ကိုရိုနာကာကွယ်ဖို့ ကိုယ်ခံစွမ်းအားမြှင့်တင်ပေးမယ့် အာဟာရ (၅)မျိုး

ကမ္ဘာနဲ့အဝှမ်း ကပ်ရောဂါနဲ့ကြုံနေတဲ့အချိန် နေ့စဉ်အစားအသောက်တွေက ကျွန်တော်တို့အတွက် အထောက်အကူပေးနိုင်တဲ့အရာတွေပါ။ အစာလည်းဆေး၊ ဆေးလည်းအစာဖြစ်အောင် ဘယ်လိုအာဟာရတွေစားသင့်လဲ လေ့လာထားရင် မမှားပါဘူးဗျာ။

၁။ ဗီတာမင် အေ

သူကတော့ ကျွန်တော်တို့အရေပြားရဲ့ဆဲလ်တွေ၊ အသက်ရှုလမ်းကြောင်းနဲ့ အူနံရံကဆဲလ်တွေအတွက် ကြံခိုင်မှုကောင်းစေပါတယ်။ ဒါကြောင့် ကျွန်တော်တို့ခန္ဓာကိုယ်ရဲ့ ရှေ့တန်းတိုက်စစ်မှူးတွေကတော့ ဗီတာမင်အေပါ။ 

ငါးအဆီ၊ ကြက်ဥအနှစ် ၊ချိစ်၊ တိုဟူး၊ မြေပဲ၊ အစေ့အဆန်တွေနဲ့ ပဲမျိုးစုံမှာ ဗီတာမင် အေ ရရှိနိုင်ပါတယ်။

အသီးအရွက်တွေကပါတဲ့ ဗီတာကယ်ရိုတင်းကလည်း ဗီတာမင်အေကို ပြောင်းလဲနိုင်တာမို့ အစိမ်းရင့်ရောင်၊ အဝါရောင်၊ လိမ္မော်ရောင်အသီးအနှံတွေ စားပေးကြပါ။ ရွှေဖရုံသီးတို့ ခါကြက်ဥတို့ ပေါ့ဗျာ။

၂။ ဗီတာမင် ဘီ

ဗီတာမင် ဘီကတော့ ဘောလုံးပွဲတစ်ပွဲရဲ့ စည်းကြပ်ဒိုင်လိုပါ။ ကျွန်တော်တို့ ခန္ဓာကိုယ်တွေမှာ ဘယ်နေရာကို ရောဂါကပ်နေပြီလဲဆိုတာ ဒီကောင်က စောင့်ကြည့်ပေးပြီး တိုက်ထုတ်ပေးတာပါ။

ဗီတာမင် ဘီကိုတော့ ဟင်းသီးဟင်းရွက်နဲ့ အခွံမာအစေ့အဆန်တွေ မှာရရှိနိုင်ပါတယ်။ သား၊ ငါး၊ နို့ထွက်ပစ္စည်းနဲ့ ပဲနို့တွေမှာလည်း ဗီတာမင် ဒီ ရရှိနိုင်ပါတယ်ဗျ။

၃။ ဗီတာမင် စီ နဲ့ အီး

ကျွန်တော်တို့ခန္ဓာကိုယ်က ရောဂါတစ်ခုခုကို တိုက်ထုတ်နေတဲ့အခါ သူတို့က ကူပေးတဲ့ကောင်တွေပါ။ လိမ္မော်သီး၊ လီမွန်၊ သံပုရာသီး၊ ဘယ်ရီသီး၊ ကီဝီသီး၊ ပန်းဂေါ်ဖီစိမ်း၊ခရမ်းချဉ်သီး၊ ငရုတ်ပွ ဒီလိုသီးနှံတွေကနေ ရနိုင်ပါတယ်။ ဗီတာမင် အီး ကိုတော့ ဟင်းရွက်ဟင်းသီးနဲ့ အခွံမာအစေ့အဆန်တွေမှာ ရနိုင်ပါတယ်။

၄။ ဗီတာမင် ဒီ

နေရောင်ခြည်ကနေ အဓိကရတဲ့ အာဟာရတစ်မျိုးဖြစ်ပြီး ရောဂါဖြစ်စေတဲ့ သက်ရှိတွေကို သေစေနိုင်တဲ့အာနိသင်ရှိပါတယ်။ ဥအမျိုးမျိုး၊ နို့၊ ငါးအမျိုးမျိုးတို့မှာ ရရှိနိုင်ပါတယ်။

၅။ သံဓာတ်၊ သွပ်ဓာတ်၊ ဆီလီနီယမ်

ဒီအာဟာရတွေကတော့ ရောဂါပိုးကို တိုက်ထုတ်ပေးတဲ့သူတွေအတွက် အထောက်အပံ့လေးတွေပါ။ ဒီအာဟာရတွေက အသား၊ ငါးမှာ ပါပြီးသားတွေပါ။ ပင်လယ်စာတွေဖြစ်တဲ့ ခရုတို့၊ ယောက်သွားတို့မှာလည်း တွေ့ရပါတယ်။ မှိုကတော့ ဆီလီနီယမ်ဓာတ်ကြွယ်ဝတဲ့အစားအစာတစ်မျိုးပါတဲ့ဗျာ။

ကဲ...ဒီတော့ ဒီလိုအချိန်မှာ ဒီအစားအစာတွေကို အစုံစားပြီး ကိုယ်ခံစွမ်းအားမြှင့်တင်နိုင်ဖို့ ရေးသားဖော်ပြလိုက်ရတယ်ဗျာ။

ထွန်းရာဇာ

Ref;https://www.inverse.com/mind-body/5-ways-nutrition-could-help-your-immune-system-fight-off-the-coronavirus

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်