တိကျသေချာတဲ့ အဖြေတွေရဖို့ ဘယ်လိုမေးမလဲ

အစိမ်းရောင်လမ်းရဲ့ အမေးအဖြေကဏ္ဍကတော့ အစိမ်းရောင်လမ်းရဲ့တောင်သူတိုင်းအတွက် အထူးတလည် မိတ်ဆက်ပေးစရာမလိုတော့ဘူးထင်မိပါတယ်။

မေးခွန်းမေးတဲ့အခါ ကိုယ့်လယ်/ ယာ စိုက်ခင်းထဲက ဖြစ်နေတဲ့ အခြေအနေတွေကို ပြည့်ပြည့်စုံစုံ ထည့်မေးပေးပါမှ ပညာရှင်တွေရဲ့ တကယ့်ထိရောက်တဲ့ အဖြေတွေကို ရနိုင်မှာပါ။ အဲ့တော့....

ဘယ်လိုမေးမလဲ

၁) အမျိုးအစားရွေးပေးရပါမယ် (မြေဆီလွှာ၊ အပင်အာဟာရ၊ စိုက်ပျိုးနည်း....စသဖြင့်)

၂) သီးနှံရွေးပေးရပါမယ် (ကိုယ်က ဘယ်သီးနှံအတွက် မေးချင်တာလဲ)

၃) မေးချင်တဲ့ အကြောင်းကို ရေးပေးရပါမယ် (ဒီနေရာမှာ ပြည့်ပြည့်စုံစုံထည့်ပေးဖို့ ပြောချင်တာပါ။ အသက်ရက်၊ ဘာမြေဆီကျွေးထားတယ်၊ ဘာဆေးဖျန်းထားတယ်၊ ရေသွင်း/ ထုတ် စတာတွေကို အပြည့်အစုံလေးရေးပေးရပါမယ်။)

၄) ဓာတ်ပုံ - စိုက်ခင်းပုံ၊ ပိုးကျရောက်ပုံလေးထည့်ပေးရင်တော့ အကောင်းဆုံးပါ။

၅) မွေးမြူရေးနဲ့ပတ်သက်ပြီး မေးခွန်းမေးမြန်းမယ်ဆို‌ရင်တော့ နွားနဲ့ ငါးကိုသာရွေးချယ်ပြီး ကြက်/ဝက် /သိုး/ဆိတ် အကြောင်းတွေကိုပါ ပြည့်ပြည့်စုံစုံလေး မေးမြန်းနိုင်ပါတယ်။

အစိမ်းရောင်လမ်းကတော့ မေးခွန်းမေးလို့ မပြည့်စုံခဲ့ရင် တိကျတဲ့အဖြေရဖို့အထိ ပြည့်စုံအောင်လို့ မေးခွန်းတွေထပ်မေးသွားမှာပါ။ အဲ့တော့ အစကတည်းက ပြည့်ပြည့်စုံစုံလေးမေးခဲ့ရင်တော့ အကောင်းဆုံး အမြန်ဆုံးနဲ့ ဖြေရှင်းဖို့အတွက် အကူအညီဖြစ်မှာ မဟုတ်ပါလားရှင်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...