာဝမြေသြဇာတို့ကနေ ရပါတယ်။ ဒါတွေကတော့ ပိုတက်ဆီယမ်တွင်မကပါဘူး အပင်အတွက်လိုအပ်တဲ့ အဟာရစုံရရှိပါတယ်။ တီကျစ်စာ၊အရိုးမှုန့်ကဲ့သို့သော သဘာဝမြေသြဇာများ ထည့်ပေးသင့်ပါတယ်။ သဘာဝမြေသြဇာများကို ထည့်သည့်အခါ ပန်းမပွင့်ခင် နှစ်လသုံးလခန့် ကြိုတင်၍ ထည့်ပေးသင့်ပါသည်။ ရှမ်းမောမြေမှ ထုတ်လုပ်သော ရွက်စိမ်းအားဆေး၊ တီဆေးရည် ကဲ့သို့သော သဘာဝရွက်ဖျန်း အားဆေးများ ဖြန်းပေးနိုင်ပါတယ်။ ရွက်ဖျန်းအားဆေး ဖြန်းတဲ့အခါမှာတော့ နေသာတဲ့ နေ့မျိုးတွင် ဖြန်းပေးသင့်ပါတယ်။

၀တ်မှုန်ကူးခြင်း

အသီးတင်မှုအားကောင်းစေရန်အတွက် ပန်းပွင့်ချိန်တွင် ဝတ်မှုန်ကူးပေးသင့်ပါသည်။ ပျား၊ပိတုန်းတို့ဖြင့် ဝတ်မှုန်ပျံ့နှံ့နိုင်သော်လည်း နဂါးမောက်ပန်းပွင့်ချိန်မှာ ညပိုင်းဖြစ်၍ မထိရောက်ပေ။ ထို့ကြောင့် ညပိုင်းတွင် (ည ၈နာရီ ခန့်) ပန်းပွင့်လေ့ရှိပြီး ထိုအချိန်တွင် အဖိုဝတ်မှုန်များ အားယူ၍ အမပန်းပွင့်ပေါ် တင်ပေးခြင်းဖြင့် ဝတ်မှုန် ကူးနိုင်ပါသည်။ ဝတ်မှုန်ကူးပြီးပါက ပန်းပွင့်အား ပလတ်စတစ်အိတ်ဖြင့် မိုးရေလုံအောင် စွပ်ထားပေးသင့်ပါသည်။ အတိအကျပြောရလျှင် အမပန်းပွင့် မှာ မနက် နေမထွက်ခင်မှာ ပွင့်သောကြောင့် အဖိုဝတ်မှုန်ကို ညဦးပိုင်းတွင် ယူထားပြီး မနက်နေမထွက်ခင်တွင် ဝတ်မှုန်ကူးပေးခြင်းဖြင့် အသီးတင်မှုကို ပိုမိုအောင်မြင်စေပါသည်။ ဖြေခွန်းမေးတဲ့ စိတ်ကျေနပ်လိမ့်မယ်လို့ မျှော်လင့်ပါတယ်။ ဖြစ်နိုင်ချေတွေအများကြီးရှိတဲ့အထဲမှ အများဆုံးဖြစ်နိုင်တဲ့ သုံးချက်ကို ရေးပေးလိုက်ပါတယ်။ မှတ်ချက်။ ။ ယခုနည်းမှာ ဓါတုလွတ်စိုက်ပျိုးရေး ဖြစ်ပါသည်။ ဓါတုလွတ်နည်းဖြင့် စိုက်ပျိုးရာတွင် ပိုမိုကောင်းမွန်သောနည်းလမ်းများရှိပါက အကြံပြုနိုင်ပါသည်။

အစိမ်းရောင်လမ်း

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်