ချည်မျှင်ရှည်ဝါနှင့် ပဲတီစိမ်းသီးညှပ်စိုက်စနစ်

ပဲမျိုးစုံသီးနှံများတွင် ပဲစင်းငုံသီးနှံမှလွဲ၍ ကျန်ပဲမျိုးစုံသီးနှံများသည် မိုးရာသီတွင် စိုက်ပျိုး ဖြစ်ထွန်းခြင်းမရှိပါ။ ထူးခြားသည်မှာ ပဲတီစိမ်းသီးနှံသည် မိုးကြို၊ မိုး၊ မိုးနှောင်းနှင့် ဆောင်းရာသီ တို့တွင် စိုက်ပျိုးနိုင်သည်။

လယ်ယာမြေတွင် အများစုစိုက်ပျိုးသည်မှာ ပဲတီစိမ်းသီးနှံတစ်မျိုးတည်းကို သီးသန့်စိုက်ပျိုးခြင်းဖြစ်သည်။ သို့သော် ပဲတီစိမ်းသီးနှံကို အချိန်တိုအတွင်း ဝင်ငွေရနိုင်သည့် သီးနှံတစ်မျိုးအဖြစ် အခြားသီးနှံတစ်မျိုးမျိုးနှင့် သီးညှပ်စိုက်ပျိုးနိုင်သည်။ သီးညှပ်စိုက်ရန် သင့်တော်သည့် သီးနှံတစ်မျိုးမှာ ချည်မျှင်ရှည်ဝါသီးနှံဖြစ်ပါသည်။

ချည်မျှင်ရှည်ဝါကို နုံးမြေ၊ နုံးစနယ်‌မြေနှင့် သဲနုံး‌မြေစသည့် ‌မြေသြဇာထက်သန်သော အစိုဓါတ်ကို ကောင်းစွာထိန်းနိုင်သည့်မြေတွင် စိုက်ပျိုးလေ့ရှိသည်။ သို့ဖြစ်ရာ နောက်ထပ်သီးနှံ တစ်မျိုးကို ကြားသီးနှံအဖြစ်စိုက်ပျိုးပါက လုံလောက်သောအာဟာရကို ရရှိနိုင်သေးသည်ဟု မြင်ပါသည်။

သို့ဖြစ်၍ ချည်မျှင်ရှည်ဝါစိုက်ပျိုးရာတွင် ပဲတီစိမ်းသီးနှံကို သီးညှပ်သီးနှံအဖြစ် စိုက်ပျိုးစေလိုသည်။ အကြောင်းမှာ ပဲတီစိမ်းသီးနှံသည် သက်တမ်း ၆၅ မှ ၇၅ ရက်ခန့်သာရှိခြင်းကြောင့် အဓိကသီးနှံ ချည်မျှင်ရှည်ဝါမတိုင်မီ ရိတ်သိမ်းကာ စိုက်ပျိုးဝင်ငွေအလွယ်တကူ ရရှိနိုင်လို့ ဖြစ်ပါသည်။

သဘာဝမတူညီမှု

မတူညီမှုဆိုတာ လောကတွင် အရှိတရားများအနက် တစ်ခုဖြစ်ပါမည်။ မတူညီတာသည် ဘယ်အရာတွေမှာ ဘယ်လိုမတူညီတာလဲ။ မတူညီသည့်အချက်တွေကိုသိဖို့က ပထမ၊ သိပြီးရင် အကျိုးရှိအောင်အသုံးချဖို့က ဒုတိယဟုဆိုချင်ပါသည်။

ချည်မျှင်ရှည်ဝါနှင့် ပဲတီစိမ်းတို့သည် ယာမြေတွင်စိုက်ပျိုးဖြစ်ထွန်းသော သီးနှံအမျိုးအစားချင်း တူညီသော်လည်း စိုက်ပျိုးရေးဆိုင်ရာ မတူညီတာတွေရှိနေပါသည်။

စိုက်ပျိုးနည်းစနစ် (Planting Method) ကို ဆန်းစစ်ကြည့်လျှင် ပဲတီစိမ်းက မျိုးစေ့ဖြူးချ (drill)စနစ်ဖြင့် စိုက်ပျိုးရသောသီးနှံဖြစ်သည်။ ချည်မျှင်ရှည်ဝါမှာမူ ကျင်းတွင်မျိုးစေ့ချ(hills) စနစ်ဖြင့် စိုက်ပျိုးရသော သီးနှံဖြစ်ပါသည်။

အပင်ဦးရေသိပ်သည်းမှု (Plant Population) ကို ဆန်းစစ်ကြည့်လျှင် ပဲတီစိမ်းက အပင်ဦးရေ ဝင်ဆန့်မှုများများဖြင့် စိုက်ရသည့်သီးနှံဖြစ်သည်။ ချည်မျှင်ရှည်ဝါမှာမူ အပင်ဦးရေဝင်ဆန့်မှု နည်းနည်းဖြင့် စိုက်ရသည့် သီးနှံအမျိုးအစားဖြစ်ပါသည်။

စိတ်ဝင်စားစရာကောင်းသည်က သက်တမ်း(Maturity)ဖြစ်သည်။ ပဲတီစိမ်း၏သက်တမ်းသည် အလွန်တိုသည်(very short)ဟု ဆိုရမည်။ ချည်မျှင်ရှည်ဝါမှာမူ သက်တမ်းရှည်သည့် (long)သီးနှံ ဖြစ်ပါသည်။

သက်တမ်း၏အစောပိုင်းကာလ အပင်၏ကြီးထွားဖွံ့ဖြိုးမှုကို လေ့လာဆန်းစစ်ကြည့်လျှင် ပဲတီစိမ်းက မြန်သည်။ ချည်မျှင်ရှည်ဝါမှာ နှေးနှေးကြီးထွားသည့်သဘာဝရှိပါသည်။

မတူညီသော ဖေါ်ပြပါအချက်အလက်များကို ဘယ်လိုအသုံးချမှာလဲ။ မူလစိုက်နေကြ ချည်မျှင်ရှည်ဝါအထွက်ကို မထိခိုက်စေသည့်ပြင် အပိုဝင်ငွေရရှိစေကာ အကျိုးအမြတ်များစေဖို့ “ချည်မျှင်ရှည်ဝါ+ပဲတီစိမ်းသီးညှပ်စိုက်စနစ်” ကို ကျင့်သုံးပါစို့ဟု ပြောလိုပါသည်။

သီးညှပ်စိုက်နည်းစနစ်

သီးညှပ်စိုက်ပျိုးရာတွင် မိုးနှောင်း၊ မိုးကြို၊ မိုးသုံးရာသီတွင် စိုက်ပျိုးနိုင်တာကို တွေ့မြင် နိုင်သည်။ ချည်မျှင်ရှည်ဝါသီးနှံစိုက်တိုင်း ပဲတီစိမ်းသီးနှံကို သီးညှပ်သီးနှံအဖြစ် စိုက်ရန်ဖြစ်သည်။

မိုးနှောင်းချည်မျှင်ရှည်ဝါကို ယာမြေတွင် ဇူလိုင်လလယ်မှ သြဂုတ်လလယ်တွင် စိုက်သည်။ ပဲတီစိမ်းသီးနှံကိုလည်း ထိုအချိန်တွင် တစ်ပြိုင်တည်းစိုက်နိုင်သည်။ မိုးကောင်းသောက်လယ်မြေတွင် စက်တင်ဘာနှင့် အောက်တိုဘာလတွင် စိုက်ပါကလည်း ပဲတီစိမ်းနှင့် သီးညှပ်စိုက်နိုင်ပါသည်။

အလားတူ မြစ်ရေတင်ရေရရှိသောဒေသတွင် မိုးကြိုချည်မျှင်ရှည်ဝါကို ဧပြီနှင့် မေလတို့တွင် စိုက်သည်။ ပဲတီစိမ်းသီးနှံကို အတန်းကြားသီးနှံအဖြစ် စိုက်ပျိုးရန်ဖြစ်ပါသည်။

မိုးချည်မျှင်ရှည်ဝါအဖြစ် မေလနှင့် ဇွန်လတွင် စိုက်ပါကလည်း ပဲတီစိမ်းသီးနှံကို သီးညှပ်စိုက်ပျိုးနိုင်ပါသေးသည်။

ချည်မျှင်ရှည်ဝါကို ‌မြေကောင်း၊ မြေသင့်နှင့် ‌မြေညံ့ပေါ်မူတည်၍ တစ်တန်းနှင့်တစ်တန်းအကွာအဝေးကို နှစ်ပေခွဲမှ သုံးပေအတွင်း ထားရှိစိုက်ပျိုးသည်။ သို့ဖြစ်၍ အတန်းကြားတွင် ပဲတီစိမ်းကို သီးညှပ်သီးနှံအဖြစ် စိုက်ပျိုးရန် အခြေအနေပေးပါသည်။

ဤစနစ်သည် မြေဆီလွှာဖွံ့ဖြိုးစေရေး၊ ပေါင်းမြက်နှင့် ပိုးမွှားရောဂါပြဿနာများ လျော့နည်းစေရေးတို့အတွက် အထူးအသုံးဝင်သည့်စနစ် ဖြစ်ပါသည်။

အကျိုးရှိမှု

ချည်မျှင်ရှည်ဝါနှင့် ပဲတီစိမ်းသီးနှံတို့ကို တစ်ပြိုင်တည်းစိုက်ပျိုးခြင်းသည် မြေယာနှင့် အချိန်ကို အကျိုးရှိစွာအသုံးချခြင်းပင်ဖြစ်သည်။ ချည်မျှင်ရှည်ဝါသီးနှံအထွက် လျော့နည်းခြင်းမရှိနိုင်ပါ။ ချည်မျှင်ရှည်ဝါသီးနှံကို သီးသန့်စိုက်ပျိုးသကဲ့သို့ အတန်းနှင့် အပင်အကွာအဝေးကို ထားရှိစိုက်ပျိုးမှာမိုလို့ ဖြစ်သည်။ ပဲတီစိမ်းသီးနှံသည် ပဲမျိုးနွယ်ဝင်အပင်တစ်မျိုးဖြစ်သဖြင့် ချည်မျှင်ရှည်ဝါသီးနှံကို နိုက်ထရိုဂျင်အာဟာရရရှိစေကာ ပိုလို့ပင် ချည်မျှင်ရှည်ဝါအထွက် ရရှိနိုင် သေးသည်ဟု ယူဆပါသည်။

ပဲတီစိမ်းသီးနှံအနေဖြင့်မူ သီးသန့်စိုက်ပျိုးသည်လောက် အထွက်ရရှိနိုင်မည်မဟုတ်ပါ။ သီးညှပ်စိုက်သည့် ဝင်ဆန့်သည့် အပင်ဦးရေအပေါ် မူတည်ပါသည်။ သို့သော် အကျိုးရှိမှုမှာ ချည်မျှင်ရှည်ဝါစိုက်ပျိုးရာတွင် ကုန်ကျစရိတ်များစွာ ပိုမိုကုန်ကျခြင်းမရှိဘဲ ပဲတီစိမ်းသီးနှံအထွက်ကို ရရှိနိုင်ခြင်းပင်ဖြစ်ပါသည်။

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...