ရွေးချယ်စိုက်ပျိုးသင့်သော သစ်စိမ်းမြေသြဇာပင်များ

မြေဆီလွှာဖွဲ့စည်းမှုကို တိုးတက်ကောင်းမွန်စေပြီး မြေသြဇာဓာတ်ပါကြွယ်ဝစေတဲ့ သစ်စိမ်းမြေသြဇာများကို စိုက်သင့်ပါသည်။

စိုက်ပျိုးသီးနှံမစိုက်ပဲ မြေလှပ်ထားချိန်မှာ လေတိုက်စားမှု၊ ရေတိုက်စားခံရမှုတို့ကြောင့် မြေဆီသြဇာများ ဆုံးရှုံးနိုင်ပါသည်။ ဒါ့ကြောင့် သီးနှံတစ်မျိုးမျိုးဖြင့် တစ်နှစ်ပတ်လုံး ဖုံးအုပ်စိုက်ထားသင့်ပေသည်။

တစ်နှစ်ပတ်လုံး စိုက်ပျိုးသီးနှံစိုက်ပျိုးနေပါကလည်း သစ်စိမ်းမြေသြဇာကို မြေကွက် ၃ ပုံ ၁ ပုံတွင် စိုက်ပျိုးသွားသင့်ပါသည်။ နှစ်ရှည်သီးနှံများစိုက်ပျိုးထားပါကလည်း အပင်များကြား လွတ်နေသောမြေလှပ်များတွင် ကြားညှပ်စိုက်ပျိုးသင့်ပါသည်။

သစ်စိမ်းမြေသြဇာပင်များ ပန်းစပွင့်ချိန်တွင်ထယ်ထိုးထွန်မွှေ၍ မြေဆီလွှာတွင် ရောနှောမွှေပေးရသည်။ သို့မဟုတ် သစ်စိမ်းမြေသြဇာပင်များကို မြေကြီးကပ်၍ ရိတ်ပြီး နုတ်နုတ်စင်း၍ ထယ်ထိုးထွန်မွှေ၍ မြေဆီလွှာနှင့် ရောနှောရသည်။ မြေကွက်တွင် သစ်စိမ်းပင်များရှိနေစဉ် မြေဆီလွှာသည် လေဝင်လေထွက်ကောင်းခြင်း မြေဆီလွှာတိုက်စားမှုမှ အကာအကွယ်ပေးခြင်း၊ ပေါင်းမြက်ကိုသက်သာစေခြင်း စတဲ့ အကျိုးကျေးဇူးတွေကိုခံစားရမှာပါ။ အချို့သီးနှံအပွင့်များက ပျားကိုဆွဲဆောင်သဖြင့် စားသုံးသီးပင် ဝတ်မှုန်ကူးစက်မှုကောင်းမွန်၍ သီးထွက်များစေပါသည်။

ရာသီဥတုနှင့် မြေအခြေအနေပေါ်မူတည်ပြီး သစ်စိမ်းမြေသြဇာပင်များကို ရွေးချယ်ဖို့လိုအပ်ပါသည်။ ဆောင်းရာသီအတွက် ရိုင်းဂျုံ (Rye)၊ ပန်းဂျုံ (Buck Wheat) ကိုလည်းကောင်း၊ တစ်နှစ်လုံးအတွက် ရိုင်းမြက် (Ryegrass)၊ ပဲပုပ် (Soybean) ကိုလည်းကောင်း အမေရိကန်နိုင်ငံမြောက်ပိုင်းတွင် စိုက်ပျိုးကြပါသည်။ ပူနွေးသောရာသီရှိသည့်ဒေသတွင် ပဲတစ်မျိုး (ကျွဲ၊ နွားစာ)နှင့် အယ်လ်ဖာတို့ကိုစိုက်ကြသည်။

မြန်မာနိုင်ငံ၌ ညံပင်၊ ပိုက်ဆံလျှော်ပင်၊ မတ်ပဲ၊ ပဲပုပ်၊ ပဲလွန်း၊ ပဲတီစိမ်း၊ ဘောစကိုင်း၊ ဒန့်ချွဲ၊ မဲရိုင်း စသည်တို့ကို သစ်စိမ်းမြေသြဇာပင်အဖြစ် အသုံးပြုနိုင်သည်။ ပဲမျိုးနွယ်ပင်ကိုစိုက်ပျိုးပါက တစ်ဧကလျှင် သစ်စိမ်း(အစို) တန်ချိန် ၆-၈ တန်ခန့် (နွားလှည်းဖြင့် ၁၈-၂၄ စီး) ရရှိနိုင်သည်။

ပဲများကို စိုက်ပျိုးလျှင် ပဲပင်အမြစ်ဖုတွင်ရှိသော ဘက်တီးရီးယားများက လေထဲမှ နိုက်ထရိုဂျင်ဓာတ်ကို စုပ်ယူသုံးစွဲသဖြင့် မြေဆီလွှာတွင် နိုက်ထရိုဂျင်ဓာတ် တိုးလာသည်။ ပဲပြီးနောက် စိုက်ပျိုးသည့်သီးနှံအတွက် အာဟာရဓာတ်ရစေသည်။ နိုက်ထရိုဂျင်ဓာတ်ကို မြန်မြန်စုပ်ယူအသုံးချနိုင်စေရန် စိုက်ပျိုးမည့် ပဲအစေ့များကို ရိုက်ဇီုဘီးယား ခေါ် ဘက်တီးရီးယားပွားများဆေးနှင့် နယ်၍စိုက်နိုင်ပါသည်။

သစ်စိမ်းမြေသြဇာပင်များစိုက်ပျိုးပြီး သဘာဝမြေသြဇာများ ရယူလိုက်ပါ။

နည်းပညာများကို ဒေါက်တာချစ်၏ “စားဖို့ စိုက်စို့ ဈေးကွက်တိုးချဲ့ဗျို့ အတွဲ(၁)” စာအုပ်မှ ကောက်နုတ်ဖော်ပြပါသည်။

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Facebook Page သို့သွားရန်

ဆွေးနွေးချက်များ

ဆွေးနွေးရန်

ရွေးချယ်စိုက်ပျိုးသင့်သော သစ်စိမ်းမြေသြဇာပင်များ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

{{ post.title }}

{{ question.creator.name }} အမည်မသိ {{ question.creator.state.name }}၊ {{ question.creator.township.name }}

{{ book.title }}

ရွေးချယ်စိုက်ပျိုးသင့်သော သစ်စိမ်းမြေသြဇာပင်များ

မာလာမြိုင် ကုမ္ပဏီ ကြော်ငြာ

ဆွေးနွေးချက်များ

ဆက်စပ်ဆောင်းပါးများ

လယ်ယာအလုပ်သမား စျေးကွက်အခြေအနေနဲ့ ဌားရမ်းခ စျေးနှုန်းများ ကို တောင်သူဉီးကြီးများ ဘယ်လို သိရှိနိုင်မလဲ.....

နဂါးမောက်သီးမတင်ရတဲ့ အကြောင်းအရင်း

နာမည်လေးတွေ………….

{{ post.title }}