မြန်မာ့သရက်သီးကို တန်ဖိုးမြှင့်ထုတ်ကုန်များအဖြစ် ပြည်ပနိုင်ငံများကိုတင်ပို့နေ

Photo - Photo _ Shutter stock

မြန်မာ့သရက်သီးကို တန်ဖိုးမြှင့်ထုတ်ကုန်များထုတ်လုပ်ကာ ပြည်ပနိုင်ငံများကို တင်ပို့နေကြောင်း မြန်မာ့သရက်ဈေးကွက်နှင့် နည်းပညာဖွံ့ဖြိုးတိုးတက်ရေးအသင်းမှ သိရပါတယ်။ 

မြန်မာ့သရက်ကိုအခြောက်ခံပြီး တန်ဖိုးမြှင့်ထုတ်ကုန်များအဖြစ် ပြည်ပနိုင်ငံများကို တင်ပို့နေတာ ဖြစ်တယ်လို့ မြန်မာ့သရက် ဈေးကွက်နှင့်နည်းပညာဖွံ့ဖြိုးတိုးတက်ရေး အသင်းမှ အလုပ်အမှုဆောင် ဦးကျော်စွာဟိန်း ကပြောပါတယ်။

“ သရက်သီးတွေဝယ်ပြီးတော့ တန်ဖိုးမြှင့်ထုတ်ကုန်တွေထုတ်လုပ်ပြီး ရရှားတို့ တရုတ်တို့ကို တင်ပို့ နေပါတယ်။ သရက်သီးမှည့်ခြောက် ၊ သရက်သီးအနှစ်တွေကို တင်ပို့နေတာပေါ့။ အခြားပုံစံမျိုးနဲ့ တန်ဖိုးမြှင့်ထုတ်ကုန်တွေအဖြစ်လည်း တင်ပို့နေတာတွေရှိပါတယ်”

ရုရှားနိုင်ငံကို မြန်မာ့သရက်သီး တန်ဖိုးမြှင့်ထုတ်ကုန်အဖြစ် အများဆုံးတင်ပို့နေတာဖြစ်ကြောင်းအဆိုပါအသင်းမှ သိရပါတယ်။ 

မြန်မာ့သရက်များဖြစ်တဲ့ စိန်တလုံး၊ ပတ္တမြားငမောက်၊ ရွှေင်္ဟသာ၊ မယ်သီ နဲ့ သုံးနှစ်သရက်သီးများကို ပြည်ပဈေးကွက်များကို တင်ပို့နေတာဖြစ်ကြောင်း မြန်မာ့သရက်ဈေးကွက်နှင့်နည်းပညာဖွံ့ဖြိုးတိုး တက်ရေးအသင်းမှသိရပါတယ်။

တိုးတိုးခိုင်(ABM)

 



ယခုဆောင်းပါးက သင့်အတွက် အသုံးဝင်ပါသလား?

  စကားပုံ  

"သရက်ဓားထစ်၊ မရန်းတုတ်ပစ်၊ ပိန္နဲခဲပစ်"