“၁.၅ သန်းသော ဦးဆောင်လှုပ်ရှားသူများသည် အပင်ဦးရေ ၆၆ သန်းကို ၁၂ နာရီအတွင်းစိုက်ပျိုးကာ ဂရင်းနစ်စံချိန်တင်ခဲ့”

 အိန္ဒိယပြည်အလယ်ပိုင်း၊ မဒရာပရာဒစ် ပြည်နယ်၊ နာရ်မာဒါ(Narmada)  မြစ်ကြောင်းတစ်လျောက်တွင် လူ ပေါင်း ၁.၅ သန်းဖြင့် အပင်ဦးရေ ၆၆ သန်းကို ၁၂ နာရီအတွင်း စိုက်ပျိုးနိုင်ခဲ့ပြီးတဲ့နောက်မှာတော့  ဂရင်းနစ် စံချိန်တင်ခဲ့ပါတယ်။ 

Uttar Pradesh ရဲ့ ရှေးယခင် မှတ်တမ်းတွေအရ ၂၀၁၆ ခုနှစ် ဇူလိုင်လမှာ လူဦးရေ ၈ သိန်းက အပင် သန်း၅၀ ကို စိုက်ပျိုးခဲ့ပြီး အကောင်းဆုံး စာရင်းဝင်ထားခဲ့ဖူးတဲ့ မှတ်တမ်းတွေလည်းရှိပါတယ်။

မဒရာ ပရာဒစ် ပြည်နယ်  ဝန်ကြီးချုပ်ဖြစ်သူ ရှိဗ်ရချ်ဆင်းဂ်ချိုဟန်( Shivraj Singh Chouhan), က “ဒီနေ့ မဒရာ ပရာဒစ် (Madhya Pradesh)  ပြည်သူတွေဟာ ပျိုးပင်ပေါင်း(၆.၆၈) ကုဋေကို အောင်မြင်စွာ စိုက်ပျိုး ခဲ့ကြလို့ ကျွန်တော်  တော်တော့်ကို ဝမ်းမြောက်ဂုဏ်ယူမိပါတယ်” လို့ သူ့ရဲ့ လူ့မှုကွန်ယက်ပေါ်က ကိုယ်ပိုင်စာ မျက်နှာ(Twitter)မှာ ရေးသားဖော်ပြခဲ့ပါတယ်။

ယခုလို အပင်တွေအများကြီးစိုက်တဲ့ ပွဲတွေလုပ်ရခြင်းရဲ့ရည်ရွယ်ချက်က “အိန္ဒိယပြည် တစ်ဖန်ပြန်လည် စိမ်းလန်းရမည်”ဆိုတဲ့အစီအစဉ်နဲ့ တစ်မျိုးသားလုံး သတိထားမိလာစေရန် ဖြစ်ပါတယ်။ ပဲရစ်မှာလုပ်တဲ့ ရာသီဥတုဆိုင်ရာညီလာခံမှာ အိန္ဒိယရဲ့သစ်တောဧရိယာသည်၂၀၃၀ ခုနှစ်ရောက်တဲ့အခါ ၂၃၅ သန်း ဧကထိ တိုးလာရမည် လို့ ကတိပေးခဲ့ပါတယ် ။ဒီအတွက်လည်း အမေရိကန်ဒေါ်လာ ၆.၂ ဘီလီယံ ထည့်ဝင်ထားရတာဖြစ်ပါတယ်။

Chouhan က “ဒီနေ့ သစ်ပင်စိုက်သွားတဲ့သူတွေအပေါ်မှာ ကျွန်တော်တော့ ကျေးဇူးကြွေး အများကြီးတင်သွား ပြီ” “ကျွန်တော်တို့တွေဟာ သဘာဝတရားကြီးကို ကယ်တင်ဖို့အတွက် သိသိသာသာကို အကူညီပေးရမှာပါ။ ပဏာမအနေနဲ့ နှစ်ရှည်ပင်တွေစိုက်ပျိုးခြင်းဖြင့် ကျွန်တော်တို့အားလုံး ရာသီဥတုပြောင်းလဲခြင်းမှာ တတ်အားသ၍ ပါဝင်ကြပြီး သဘာဝပတ်ဝန်းကျင်ကြီးကို ကာကွယ်သွားရမှာဖြစ်ပါတယ်။”လို့ India.com ကိုပြောခဲ့ပါ တယ်။

သိမ့်ဇာ

Ref; https://www.ecowatch.com/india-trees-world-record-2452569239.html

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်