မြန်မာ့ကော်ဖီ တန်ချိန် (၅၀၀) တင်ပို့သွားမည်

Photo - photo - shutter stock

ယခုနှစ်အတွင်း မြန်မာ့ကော်ဖီ တန်ချိန်  (၅၀၀)တင်ပို့သွားမှာဖြစ်ကြောင်း မြန်မာနိုင်ငံကော်ဖီအသင်းမှ သိရပါတယ်။ 

ပြင်ဦးလွင် နဲ့ရွာငံမှ မြန်မာ့ကော်ဖီ တန်ချိန် (၅၀၀)ကို မေလကုန်မှ စတင်ကာ  တင်ပို့သွားမှာဖြစ် ကြောင်း မြန်မာနိုင်ငံကော်ဖီအသင်းမှ ဒုတိယဥက္ကဌ ဦးစိုင်းဝမ်ကပြောပါတယ်။ 

“ ကော်ဖီရာသီပို့ချိန်ရောက်တော့မှာဆိုတော့ ဒီမေလကုန်ကနေ စတင်ပြီး တင်ပို့သွားဖို့လုပ်ဆောင်နေပါတယ်။ ပြင်ဦးလွင်နဲ့ ရွာငံက ကော်ဖီတန်ချိန်စုစုပေါင်း (၅၀၀) ဝန်းကျင် လောက်ကို ဒီနှစ်ထဲမှာ တင်ပို့ဖို့မှန်းထားပါတယ်”

မြန်မာ့ကော်ဖီကို အမေရိက ၊ ဂျာမနီ ၊ ဂျပန် ၊ ကိုရီးယား ၊ ဘယ်လ်ဂျီယံ ၊ ဒူဘိုင်း ၊ စင်ကာပူ နဲ့ ရုရှား နိုင်ငံအပါအဝင် နိုင်ငံ(၁၃)နိုင်ငံကို တင်ပို့နေတာဖြစ်ကြောင်းလည်းသိရပါတယ်။

ယခင်ဘဏ္ဍာနှစ်ကလည်း မြန်မာ့ကော်ဖီတန်ချိန် (၅၀၀)ဝန်းကျင်တင်ပို့နိုင်ခဲ့ပြီး ကော်ဖီတစ်တန်ကို အမေရိကန်ဒေါ်လာ (၄၅၀၀) မှ အမေရိကန်ဒေါ်လာ (၇၀၀၀)ဝန်းကျင်ထိ ရရှိခဲ့ကြောင်းလည်း မြန်မာနိုင်ငံကော်ဖီအသင်းမှသိရပါတယ်။

တိုးတိုးခိုင် (ABM)



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"ခဝဲပွင့်ချိန် ခင်းကထိန်"