နွေမှာဝေတဲ့ ကံ့ကော်အကြောင်း သိကောင်းစရာ

အင်္ဂလိပ်အမည် - Iron-Wood

ရုက္ခဗေဒ အမည် - Mesua ferresa

ကံ့ကော်ပင်ဟာဆိုရင် ကြီးထွားမှုနှေးကွေးပြီး ၎င်းရဲ့ လေးလံမှုနဲ့ မာကျောမှုတို့ကြောင့် iron wood (သံကဲ့သို့မာတဲ့သစ်သား) ဆိုပြီး တင်စားခေါ်ဆိုကြပါတယ်။ ကံ့ကော်ပင်ဟာ ၎င်းရဲ့ လှပတဲ့ပုံသဏ္ဍာန်၊ စိမ်းလန်းတဲ့အရွက်နဲ့ ကြီးမားပြီး မွှေးပျံ့တဲ့ အဖြူရောင်ပန်းပွင့်များကြောင့် အလှစိုက်ပင်အဖြစ်နဲ့ စိုက်ပျိုးကြတာဖြစ်ပါတယ်။ အပူပိုင်းနဲ့ စိုစွတ်တဲ့ရာသီဥတုကိုနှစ်သက်ပြီး ကံ့ကော်ပင်ရဲ့ မူရင်းဒေသတွေကတော့ သီရိလင်္ကာ၊ အိန္ဒိယ၊ နီပေါ၊ မြန်မာ၊ ထိုင်း၊ ဖိလစ်ပိုင်၊ မလေးရှားနဲ့ ဆူမားတြားဒေသတို့ပဲ ဖြစ်ပါတယ်။ ပိတောက်ပင်ဟာ မြန်မာနိုင်ငံရဲ့ နိုင်ငံအထိမ်းအမှတ်သစ်ပင်ဖြစ်သလို ကံ့ကော်ပင်ဟာဆိုရင်လည်း သီရိလင်္ကာနိုင်ငံရဲ့ အထိမ်းအမှတ်သစ်ပင် (National Tree) ဖြစ်ပါတယ်။

မြေဆီသြဇာထက်သန်ပြီး ရေစိမ့်ဝင်မှုအားကောင်းတဲ့မြေ၊ မာကြောပြီး ရွှံ့စေးဆန်တဲ့မြေကို နှစ်သက်ပါတယ်။ မြေနိမ့်ပိုင်းဒေသတွေမှာ စိုက်ပျိုးဖို့တော့ မသင့်တော်ပါဘူး။ ကံ့ကော်ပင်ဟာဆိုရင် နှင်းခဲတဲ့ဒဏ်နဲ့ မိုးခေါင်တဲ့ ဒဏ်ကိုခံနိုင်ရည်ရှိပါတယ်။

အစေ့ကနေပေါက်တဲ့ ပျိုးပင်တွေဟာဆိုရင် စိုက်ပျိုးမယ့်အချိန်မှာ အပင်အမြင့် ၄၅ - ၅၀ စင်တီမီတာ (၁၇ - ၁၉ လက်မ) ရှိနေရင် သင့်တော်ပါတယ်။ ကံ့ကော်ပင်ဟာ ပတ်ဝန်းကျင်မှာ သဘာဝအတိုင်းမျိုးပွားပြီး ပေါပေါများများပေါက်ရောက်တာတွေ့ရပါတယ်။ ကံကော်ပင်ကို သဘာဝအတိုင်း မျိုးစေ့ကနေစိုက်ပျိုးမယ်ဆိုရင် ပန်းပွင့်ဖို့အတွက် အချိန်တော်တော်ကြာကြာ စောင့်ရမှာ ဖြစ်ပါတယ်။ ဒါပေမယ့် ယနေ့ခေတ်မှာတော့ အမြစ်တို့ ပင်စည်တို့ကိုဖြတ်ပြီး အပင်ပိုင်းမျိုးပွားနည်းတွေနဲ့မျိုးပွားကာ အပင်ငယ်ငယ်လေးတွေနဲ့ ပန်းပွင့်တဲ့ကံ့ကော်ပင်တွေကို အွန်လိုင်းမှာရော အပြင်မှာပါ ရောင်းချနေကြပြီဖြစ်ပါတယ်။ ကံ့ကော်ပင်ရဲ့ အပွင့်နဲ့ အသီးတွေဟာဆိုရင် ဆေးဘက်ဝင်ပြီး စီးပွားရေးအရလည်း အရေးပါပါတယ်။

ကံ့ကော်ပင်ကို တစ်နိုင်တစ်ပိုင်ပဲ အလှစိုက်ပျိုးမယ်ဆိုရင်တော့ အပင်ပေါက်တွေကို တစ်ပင်နဲ့ တစ်ပင် ပေ ၂၀ မှ ၂၅ ပေ ခွာပြီး စိုက်ပျိုးသင့်ပါတယ်။ စီးပွားဖြစ်စိုက်ပျိုးမယ်ဆိုရင်တော့ မြေကို ထယ်ထိုးထွန်ယက်ပြီး သဘာဝမြေသြဇာများ ကြိုတင်ထည့်ထားရမှာဖြစ်ပါတယ်။ ပေါင်းမြက်ကင်းစင်တဲ့မြေဖြစ်ဖို့လည်း အရေးကြီးပါတယ်။ ပြီးရင်တော့ အထက်မှာဖော်ပြခဲ့သလို ၁ နှစ်သားအရွယ် ပျိုးပင် (အပင်အမြင့် ၁၇ - ၁၉ လက်မ) ကို ၁၆ ပေပတ်လည်နဲ့ စိုက်ပျိုးနိုင်ပါတယ်။

ကံ့ကော်ပင် စိုက်ပျိုးထားတဲ့ ပထမ ၃ - ၄ နှစ်အတွင်းမှာဆိုရင် အပိုဝင်ငွေရရှိအောင် ချင်း၊ နနွင်း၊ ရှားစောင်းလက်ပက်နဲ့ နာနတ်တို့လို အပင်မျိုးတွေနဲ့ သီးရောစိုက်ပျိုးမယ်ဆိုရင် ပိုကောင်းပါတယ်။ ကံ့ကော်ပင်ဟာ အကြမ်းခံတာမို့ ပြုစုစောင့်ရှောက်ရတာလည်း နည်းပါတယ်။ စိုက်ပျိုးပြီး ပထမနှစ်အတွင်း မိုးရာသီရောက်တဲ့အခါမှာ ကွန်ပေါင်းမြေသြဇာကို ၁ ပင်လျှင် ၆ ပိဿာနှုန်းနဲ့ ထည့်ပေးသင့်ပါတယ်။ နောက်ပိုင်းမှာတော့ အပင်သက်တမ်းပေါ်မူတည်ပြီး နှုန်းထားတိုးသွားနိုင်ပါတယ်။ ပုံမှန် ပေါင်းမြက်ရှင်းပေးဖို့လည်း လိုအပ်ပါတယ်။ နွေရာသီလို ပူပြင်းတဲ့အချိန်မျိုးမှာတော့ ၁၅ ရက် ၁ ကြိမ်လောက် ရေပေးဖို့လိုအပ်ပါတယ်။ ထူးထူးခြားခြား ပိုးမွှားရောဂါကျရောက်တာမျိုး မရှိတာကလည်း ကံ့ကော်ပင်ရဲ့အားသာချက်ပဲဖြစ်ပါတယ်။ ကံ့ကော်ဟာ ပုံမှန်ဆိုရင် အပင်စိုက်ပျိုးပြီး ၄ နှစ်အကြာမှာ ပန်းပွင့်လေ့ရှိပါတယ်။ ယနေ့ခေတ်မှာတော့ ကိုင်းကူးဆက်ထားတဲ့ အပင်တွေရှိနေပြီဖြစ်တာကြောင့် ကံ့ကော်ပွင့်တွေကို တစ်နှစ်ပတ်လုံးနီးပါးတွေ့နေရပါတယ်။ ရေမြေဒေသနဲ့ မျိုးအပေါ်မူတည်ပြီး ပန်းပွင့်ချိန်ကတော့ ကွာခြားနိုင်ပါတယ်။ ကံ့ကော်ပင်ဟာဆိုရင် ဗမာတို့ရဲ့ နှစ်သစ်ကူးချိန် တန်ခူးလ (နွေရာသီ) မှာ ဝေဝေဆာဆာပွင့်လေ့ရှိကြပါတယ်။

Source - http://vikaspedia.in/agriculture/crop-production/package-of-practices/medicinal-and-aromatic-plants/mesua-ferrea

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...