မြန်မာ့ရိုးရာစားစရာထန်းလျက်နှင့် ကျန်းမာရေးအာနိသင်များ

27/08/2019 09:00 AM တွင် အစိမ်းရောင်လမ်း အစိမ်းရောင်လမ်း မှ ရေးသား ပြီး Greenovator Greenovator မှ ပေးပို့ထားပါသည်။

(၁) နေ့စဉ် စားသုံးခြင်းဖြင့် သွေးသားကို သန့်စင်စေသည်။

(၂) အစာကြေစေပြီး အချိုစားလိုစိတ် ရုတ်တရက်ဖြစ်လာတတ်သော အခါမျိုးတွင် ထန်းလျက်ကို သတိရလိုက်ပါ။

(၃) ထန်းလျက်ကို ဂျင်းနှင့်ရော၍ စားသုံးခြင်းဖြင့် အဆစ်အမြစ်နာကျင်ခြင်းကို သက်သာစေပြီး အဆစ်များ ခိုင်မာလာစေသည်။

(၄) စားသုံးခြင်းဖြင့် အသားအရေနှင့် ဆံပင်ကျန်းမာစေပြီး မျက်နှာပေါ်တွင် ဝက်ခြံ၊ အမည်းကွက်များထွက်ခြင်းကို ဟန့်တားပေးနိုင်သည်။

(၅) နေ့စဉ် ထန်းလျက်ရည် စားပွဲဇွန်း(၁)ဇွန်း သောက်ခြင်းဖြင့် အမျိုးသမီးများ လစဉ်ဓမ္မတာမလာမီ ဝမ်းဗိုက်နာကျင်ကိုက်ခဲခြင်းကို သက်သာစေသည်။

(၆) ကိုယ်ဝန်ဆောင်မိခင်များတွင် ကိုယ်ဝန်လွယ်ချိန်၌ ဖြစ်တတ်သော သွေးအားနည်းရောဂါကို ကာကွယ်နိုင်သည်။

စားသုံးနည်းများ

(၁) အဆုတ်ပွ၊ ပန်းနာရောဂါအတွက် နှမ်းနက်ဖြင့် စားသုံးပါ။

(၂) အားနည်းခြင်းအတွက် ထန်းလျက် စားပွဲဇွန်း (၁) ဇွန်း တစ်နေ့ (၂)ကြိမ် စားပါ။

(၃) ကြွက်သားများသန်စွမ်းစေရန် နို့နှင့် ရောသောက်ပါ။

(၄) မောပန်းခြင်းအတွက် တစ်နေ့လျှင် ထန်းလျက်စားပွဲဇွန်း (၁) ဇွန်း သောက်ပါ။

(၅) လစဉ် ဓမ္မတာလာစဉ်နှင့် မလာမီ ဖြစ်တတ်သောနာကျင်မှုများအတွက် တစ်နေ့လျှင်စားပွဲဇွန်း(၁)ဇွန်း သောက်ပါ။

နှင်း

Credit to Health Updates Journal

Vol.2, No.30