ပန်းဈေးကွက်အထူးကောင်းမွန်နေပြီး ယခင်နှစ်ကထက် ဈေးနှုန်းနှစ်ဆခန့်မြင့်တက်နေ

    မြန်မာတစ်နိုင်ငံလုံးအနှံ့ ပန်းဈေးကွက်အထူးကောင်းမွန်နေပြီး ယခင်နှစ်ကထက် ဈေးနှုန်းနှစ်ဆခန့်မြင့်တက်နေကြောင်း ကိုယ်တိုင်စိုက်ပျိုးထုတ်လုပ်သူများထံမှ သိရသည်။

အခုအချိန်မှာဆိုရင် မြန်မာတစ်နိုင်ငံလုံးအနှံ့မှာ စိုက်ပျိုးခြံတွေမှာရော ပန်းသည်တွေဆီမှာရော ဈေးတွေမှာရော ဘုရားပန်းဈေးနှုန်းတွေက ပုံမှန်ထက် နှစ်ဆနီးပါးလောက်ကို မြင့်တက်နေတာပါ။ နှစ်တိုင်းဆိုရင် ဘယ်ပန်းကတော့ ဈေးကွက်ပိုကောင်းနေတယ်လို့ ပြောလို့ရခဲ့တယ်။ ဒီနှစ်ကျတော့ ဘာပန်းအမျိုးအစားဖြစ်ဖြစ် ဘုရားပန်းဖြစ်နေရင်ကို ဈေးထိုးတက်နေတဲ့အချိန်ပါ။ အမြစ်ပါတဲ့နှုတ်ပန်းတွေဆို အရင်တုန်းက ဈေးကောင်းမှ ၂၀၀၀ ကျပ်ပဲရခဲ့တာ၊ အခုတော့ ၄၀၀၀ အထက်မှာဖြစ်နေပြီ။ ဒါကလည်း ပန်းစိုက်ထားတာရှိတဲ့သူပဲ ဈေးကောင်းနဲ့ကြုံတွေ့ရတာပါ။

ဟု မန္တလေးတိုင်းဒေသကြီး၊ ပြင်ဦးလွင်မြို့၊ အနီးစခန်းအနီးရှိ ဘုရားပန်းစီးပွားဖြစ် စိုက်ပျိုးထုတ်လုပ်သူ ကိုငယ်လေးက ပြောသည်။

    ၂၀၂၀-၂၀၂၁ ခုနှစ် ပန်းစိုက်ရာသီအတွင်း မိုးများခဲ့ခြင်းကြောင့် အပင်ပျက်စီးဆုံးရှုံးမှု များပြားခဲ့ခြင်း၊ ယခု နိုဝင်ဘာလ/ဒီဇင်ဘာလများသည် ပန်းခြံများမှ ပန်းပြန်လည်စိုက်ပျိုးသည့် ကာလများဖြစ်သဖြင့် ပုံမှန်အားဖြင့်လည်း ပန်းရှားပါးတတ်ခြင်း စသည့်အကြောင်းအရာများ စုဆုံ၍ ပန်းဈေးနှုန်းများ မြင့်တက်နေရခြင်းဖြစ်သည်။

နှစ်တိုင်းမှာ အပင်ရေ ငါးသောင်းလောက်စိုက်တယ်ဆို ဒီနှစ်မှာ ၂ သောင်းလောက်ပဲ အဖတ်တင်ခဲ့တဲ့ သဘောပါ။ ခြံသမားတိုင်းလိုလို သုံးပုံနှစ်ပုံလောက်ကို ပျက်စီးမှုတွေကြုံခဲ့ကြတယ်။ ဒီနှစ်က မိုးများခဲ့တဲ့အတွက် အပင်တွေက ဒဏ်မခံနိုင်တော့ဘဲ သေကုန်ပျက်စီးကုန်တာ။ စိုက်ထားတဲ့ပန်းတွေ အသေအပျောက်ပျက်စီးမှုရှိတာကြောင့် ပန်းအထွက်နှုန်းကလည်း သိသိသာသာကို နည်းသွားတယ်။ ဒါ့အပြင် အခုလို ဒီဇင်ဘာလပိုင်းက နဂိုဆိုရင်လည်း ပန်းရှားတဲ့ကာလဖြစ်တယ်။ ပန်းစိုက်ပျိုးသူတွေ ပန်းစစိုက်ခါစအချိန်မို့ ဈေးကွက်ထဲ ပန်းတွေလှိုင်လှိုင်မပေါ်သေးဘူး။ ဒါတွေအားလုံး ဆုံသွားတဲ့အတွက် ပန်းဈေးတွေက ထိုးတက်ကုန်တာပါ။

ဟု ၎င်းက ဆက်လက်ပြောသည်။

    ယခင်နှစ်က လက်ကားဈေး ၃၀၀၀ ကျပ်မှ ၃၅၀၀ ကျပ် တန်ဖိုးရှိသည့် ဘုရားပန်း(မေမြို့ အက်စတာ အရိုင်းစည်းတစ်စည်းလျှင် ယခုအခါ ကျပ် ၅၀၀၀ မှ ကျပ် ၆၀၀၀ အထိ ဈေးနှုန်းများ မြင့်တက်နေသည်။ ဘုရားပန်း (ရွှေဝါဝင်း) ၁၀ ပင်စည်း တစ်စည်းလျှင် ယခင်နှစ်က ၁၅၀၀ ကျပ်သာ ရှိခဲ့သော်လည်း ယခုအခါ ၁၀ ပင်စည်း တစ်စည်းလျှင် ၂၃၀၀ ကျပ်အထိ ဈေးနှုန်းများမြင့်တက်နေသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်