သင်္ဘောပင်အပုလေးတွေရအောင် ဘယ်လိုလုပ်မလဲ

(အခုလို covidကာလအတွင်းမှာ အားလုံးလည်း အပျင်းပြေစေဖို့ အခုဖော်ပြမယ့် နည်းလေးကို စမ်းသပ်ကြည့်ကြပါနော်။)

    သင်္ဘောပင်လေးတွေဟာ အခြားအပင်လေးတွေနဲ့ မတူဘဲ တမူထူးခြားတဲ့ သွင်ပြင်ရှိကြပါတယ်။ ဒါပေမယ့် သူတို့လေးတွေဟာ အရမ်းရှည်တဲ့အပင်လေးတွေ ဖြစ်ကြတဲ့အတွက် ပုံမှန် အသီးခူးရမယ့်အချိန်မှာဆိုရင် အမြင့်ပေ ၁၅ - ၂၀ လောက်အထိ ရှိနေတတ်ကြပါတယ်။ အဲ့ဒါကြောင့်  အသီးခူးတဲ့အခါမှာ အခက်အခဲဖြစ်စေပါတယ်။  အဲ့လိုအခက်အခဲကို ကျော်လွှားဖို့အတွက် အခုဆောင်းပါးလေးမှာ သင်္ဘောပင်လေးတွေကို ဘယ်လိုပုအောင် လုပ်ကြမလဲဆိုတာကို ပြောပြပေးသွားပါမယ်ရှင့်။

ဘာပစ္စည်းတွေလိုအပ်သလဲ။

    ဘာပစ္စည်းမှ ထွေထွေထူးထူးမလိုအပ်ပါဘူးနော်။ အဓိကကတော့ သန့်ရှင်းပြီး အသွားထက်တဲ့ ကပ်ကြေးတစ်လက်ပဲ လိုအပ်တာပါ။ (သတိထားရမှာက မိမိကိုယ်တိုင်က သန့်ရှင်းပြီး အသုံးပြုမယ့်ပစ္စည်းတွေရော ကိုင်တွယ်မယ့်လက်ကိုပါ သေချာသန့်စင်ထားဖို့ လိုအပ်ပါတယ်။ အဲ့ဒါမှ အပင်ထဲကို ရောဂါပိုး မဝင်ရောက်နိုင်မှာ ဖြစ်ပါတယ်ရှင့်။)

ဘယ်လိုပြုလုပ်ရမလဲ။

- ပထမဦးစွာ မျိုးစေ့ကို ပျိုးရပါမည်။ (မျိုးစေ့ကို စိတ်တိုင်းကျ ဝယ်ယူနိုင်သလို မိမိတို့ စားသည့်အသီးများမှလည်း မျိုးပြန်ယူနိုင်ပါတယ်။)

- ထို့နောက် ကျန်းမာသန်စွမ်းသည့် အပင်ပေါက်ဖြစ်လာပြီဆိုလျှင် ထိပ်ညွှန့်ကို စတင်ဖြတ်တောက်နိုင်ပါပြီ။ ပထမအကြိမ် ထိပ်ညွှန့်ဖြတ်ရန် အညွှန့်ထိပ်ဖျားမှနေ၍ ၁ လက်မ ၂ လက်မ ဖြတ်ပေးပါ။

- ဒုတိယအကြိမ် ထိပ်ညွှန့်ဖြတ်ရန် ယခင်ဖြတ်ထားသော နေရာမှ ၅ လက်မခန့် ရှည်ထွက်လာလျှင် ဖြတ်နိုင်ပါပြီ။ ထိုသို့ဖြတ်ရန် ပထမအကြိမ်ဖြတ်ခဲ့သည့်အတိုင်းပင် ထိပ်ဖျားမှနေပြီး ၁ လက်မ ၂ လက်မ ဖြတ်ချပေးရပါမည်။

- ထိုသို့ ဖြတ်တောက်ပြီးတိုင်း ၅ လက်မခန့် ရှည်လာလျှင် အထက်တွင်အသုံးပြုခဲ့သော နည်းလမ်းအတိုင်းပင် ပြန်လည် ဖြတ်တောက်ပေးရပါမည်။

- ဤသို့ပြုလုပ်ခြင်းကို အသီးသီးရန် အညှောင့်မထွက်ခင်အထိ ဆက်တိုက် ပြုလုပ်ပေးသွားရပါမည်။ အညှောင့်ထွက်လာပါက ထိပ်ညွှန့်ဖြတ်ခြင်းကို ရပ်တန့်ပေးရပါမည်။

ဘာတွေ အထူးသတိပြုရန်လိုအပ်လဲ။

- ဤနည်းလမ်းကို အေးသောရာသီဥတုနှင့် ဆောင်းရာသီကာလများတွင် မပြုလုပ်သင့်ပါ။ နွေရာသီတွင်သာ ပြုလုပ်သင့်ပါသည်။ အဘယ့်ကြောင့်ဆိုသော် အလွယ်တကူ ပြန်လည်နလန်ထနိုင်သောကြောင့်ပင် ဖြစ်ပါသည်။

- ဖြတ်တောက်ရာတွင် အသုံးပြုမည့်ပစ္စည်းများကို သန့်ရှင်းစွာထားရန်လည်း လိုအပ်ပါသည်။ မသန့်ရှင်းသောကိရိယာများ သုံးခြင်းသည် အပင်များဆီသို့ ရောဂါပိုးများကို အလွယ်တကူ ဝင်ရောက်စေနိုင်ပါသည်။ ဖြတ်တောက်ထားသည့် ဒဏ်ရာများကို မသန့်ရှင်းသောလက်နှင့် ကိုင်တွယ်ခြင်း၊ ဒဏ်ရာအနားတွင် ညစ်ပေနေသော ကိရိယာများအသုံးပြုခြင်း အစရှိသည်တို့ကိုလည်း ရှောင်ရှားသင့်ပါသည်။ 

- ထို့ပြင် ဖြတ်တောက်မည့် ကိရိယာများသည် အသွားထက်နေသင့်ပါသည်။ သို့မှသာ တစ်ချက်တည်းနှင့် အလွယ်တကူ ပြတ်တောက်သွားနိုင်သည့်အတွက်  အပင်နာခြင်းကို လျှော့ချနိုင်ပါသည်။

- ထိပ်ညွှန့်ဖြတ်ထားသည့် အပင်များကို အခြားအပင်များထက် ပိုမိုဂရုစိုက်ရပါမည်။ မိမိကိုယ်ကို ဂရုစိုက်သကဲ့သို့ပင် အပင်များကိုလည်း ရောဂါဘယမဝင်ရလေအောင် အထူးဂရုပြုသင့်ပါသည်။

    နိဂုံးချုပ်အနေနဲ့ ပြောရမယ်ဆိုရင် အပင်ပုသင်္ဘောပင်တစ်ပင် ရဖို့အတွက်ဆိုရင် အထက်မှာဖော်ပြခဲ့တဲ့ နည်းလမ်းအတိုင်း သင်္ဘောပျိုးပင်ကို ထိပ်ညွှန့်ဖြတ်ပေးဖို့လိုအပ်ပါတယ်။ ထိပ်ညွှန့်ဖြတ်ခြင်းဆိုတာက ကိုင်းချိုင်တဲ့ နည်းလမ်းတွေထဲက တစ်ခုဖြစ်ပါတယ်။ အပင်က ၅ လက်မရှည်လာတိုင်း ထိပ်ဖြတ်ပေးဖို့လိုအပ်ပါတယ်။ ငယ်ရွယ်သေးတဲ့အပင်ပေါက်ဘဝမှာဆိုရင်တော့ အဲ့လိုလုပ်လိုက်ခြင်းက ပင်စည်ကို ပိုကြီး၊ ပိုတုတ်စေပါတယ်။ အပင်ကြီးဘဝရောက်တဲ့အခါမှာတော့ အခက်အလက်တွေက အပေါ်ကို ထောင်မတက်တော့ဘဲ ဘေးဘက်ကိုသာ ကိုင်းဖြာသွားမှာဖြစ်ပါတယ်။ အခုလို ခဏခဏ ထိပ်ညွှန့်ဖြတ်ပေးခြင်းက ပုံမှန်ပင်တွေထက် ကျန်းမာသန်စွမ်းလာစေပါတယ်။ ပုံမှန်အပင်တွေလို သက်တမ်းအလိုက် ရှိသင့်တဲ့အရပ်မရှိတော့ဘဲ ပင်စည်တုတ်ခိုင်ပြီး အပင်ပုနေခြင်းက လေဒဏ်ကို ပိုမိုခံနိုင်ရည်ရှိလာစေပါတယ်။ 

    တကယ်လို့ အိုးထဲမှာ ထည့်စိုက်မယ်ဆိုရင် အခုလိုထည့်စိုက်ခြင်းက ဘာနည်းလမ်းမှ မသုံးရင်တောင် ပုံမှန်ထက် အပင်ကို ပုစေတဲ့အတွက် ၎င်းထိပ်ညွှန့်ဖြတ်ခြင်းနည်းလမ်းကို ပိုမိုအထောက်အပံ့ပေးပါတယ်။ အပင်ပုတွေဟာဆိုရင် အိုးထဲထည့်စိုက်ဖို့အတွက် အကောင်းဆုံးအရွယ်အစားပဲ ဖြစ်ပါတယ်။

    တကယ်လို့ မြေကြီးမှာချစိုက်မယ်ဆိုရင်လည်း ထိပ်ညွှန့်ဖြတ်ပေးခြင်းနည်းလမ်းကို ဆက်လက်လုပ်ပေးသွားနိုင်ပါတယ်။ သို့မှသာ အသီးခူးနိုင်တဲ့အရွယ်မှာ လက်လှမ်းမီနိုင်သည့် အမြင့်ရောက်ရှိနိုင်တဲ့အတွက် ခူးဆွတ်ဖို့ ပိုမိုလွယ်ကူစေပါတယ်။ အဲ့ဒါကြောင့် ဒီနည်းလမ်းကို ဦးကြီးတို့အနေနဲ့ စမ်းသပ်လုပ်ဆောင်ကြည့်သင့်ပါတယ်ရှင့်။

Reference; https://greenthumbplanet.com/how-to-shorten-papaya-tree/

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...

Read more

Aqua ဘူစတာ

Aqua ကယ်လဆီယမ်

Facebook စာမျက်နှာသို့သွားရန်