ဒူးရင်းသီးကြိုက်သူများ သိထားသင့်တဲ့ ဆောင်ရန်ရှောင်ရန် အချက်များ

Green Way • Greenovator • 25/04/2018

အနံ့ပြင်းပြီး ထူးခြားတဲ့ အရသာကြောင့် ဒူးရင်းသီးကို ကြိုက်နှစ်သက်သူတွေလည်းရှိသလို မကြိုက်သူတွေလည်းရှိပေမယ့် ဒူးရင်းသီးမှာ ကျန်းမာရေး ကောင်းကျိုးတွေများစွာ ရှိပါတယ်။ ဒူးရင်းသီးမှာ အမျှင်ဓာတ်တွေ ကြွယ်ဝစွာ ပါဝင်တာကြောင့် အစာခြေစနစ်ကို အားကောင်းစေပြီး ဝမ်းချုပ်ခြင်းကို ကာကွယ်စေပါတယ်။

ကာဗွန်ဟိုက်ဒရိတ် ကြွယ်ဝစွာ ပါဝင်တာကြောင့် ခန္ဓာကိုယ်က လိုအပ်တဲ့ စွမ်းအင်တွေကို ပြန်လည်ဖြည့်တင်းပေးနိုင်ပြီး စိတ်ဖိစီးမှုကိုလည်း လျော့ကျစေနိုင်ပါတယ်။ ဒူးရင်းသီးမှာ ပါဝင်တဲ့ ပိုတက်ဆီယမ်ဓာတ်ကြောင့် သွေးပေါင်လျော့ကျစေပြီး သံဓာတ်နဲ့ ဖောလစ်အက်ဆစ်ဓာတ်ကြောင့် သွေးအားနည်းရောဂါကိုလည်း သက်သာစေနိုင်ပါတယ်။

ဒီလို ကျန်းမာရေးကောင်းကျိုးတွေများစွာရှိတဲ့ ဒူးရင်းသီးကို စားသုံးတဲ့အခါမှာ ဆောင်ရန်ရှောင်ရန်အချက်တွေလည်း ရှိပါတယ်။ ဒူးရင်းသီးဟာ အပူစာဖြစ်တဲ့အတွက်ကြောင့် ဒူးရင်းသီးစားသုံးပြီးတဲ့အခါ မင်းဂွတ်သီး ဒါမှမဟုတ် အုန်းစိမ်းရည် သောက်သုံးပေးခြင်းဟာ အပူဓာတ်ကိုသက်သာစေပါတယ်။

ဒူးရင်းသီး စားရင်း အရက်၊ ဘီယာ သောက်သုံးခြင်းတို့ဟာ ခေါင်းကိုအလွန်အမင်း ကိုက်ခဲစေနိုင်ပြီး သေဆုံးတဲ့အထိပါ ဖြစ်စေနိုင်တာကြောင့် ဒူးရင်းသီးနဲ့ အရက်၊ ဘီယာ၊ ဝိုင် အစရှိတဲ့ အယ်လ်ကိုဟော ပါဝင်တဲ့ အရည်တွေနဲ့ တွဲဖက် မစားသုံးသင့်ပါဘူး။

ကျန်းမာရေးအတွက် ကောင်းကျိုးတွေရှိပေမယ့် ဒူးရင်းသီးကို ကိုယ်ဝန်ဆောင်မိခင်တွေနဲ့ သွေးတိုး၊ ဆီးချို၊ နှလုံးရောဂါ ရှိသူတွေ အနေနဲ့ကတော့ ချင့်ချိန်ပြီး စားသုံးသင့်ပါတယ်။ ဒူးရင်းသီးဟာ အပူစာဖြစ်တာကြောင့် များများစားသုံးမိမယ်ဆိုရင် အပူကန်ခြင်း၊ လည်ချောင်းနာခြင်း၊ လေထိုးလေအောင့်ခြင်း နဲ့ အပူဒဏ်ကြောင့် မအီမသာဖြစ်ခြင်းတို့ကို ဖြစ်စေနိုင်ပါတယ်။

ဒါ့အပြင် ဒူးရင်းသီးစားပြီး ကော်ဖီသောက်သုံးခြင်းဟာ ခန္ဓာကိုယ်အတွက် အန္တရာယ်ဖြစ်စေနိုင်တာကြောင့် တွဲဖက် မစားသုံး သင့်ပါဘူး။ အခုလို နွေရာသီကာလမှာတော့ ဒူးရင်းသီး အလွန်အကျွံ စားသုံးခြင်းကို ရှောင်ကြဉ်သင့်ပြီး တခါစားရင် ၂ မွှာ ကနေ ၃ မွှာ ခန့် အထိသာ စားသုံးသင့်ပါတယ်။

Ref; benefitandharm.com

Source - Ayeyarwady News

ဆက်စပ်ဆောင်းပါးများ

အာဟာရနှင့် ကျန်းမာရေး

ကျန်းမာရေးနှင့်ညီညွတ်သော အစာစားနည်းများ (အပိုင်း-၈)

ဒေါက်တာမျိုးကြွယ်

အာဟာရနှင့် ကျန်းမာရေး

အသက် ၁၀၀ ကျော် ရခြင်း၏လျှို့ဝှက်ချက် - ဥယျာဉ်ခြံစိုက်ပျိုးပြုစုခြင်း

Thein Soe Min

အာဟာရနှင့် ကျန်းမာရေး

ဟင်းသီးဟင်းရွက်တွေကို ချက်ပြုတ်တဲ့အခါ အာဟာရဓာတ်တွေ မဆုံးရှုံးအောင် ဘယ်လိုလုပ်မလဲ?

Dr. Kyaw Phyo Lwin

နည်းပညာမိတ်ဖက်အဖွဲ့

Greenovator

ဂရင်းနိုဗေတာကုမ္ပဏီကို ၂၀၁၅ ခုနှစ်တွင် စတင်ခဲ့ပြီး ကုမ္ပဏီမှ အစိမ်းရောင်လမ်းအက်ပလီကေးရှင်းအား ထုတ်လုပ်ဖြန့်ဖြုးခဲ့ပါသည်။ စိုက်ပျိုးသူတောင်သူများ စိုက်ပျိုးရေးလုပ်ငန်းများကို စီးပွားရေးလုပ်ငန်းအဖြစ် အမြင်ပြောင်းလဲလာစေရန်အတွက် လိုအပ်သော နည်းပညာဗဟုသုတများ၊ ဈေးကွက်အချက်အလက်များနှင့် စီးပွားရေးလုပ်ငန်းများနှင့် ချိတ်ဆက်လာနိုင်စေရန် အစဉ်တစိုက် ကြိုးစားလျက်ရှိပါသည်။ 

နည်းပညာမိတ်ဖက်အဖွဲ့ အားလုံး

ဆက်စပ်မေးခွန်းများ

ဘူးသီးတွေအတွင်းမာ ပုပ်ကုန်ပြီး အဲ့လိုအရည်တွေထွက်ပုပ်ကုန်တာ ဘာကြောင့်လဲဗျ ပိုးဆိုရင်လည်းဘာပိုးလဲရယ် ဘယ်လိုနှိမ်နှင်းရမလဲ ဘယ်လိုကာကွယ်ရမလဲ အကြံပေးပါဦး

min • ဖြေကြားချက် 0 ခု

ဘူးသီးတွေ အတွင်းပိုင်းမာ အဲ့လိုပုပ်ကုန်တာ အရည်တွေထွက်ပြီးတော့လေ အဲ့ဘာကြောင့်ဖြစ်တာလဲဗျ ပိုးဆိုရင်လည်း ဘာပိုးရယ် ဘယ်လိုကာကွယ်ရမလဲဗျ အကြံပေးပါဦးနည်းနည်းများလာလို့ပါ

min • ဖြေကြားချက် 0 ခု

ကလိုဖနပြာ7%ME နဲ့ အီမာမက်တင်ဘန်ဇိုရိတ်5%WPရေားစပ်ပက်ဖျန်ချင်ပါတယ်အဆင်‌ပြေနိုင်ရဲ့လား မတ်ပဲပွင့်ထွေးအတွက်ပါ

ကိုလင်းထက်ကျော် • ဖြေကြားချက် 0 ခု

မင်္ဂလာပါဆရာများ အမ်အီးဖေါ်မြူလာအကြောင်းရှင်းပြပေးပါ ဥပမာ 20%ME ဆိုတာရေကိုဘယ်လိုပျော်နိုင်သလဲဗျ

ကိုလင်းထက်ကျော် • ဖြေကြားချက် 0 ခု

နွားချေးခြောက်နဲ့နှုန်းမြေနဲ့ပဲစပ်ပြီးမြေဆွေးပြုလုပ်လို့အဆင်ပြေလား

Ma Than Than Aye • ဖြေကြားချက် 3 ခု

Farm Link Co.,Ltd

ကြော်ငြာ

ရေမီးအစုံနဲ့ လေထီးခုန်နိုင်မယ့် ဖန်းလင့်ရဲ့ #စမတ်သီးစုံလာပါပြီ.....ဦးကြီးတို့ရေ ‌လေထီးခုန်ချင်ပေမယ့် စမတ်သီးစုံကို မသိသေးရင်တော့ ဒီစာလေးကို ဆက်ဖတ်‌ပေးပါ #စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ အပင်၏ပင်ပိုင်းကြီးထွားမှုကို တိုးမြင့်စေကာ အပင်သန်၍ အကြီးမြန်စေပါတယ်။ သင့်တော်တဲ့ Phosphorus 7%ပါဝင်မှုကြောင့် အပင်ရဲ့ အမြစ်ဖွဲ့စည်းတည်ဆောက်မှုကို ပို၍သန်မာလာအောင် အားပေးပါတယ်။ ဒါ့အပြင် ပန်းပွင့်ခြင်း၊အသီးသီးခြင်း၊အစေ့တည်ခြင်းလုပ်ငန်းစဉ်များကိုလည်း အားပေးပါတယ်။ လုံလောက်တဲ့ Potassium 8%က အပင်ရဲ့ ရောဂါဒဏ်၊ရာသီဥတုဒဏ်ခံနိုင်ရည်ရှိမှုကို မြင့်တက်စေပြီး အသီးအရည်အသွေး၊ အရွယ်အစားနဲ့ အရသာ ပိုမိုကောင်းမွန်စေဖို့အတွက် လိုအပ်တဲ့အာဟာရဓာတ်ဖြစ်ပါတယ်။ ဟူးမစ်အက်စစ်ပါဝင်ပေါင်းစပ်ထားတဲ့အတွက် အာဟာရဓာတ်စုပ်ယူမှုကောင်းမွန်လာခြင်း၊မြေဆီလွှာဖွဲ့စည်းပုံနှင့်ရေထိန်းနိုင်စွမ်းအားကောင်းလာခြင်းအပါအဝင် အကျိုးကျေးဇူးများစွာကိုရရှိစေမှာဖြစ်ပါတယ်။ စပါးအပါအဝင် နှံစားသီးနှံများ၊ပဲအမျိုးမျိုး၊ဟင်းသီးဟင်းရွက်နဲ့ ဥယျာဉ်ခြံသီးနှံအားလုံးမှာ အသုံးပြုနိုင်တယ်ဆိုတော့ တစ်မျိုးတည်းနဲ့ အားလုံးပါဖက်(perfect)မယ့် စမတ်သီးစုံနော် အရွေးမမှားတာသေချာပြီမလို့ အတွေးမများဘဲ သီးနှံတိုင်းကြီးထွားအောင် ဖန်းလင့်ရဲ့ #စမတ်သီးစုံကို သုံးကြပါစို့....

နောက်ဆုံး ဆောင်းပါးများ