ဇီဝစူပါ ရွက်ဖျန်းမြေသြဇာ အရည်

ဇီဝစူပါ အရွက်ဖျန်းမြေသြဇာ (Bio Super Foliar Fertilizer) ဆိုသည်မှာ မြေပဲဖက်၊ နှမ်းဖက်များကို အချဉ်ဖောက်ခြင်း (Fermentation) ကို အခြေခံ၍ ထုတ်လုပ်ထားပါသည်။ အဓိကနှင့် အနည်းလို အာဟာရဓာတ်များ ပါဝင်သော ရွက်ဖျန်းမြေသြဇာအရည်ဖြစ်ပါသည်။ ဗဟို စိုက်ပျိုးရေးသုတေသန၊ ရေဆင်းတွင် ၁၉၉၂-၁၉၉၃ မှစတင်၍ သုတေသန ပြုလုပ်ခဲ့ပြီး ၁၉၉၄-၁၉၉၅ ခုနှစ်တွင် စတင် ထုတ်လုပ်ဖြန့်ဖြူးခဲ့ပါသည်။

၁။ ပါဝင်သည့် အာဟာရဓာတ်များ

နိုက်ထရိုဂျင် ၃၀%
ဖော့စ်ဖရပ်စ် ၄%
ပိုတက်စီယမ် ၀.၀၂%
ကန္႔ ၀.၀၁%
သွပ် ၀.၀၁%
သံ ၀.၂၀%
ကြေးနီ ၀.၀၂%
မင်းဂနိစ် ၀.၀၂%
ဘိုရွန် ၀.၀၁%
မော်လစ်ဒီနမ် ၀.၁၀%

၂။ အသုံးပြုနိုင်သည့်သီးနှံ

သီးနှံအားလုံးတွင် အသုံးပြုနိုင်သည်။ အထူးသဖြင့် ပဲမျိုးစုံ သီးနှံအတွက် ဇီဝစူပါမြေသြဇာသည် ပိုမိုသင့်လျော် ကောင်းမွန်သည်။

၃။ အသုံးပြုရန် နှုန်းထား

စိုက်ပျိုးသီးနှံများအားလုံး တစ်ဧက တစ်ကြိမ်လျှင် ၅၀၀ စီစီဝင် တစ်ပုလင်းနှုန်းဖြင့် ၃-၅ ကြိမ်အထိ ပက်ဖျန်းပေးရန် ဖြစ်ပါသည်။

၄။ အသုံးပြုနည်း

၅၀၀ စီစီဝင် တစ်ပုလင်းသည် တစ်ဧကအတွက် တစ်ကြိမ် ဖျန်းရန် လုံလောက်သည်။ မြေသြဇာရည် ပုလင်းကိုကောင်းစွာလှုပ်၍ အချင်အတွယ် အမှတ်ပါသော အဖုံးဖြင့် ၂၅ စီစီချင်တွယ်ပြီး ရေတစ်ဂါလံနှုန်းဖြင့် ရောပါ။ သီးနှံပင်အရွက်၏ အပေါ်နှင့် အောက်မျက်နှာ နှစ်ဖက်စလုံးပေါ်သို့ ဖျန်းပေးပါ။ မြေသြဇာရည်ကိုစိုက်ပြီး ၂ ပတ်မှ ပန်းမပွင့်မီကြား ၃-၅ ကြိမ်အထိ နံနက်ပိုင်း သို့မဟုတ် ညနေပိုင်းတွင် ဖျန်းပေးပါ။

မှတ်ချက် - ပဲမျိုးစုံသီးနှံများတွင် စိုက်ပြီး ၂ ပတ်မှ သီးကင်းဝင်ချိန်အထိဖျန်းပေးနိုင်ပါသည်။ မြေသြဇာရည်ဖျန်းပြီး ၃ နာရီအတွင်း မိုးရွာပါက ထပ်မံ၍ ဖျန်းပေးရန် လိုပါသည်။ သုံးစွဲနေကျ ပိုးသတ်ဆေး၊ မှိုသတ်ဆေးများနှင့် ရော၍ အသုံးပြုနိုင်ပါသည်။

၅။ အကျိုးကျေးဇူး

သုံးစွဲရာတွင် လွယ်ကူပြီး ကုန်ကျစရိတ် သက်သာစေပါသည်။ သယ်ယူ ကိုင်တွယ်စရိတ် သက်သာသဖြင့် ဝေးလံဒေသမှ တောင်သူများအတွက် ပိုမိုအကျိုးရှိစေပါသည်။ သီးနှံများ အထွက်ပိုလာခြင်းနှင့် ဓာတ်မြေသြဇာချွေတာ သုံးစွဲနိုင်ခြင်း စသည့် အကျိုးကျေးဇူးများရရှိစေပါသည်။

အစိမ်းရောင်လမ်း စိုက်ပျိုးရေး ဖုန်းဆော့ဝဲလ် (Green Way Agri-mobile App)

ကိုးကား-စိုက်ပျိုးရေး ဦးစီးဌာန

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်