အသားဟင်းမပါပေမယ့် အာဟာရမျှတအောင်ဘယ်လိုစားကြမလဲ

အခြေခံအားဖြင့်ခွဲခြားထားတဲ့ အာဟာရဓာတ်အုပ်စုကြီး (၃) ခုမှ ခန္ဓာကိုယ်ကြီးထွားစေတဲ့ အစာအုပ်စုအဖြစ် တိရစ္ဆာန် သား၊ ငါး၊ ပုစွန်၊ နို့နဲ့ နို့ထွက်ပစ္စည်း၊ ဥအမျိုးမျိုးနဲ့ ပဲအမျိုးမျိုး ပါဝင်ပါတယ်။ ခန္ဓာကိုယ်ကြီးထွား ဖွံ့ဖြိုးဖို့အတွက် လိုအပ်တဲ့ အသားဓာတ်(ပရိုတင်း)ကို အဓိကအားဖြင့် အသား၊ ငါးတွေစားခြင်းကနေ ရရှိတာလည်းဖြစ်ပါတယ်။ ဒါပေမယ့် အခုလို ခက်ခဲကြပ်တည်းတဲ့ကာလမှာ အသားဟင်းနပ်မှန်ဖို့ဆိုတာ အခြေခံလူလတ်တန်းစားတွေအတွက် မလွယ်ကူပါဘူးဗျ။ ဒါကြောင့် လိုအပ်တဲ့အသားဓာတ်ကို ဘယ်လိုအစားစာတွေနဲ့ ဖြည့်တင်းမလဲဆိုတာနဲ့ အာဟာရမျှတဖို့ ဘယ်လိုစားရမလဲဆိုတာကို မျှဝေပေးချင်ပါတယ်ဗျ။

အသားဟင်း ပုံမှန်မစားနိုင်ပေမယ့် လိုအပ်တဲ့အသားဓာတ်ကို ပဲပုပ်၊ ပဲနို့၊ ပဲလွန်း၊ မတ်ပဲ၊ ပဲပိစပ်၊ ပဲကြီး၊ ပဲရာဇာ၊ ကုလားပဲ၊ ပဲနီလေး၊ ပဲဝါလေး၊ မြေပဲ၊ ပဲလိပ်ပြာ၊ ပဲကတီပါ၊ ပဲပြား၊ တို့ဟူး စတဲ့ ပဲအမျိုးမျိုးကိုစားပေးခြင်းဖြင့် လိုအပ်တဲ့အသားဓာတ်ကို ရရှိနိုင်ပါတယ်ဗျ။ ဒါ့အပြင် အစေ့အဆံတွေဖြစ်တဲ့ သစ်ကြားသီး၊ မြေပဲ၊ သီဟိုဠ်သရက်စေ့၊ နှမ်းစေ့၊ မုယောစပါး၊ မြင်းစားဂျုံ (oat)၊ Almond စေ့ စသည့်တို့စားခြင်းမှလည်းအသားဓာတ်ကို ရရှိနိုင်ပါတယ်။ အစေ့အဆံတွေမှာ အိုမီဂါ ၃ ဓာတ်နဲ့ အကျိုးရှိတဲ့အဆီ( Fatty acid) တွေလည်း ပါဝင်ပါသေးတယ်။ အသားဟင်းမစားနိုင်ပေမယ့် လိုအပ်တဲ့အသားဓာတ်ကို မိမိတို့မှာအလွယ်တကူရရှိနိုင်တဲ့ ပဲအမျိုးမျိုး၊ အစေ့အဆံတွေစားပြီး ဖြည့်တင်းနိုင်ပါတယ်။ အသားဟင်းမပါတဲ့ရက်တွေမှာ ပဲတစ်မျိုးမျိုးချက်စားမယ်ဆိုရင် ခန္ဓာကိုယ်ကြီးထွားဖို့ လိုအပ်တဲ့အသားဓာတ်ကို အတိုင်းတာတစ်ခုအထိ ရရှိနိုင်ပါတယ်ဗျ။ ဒါပေမယ့် အာဟာရမျှတဖို့အတွက်ဆိုရင် အသားဓာတ်တစ်မျိုးတည်းစားရုံနဲ့ မလုံလောက်သေးပါဘူး။ နောက်ထပ်အာဟာရဓာတ် အုပ်စုကြီး(၂)ခုလည်း စားပေးရပါဦးမယ်။

ရောဂါဘယများမှ ကာကွယ်ပေးသောအစာအုပ်စု- ဟင်သီးဟင်းရွက်များဖြစ်ကြတဲ့ မြင်းခွာရွက်၊ မုန်ညှင်းရွက်၊ ပန်းဂေါ်ဖီစိမ်း၊ ဂေါ်ဖီထုပ်၊ ကိုက်လန်ရွက်၊ ကန်ဇွန်းရွက်၊ ဟင်းနုနွယ်ရွက်၊ ဗူးညွှန့်၊ ဖရုံညွှန့်၊ ရွှေဖရုံသီး၊ ခရမ်းချဉ်သီး၊ ခရမ်းသီး၊ မုန်လာဥနီ၊မုန်လာဥဖြူ၊ ငရုတ်ပွသီး၊ ပဲပင်ပေါက်၊ ပဲတောင့်ရှည်၊ လျှောက်သံပုရာအုပ်စုဝင်များ ၎င်းတို့ကို စားပေးခြင်းဖြစ် ဗီတာမင်နဲ့ သတ္တုဓာတ်များရရှိပြီး ကိုယ်ခံစွမ်းအားကောင်းမွန်စေကာ ရောဂါပိုးမွှားများဝင်ရောက်ခြင်းမှ ကာကွယ်ပေးပါတယ်။ အစာအာဟာမျှတဖို့နဲ့ ကိုယ်ခံအားကောင်းစေရန်အတွက် နေ့စဉ် အသီးအရွက်တစ်ခွက်စားပေးဖို့လည်း လိုအပ်ပါတယ်။

အင်းအားဖြစ်ထွန်းစေတဲ့ အစာအုပ်စု- ထောပတ်၊ အာလူး၊ ကန်စွန်းဥ၊ ပိန်းဥ၊ ပြောင်းဖူး၊ ထန်လျက်၊ ကြံသကာ၊ သကြား၊ ခေါက်ဆွဲ၊ ဆန်၊ ဂျုံတို့ဖြင့်ပြုလုပ်သောမုန့်အမျိုးမျိုး စသည်တို့ကို စားပေးခြင်းဖြင့် ကစီဓာတ်ကိုရရှိပြီး ခန္ဓာကိုယ်လှုပ်ရှားရာတွင် လိုအပ်တဲ့စွမ်းအင်ကို ထုတ်ပေးပါတယ်။

အချုပ်အားဖြင့်ပြောရမယ်ဆိုရင်တော့ အသားဟင်းမစားနိုင်တဲ့နေ့တွေမှာ တတ်နိုင်သလောက်လေးနဲ့ အာဟာရမျှတဖို့အတွက်ဆိုရင် လိုအပ်တဲ့အသားဓာတ်အတွက် ပဲအမျိုးမျိုးတစ်ခွက် (သို့မဟုတ်) ကြက်ဥ၊ ဘဲဥစားပေးနိုင်ရင်လည်း ကောင်းပါတယ်။ ကိုယ်ခံအားကောင်းစေဖို့အတွက် ဗီတာမင်နဲ့ သတ္တုဓာတ်တွေရရှိစေမယ့် ဟင်းသီးဟင်းရွက်နဲ့ အသီးအနှံတစ်ခွက်စားပေးရပါမယ်။ ဒါ့အပြင် ကစီဓာတ်(ကာဘိုဟိုက်ဒရိတ်)ရစေဖို့ အပေါ်မှာဖော်ပြခဲ့တဲ့ ဖြည့်စွက်အစာတွေလည်း စားပေးရပါမယ်။ ဒါဆိုရင်တော့ အသားဟင်းတွေ မစားနိုင်တောင် အာဟာရဓာတ်မျှတစွာရရှိပြီး ကျန်းမာစေမှာလည်းဖြစ်ပါတယ်။ အားလုံးနေကောင်းကျန်းမာပြီး ကပ်ဆိုးကြီးမှ အမြန်ဆုံးလွတ်မြောက်ပါစေဗျာ။

Reference; http://babimildmomsclub.com.mm/%E1%80%A1%E1%80%AC%E1%80%9F%E1%80%AC%E1%80%9B%E1%80%99%E1%80%BD%E1%80%BA%E1%80%90%E1%80%B1%E1%80%85%E1%80%9B%E1%80%94%E1%80%B9-%E1%80%85%E1%80%AC%E1%80%B8%E1%80%9E%E1%80%84%E1%80%B9%E1%80%B7%E1%80%B1/

https://www.unlockfood.ca/en/Articles/Vegetarian-and-Vegan-Diets/Four-steps-to-a-balanced-vegan-eating-pattern.aspx

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...