လူတွေရဲ့ဆံပင်ကို အာဟာရပြည့်မြေသြဇာအဖြစ် အသုံးပြုခြင်း

နိမ့်ကျတယ်လို့ထင်ရတဲ့ ဆံပင်ကျွတ်တွေကို တန်ဖိုးထားတတ်ဖို့ ခဏလောက် အချိန်ယူလိုက်ပါ။ အဆိုပါ သေးငယ်တဲ့ ဆံချည်မျှင်လေးတွေဟာ ကျွန်တော်တို့သိရှိနားလည်ထားတာထက် အပင်တွေအတွက် ပိုပြီးအစွမ်းထက်တာ ဖြစ်ပါတယ်။ ဒါ့ကြောင့် ၎င်းတို့ကို အလဟသပ် အဖြစ်မခံလိုက်ပါနဲ့။ နောက်တစ်ခါများ သင့်ရဲ့ရေချိုးခန်း ရေဆင်းပေါက်ကို သန့်ရှင်းရေးလုပ်တဲ့အခါမျိုးဖြစ်စေ သင့်ရဲ့ဘီးမှာရှိတဲ့ ဆံပင်ချည်တွေကို ရှင်းလင်းတဲ့အခါဖြစ်စေ ဥယျာဉ်စိုက်ခင်းတွေမှာ ပြန်လည် အသုံးပြုဖို့အတွက် ၎င်းဆံပင်ချည်တွေကို သိမ်းဆည်းထားလိုက်ပါ။

အပင်စိုက်ပျိုးမဲ့ ပွားစာ (စပ်မြေ) သို့မဟုတ် မြေဆွေးပုံမှာ ဆံပင်ချည်တွေကို ထည့်ပေးခြင်းဖြင့် အပင်တွေအတွက် အဓိကကျတဲ့ အာဟာရဓာတ်များ တိုးမြင့်စေကာ မြေဆီလွှာကို ကျန်းမာစေနိုင်သလို ရေဓာတ်ရရှိစေရန် ကူညီပေးနိုင်ပြီး အထင်ကြီးလောက်စရာကောင်းတဲ့ အသီးနှံတွေကို ထုတ်လုပ်ပေးနိုင်မှာ ဖြစ်ပါတယ်။ ဘာကြောင့်လဲဆိုတော့ ဆံပင်ချည်တွေမှာ နိုက်ထရိုဂျင်နဲ့ အခြားအနည်းလိုအာဟာရဓာတ်တွေ မြင့်မားစွာပါဝင်နေတာကြောင့် ဆံပင်ချည်တွေကို သဘာဝမြေဩဇာအဖြစ်နဲ့ အသုံးပြုနိုင်တာ ဖြစ်ပါတယ်။

Healthline ရဲ့ အဆိုအရ ပျမ်းမျှအားဖြင့် လူတစ်ဦးဟာ တစ်နေ့လျှင် ဆံပင် ဆံချည်မျှင် ၁၀၀ အထိ ဆုံးရှုံးနေတယ်လို့ ဆိုပါတယ်။ အဆိုပါ ဆံပင်ချည် အများစုဟာ သတိမထားမိဘဲ လေနဲ့ မှုတ်ထုတ်လိုက်တဲ့အခါမှာ လွင့်ပါသွားတာမျိုး၊ ရေချိုးခေါင်းလျှော်ရင်းနဲ့ ပါသွားတာမျိုး (သို့မဟုတ်) ဆံပင်ဖြီးတဲ့ ဘီးတွေမှာ ကပ်ကျန်နေတာမျိုး စသည်ဖြင့်ရှိနေတတ်ကြပါတယ်။ ဒါပေမဲ့ ၎င်းတို့ကို သိမ်းဆည်းထားပြီး ဥယျာဉ်စိုက်ခင်းတွေမှာ ပြန်လည်အသုံးပြုခြင်းဖြင့် အံ့အားသင့်စရာကောင်းတဲ့ အကျိုးကျေးဇူးတွေကို ရရှိနိုင်မှာဖြစ်ပါတယ်။

ဆံပင်ချည်တွေဟာဆိုရင် စီးပွားဖြစ်မြေသြဇာအနေနဲ့ တစ်ခုတည်းအသုံးပြုတာထက် ဘက်စုံအသုံးပြုနိုင်တာ ဖြစ်ပါတယ်။ ဒါ့ကြောင့် ဆံပင်ချည်တွေကို အသုံးပြုပြီး မြေဆီလွှာကို ကြွယ်ဝစေဖို့ရယ်၊ ဘယ်လို ဆံပင် (အမွှေးအမျှင်) အမျိုးအစားတွေကို အသုံးပြုနိုင်တယ်ဆိုတာရယ်နဲ့ ဦးခေါင်းပေါ်မှာရှိနေတဲ့ ဆံပင်တွေကို အခြားသော မသိနိုင်သေးတဲ့ ဘယ်လိုရည်ရွယ်ချက်တွေအတွက် အသုံးပြုနိုင်မလဲဆိုတာတွေကိုပါ ထည့်သွင်းစဉ်းစားသင့်ပါတယ်။

ဆံပင်ရဲ့အကျိုးကျေးဇူးများကို ခွဲခြမ်းစိတ်ဖြာကြည့်ခြင်း

တကိုယ်လုံးမှာရှိနေတဲ့ အမွှေးအမျှင်များပင်လျှင် ဥယျာဉ်စိုက်ခင်းတွေမှာ အသုံးပြုနိုင်ပါတယ်။ ဆံပင်၊ ခြေထောက်မွှေး၊ ကြောင်အမွှေး၊ ခွေးအမွှေး၊ ဆိတ်အမွှေးနဲ့ အခြားအမွှေးအမျှင်တွေကိုပါ အပင်တွေအတွက် ပြန်လည်အသုံးပြုနိုင်တာ ဖြစ်ပါတယ်။ ဘယ်လို ဆံပင် (သို့မဟုတ်) ဘယ်လို အမွှေးအမျှင် အမျိုးအစားကို အသုံးပြုသည်ဖြစ်စေ အရေးမကြီးပါဘူး။ ဆံပင် (အမွှေးအမျှင်) အားလုံးဟာ မဂ္ဂနီဆီယမ်နဲ့ အနည်းလို အာဟာရဓာတ်များ မြင့်မားစွာပါဝင်နေတာကြောင့် အပင်များအတွက် ကောင်းမွန်ပြီး မြေဆီလွှာကို ကြွယ်ဝအောင် ကူညီပေးနိုင်တာ ဖြစ်ပါတယ်။ အပင်တွေဟာ စွမ်းအင်ထုတ်လုပ်ဖို့နဲ့ ၎င်းတို့ရဲ့ အရွက်တွေ ကျန်းမာပြီး အစိမ်းရောင်ဖြစ်ပေါ်စေဖို့ ကလိုရိုဖီးလ် မော်လီကျူးတွေ တည်ဆောက်ရာမှာ မဂ္ဂနီဆီယမ်ဓာတ်ကို လိုအပ်တာဖြစ်ပါတယ်။ မဂ္ဂနီဆီယမ် ဓာတ်အပြင် ဆံပင်ချည်တွေမှာဆိုရင် ကာဗွန်၊ နိုက်ထရိုဂျင်၊ အောက်ဆီဂျင်၊ ဟိုက်ဒရိုဂျင်နဲ့ ဆာလဖာ စတဲ့ဓာတ်တွေလည်း ပါဝင်နေတာ ဖြစ်ပါတယ်။ နိုက်ထရိုဂျင်ဓာတ်ဟာ စီးပွားဖြစ် ဓာတ်မြေသြဇာတွေထဲမှာ အသုံးအများဆုံး ပါဝင်ပစ္စည်းတွေထဲမှ တခုဖြစ်ပြီး ဆံပင်တွေဟာဆိုရင် အပင်တွေ ရှင်သန်ကြီးထွားဖို့ရာ ကူညီပေးနိုင်တာဖြစ်ပါတယ်။ ဆံပင်ချည်တွေမှာ keratin ဆိုတဲ့ဓာတ် အပါအဝင် အခြားသော အနည်းလို အာဟာရဓာတ်တွေပါဝင်နေတာကြောင့် အသီးနှံတွေနဲ့ ဟင်းသီးဟင်းရွက်တွေကို ပိုမိုကြီးထွားစေပြီး အရည်ရွှမ်းလာအောင် ကူညီပေးနိုင်တာဖြစ်ပါတယ်။

ဆံပင်တွေဟာ ၎င်းတို့ရဲ့ အာဟာရ အကျိုးကျေးဇူးများအပြင် မြေဆီလွှာကို သန်စွမ်းစေပြီး လေဝင်လေထွက်ကောင်းစေခြင်းကဲ့သို့ ရုပ်ပိုင်းဆိုင်ရာ ဂုဏ်သတ္တိများလည်း ရှိနေတာ ဖြစ်ပါတယ်။ ဆံပင်တွေဟာ ပိုက်ကွန်ကဲ့သို့ ခိုင်ခံ့တောင့်တင်းတဲ့ နေရာတွေကို ဖန်တီးပေးပြီး အမြစ်များကို တွယ်ကပ်စေကာ ပေါင်းပင်များ ဖြတ်သန်းထွက်ပေါ်လာဖို့ ခက်ခဲစေမှာ ဖြစ်ပါတယ်။ ဆံပင်တွေဟာ ထုပ်ပိုးထားခြင်းမရှိဘဲနဲ့ကို မြေဆီလွှာထဲမှာ အတူတကွ ပေါင်းစည်းနိုင်ပြီး ရေစိမ့်ဝင်အားကို ပိုမိုကောင်းမွန်စေကာ ရေ တိုက်စားမှုဒဏ်ကိုလည်း ခံနိုင်ရည်ရှိစေမှာ ဖြစ်ပါတယ်။

ဥယျာဉ်စိုက်ခင်းတွေမှာ ဆံပင်တွေကို အသုံးပြုခြင်း

ပထမဆုံးအနေနဲ့ အိမ်နဲ့အနီးတစ်ဝိုက်က ဆံပင်တွေကို အိတ်ငယ်တစ်ခုနဲ့ စုဆောင်းခြင်းဖြင့် စတင်ပါ။ အိတ်ပြည့်သွားတဲ့အခါ အမွှေးအမျှင်တွေကို ခွဲထုတ်ပြီး မျိုးစေ့ မစိုက်ပျိုးမီ မြေဆွေးပုံ (သို့မဟုတ်) မြေဆီလွှာထဲသို့ တိုက်ရိုက်ထည့်ရမှာ ဖြစ်ပါတယ်။ လူတွေရဲ့ ဆံပင်ဟာ သဘာဝတိုင်း အတိအကျ ပြိုကွဲဆွေးမြေ့ဖို့ဆိုရင် အချိန်အားဖြင့် ၂ နှစ်ကျော်လောက် အထိလိုအပ်တာ ဖြစ်ပါတယ်။ ဒါ့ကြောင့် မြေဆီလွှာထဲမထည့်ခင်မှာ ၎င်းတို့ကို သေချာစီမံခန့်ခွဲနိုင်ဖို့အတွက် အပိုင်းအစလေးတွေဖြစ်အောင် ဖြတ်တောက်ပေးဖို့ လိုအပ်မှာဖြစ်ပါတယ်။ ပိုပြီး အဆင်ပြေစေဖို့အတွက် ဆံပင်တွေကို မြေဆီလွှာထဲထည့်ပြီးနောက် ရေလောင်းပေးရပါမယ်။ ပြီးပါက အံ့သြဖွယ်ကောင်းတဲ့ မြေသြဇာရဲ့ အကျိုးကျေးဇူးတွေကို လေ့လာစောင့်ကြည့်လိုက်ပါ။ အသီးနှံတွေနဲ့ ဟင်းသီးဟင်းရွက်တွေကို ပိုမိုထုတ်လုပ်နိုင်စေဖို့ အပင်တွေရဲ့ ကြီးထွားမှုအမြင့်မားဆုံးရာသီ မတိုင်ခင်မှာ တစ်နှစ်လျှင် တစ်ကြိမ်ခန့် ဥယျာဉ်စိုက်ခင်းတွေမှာ ဆံပင်အပိုင်းအစတွေကို ထည့်သွင်းပေးနိုင်ပါတယ်။

ဆံပင်တွေကို မြေသြဇာအဖြစ် အသုံးပြုခြင်းအပြင် အခြားအံ့သြဖွယ်နည်းလမ်းတွေနဲ့လည်း ဥယျာဉ်စိုက်ခင်းတွေမှာ အသုံးပြုနိုင်ပါတယ်။

ငှက်တွေအနေနဲ့ ၎င်းတို့ရဲ့ အသိုက်တွေမှာ အကာအရံအဖြစ် အသုံးပြုနိုင်ရန်အတွက် အပိုကျန်ရှိနေတဲ့ ဆံပင်တွေကို ချိတ်ဆွဲထားနိုင်ပါတယ်။ ငှက်တွေက အမွေးအမျှင်တွေကို မကြောက်ပေမဲ့လည်း သမင်နဲ့ ကြွက်ကဲ့သို့ တိရိစ္ဆာန်တွေကတော့ ကြောက်နိုင်ပါတယ်။ (အနောက်နိုင်ငံတွေမှာ ဥယျာဥ်စိုက်ခင်းတွေထဲကို သမင်တွေ ဝင်ရောက် စားသောက်ဖျက်ဆီးတာမျိုး ရှိတတ်လို့ ဖြစ်ပါတယ်) ချိတ်ဆွဲထားတဲ့ လူရဲ့ ဆံပင်တွေ (သို့မဟုတ်) ဥယျာဉ်စိုက်ခင်းတစ်ဝိုက်မှာ အသုံးပြုထားတဲ့ ဆံပင်တွေက လူရဲ့ အနံ့ (လူနံ့) ကို လေထဲရောက်ရှိစေမှာ ဖြစ်ပါတယ်။ အဲ့ဒီလို အခြေအနေမှာ အနံ့ခံကောင်းတဲ့ သမင်နဲ့ ကြွက်တွေဟာ သူတို့ရဲ့ သားရဲကောင်ရှိနေတယ်လို့ ခံစားရစေပြီး စိုက်ခင်းတွေရဲ့ အဝေးမှာနေဖို့ သိလာလိမ့်မှာ ဖြစ်ပါတယ်။

ဇင်ထူးနိုင်

Ref:

https://www.housedigest.com/1266382/human-hair-effective-soil-fertilizer/

ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးပါရန် မေတ္တာရပ်ခံအပ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...