ငါးခုံးမကြီးမွေးမြူရေးအကြောင်း သိကောင်းစရာ

    ငါးခုံးမကြီးကို အင်္ဂလိပ်အမည် Java barb (သို့မဟုတ်) Silver barb ဟုလည်းခေါ်ကြပါသည်။ ငါးခုံးမကြီးငါးမှာ မွေးမြူရေးကန်(ငါးကန်)များတွင် ကန်ရေ၏ အလယ်ပိုင်းနှင့်အောက်ခြေတွင် နေထိုင်ကျက်စားကြသည်။ စီးဆင်းနေသောရေထက် ရေသေတွင်နေထိုင်ရခြင်းကို ကြိုက်နှစ်သက်သည်။ အစာစားသောဓလေ့မှာ ကန်အတွင်းရှိ ရေပေါက်ပင်များ၊ ရေညှိ၊ ရေမှော်များကို စားသုံးကြပြီး ကျောရိုးမဲ့သတ္တဝါငယ်များကိုလည်း စားသုံးလေ့ရှိသည်။

    ငါးခုံးမကြီးမှ ထုတ်ယူရရှိသော ပီကျူထရီဂလင်း (Pituitary gland) ကို အခြားငါးမျိုးများ ဆေးထိုးသားဖောက်ရာတွင် အသုံးပြုနိုင်သည်။ ငါးခုံးမကြီးငါးမှာ ငါးကန်များအတွင်း၌လည်း သဘာဝအတိုင်း ဥချသားပေါက်လေ့ရှိကြသည်။

    ငါးခုံးမကြီးကို ၂၀၀၀ ပြည့်နှစ်တွင် ထိုင်းနိုင်ငံမှတင်သွင်းပြီး ၂၀၀၁ ခုနှစ်တွင် ငါးလုပ်ငန်းဦးစီးဌာနမှ သားပေါက်ထုတ်လုပ်ရောင်းချပါသည်။ အရွယ်ရောက်ငါးခုံးမကြီးသည် အလျား ၁၆ လက်မနှင့် အလေးချိန် ၁.၃ ပိဿာအထိ ကြီးထွားနိုင်ပါသည်။

    ငါးခုံးမကြီးငါးကိုမွေးမြူရာတွင် မွေးမြူနှုန်းထား (၁) ဧကလျှင် ငါးသားပေါက်ကောင်ရေ (၈၀၀၀-၁၂၀၀၀) လိုအပ်ပါသည်။ မွေးမြူသည့်ကာလမှာ (၆) လကြာမြင့်ပါသည်။ (၆) လခန့်ကြာပါက ငါးကြီးထွားနှုန်းမှာ (၃၀) ကျပ်သားရှိပါသည်။

    ငါးစာအဖြစ် ကန်အတွင်းရှိ သဘာဝအလျောက်ရရှိသော ရေညှိ၊ ရေမှော်များသာမက ဖွဲနု၊ ပဲဖတ်၊ ဝါဖတ်၊ အရွက်စိမ်းများကိုလည်း ကျွေးရပါမည်။

ငါးခုံးမကြီးငါးကို-

Phylum (မျိုးပေါင်းစု) - Chordata

Class (အမျိုးအစား) - Actinopterygii

Order (မျိုးစဉ်) - Cypriniformes

Family (မျိုးရင်း) - Cyprinidae

Genus (မျိုးစု) - Barbonymus

Species (မျိုးစိတ်) - Barbonymus gonionotus ဟူ၍ဖြစ်ကြပါသည်။

ဦးဇော် (dof)

(ဆောင်းပါးများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

မာလာမြိုင် ကုမ္ပဏီ ကြော်ငြာ

ပြောင်ခင်းမှာ ပေါင်းရှင်းဖို့ ဘူဒိုဇာ လာပြီ ဒိုး... ပြောင်းခင်း စိုက်နေရင်း ပေါင်းခင်းမဖြစ်သွားရအောင် မအပ်စပ်တဲ့ ပေါင်းတွေအကုန်ဒိုးဖို့ "ဘူဒိုဇာ" လာပြီဗျို့။ ပြောင်းခင်းထဲက ပေါင်းတွေကို အမြစ်ပြတ် သုတ်သင်ပေးမယ့် အစွမ်းထက်ထက် ဆေးတစ်လက် ဆိုရင် ပေါင်းမနိုင်ခင် "ပြောင်း" နိုင်ဖို့ ပြောင်းအထူး ရွေးချယ်ပေါင်းသတ်ဆေး "ဘူဒိုဇာ" နဲ့ဆိုရင် ဘယ်ပေါင်းတွေ ခံနိုင်ပါ့မလဲ? အဓိကပေါက်တတ်တဲ့ "မြေဇာ၊ မြက်ယား၊ ဆင်ငို၊ လက်သဲခွ၊ ဝမ်းဘဲစာ၊ လေးခွမြက်၊ ဝက်ကျွတ်၊ တောဟင်းနုနွယ်၊ မှိုချဥ်၊ ဟင်းဂလာ၊ ခွေးသေးပန်း၊ ဗောက်ပင်၊ ဗောက်လောက်ညို၊ ဆေးပုလဲ၊ ပရန္နဝါ၊ မြက်မုန်ညင်း" တို့ကို အမြစ်ပြတ် အထူးနှိမ်နင်းဖို့ "ဘူဒိုဇာ" ရှိရင် စိတ်သာချလိုက် ဦးကြီးတို့ရေ။ ပြောင်းဖူးပင် တစ်လသားမပြည့်မီ ပေါင်းအရွက် (၂-၄) ရွက် ထွက်ချိန်မှာ အချိန်မှန်မှန်နဲ့ မြန်မြန် သုံးထားဖို့ပဲ တိုက်တွန်းလိုက်ချင်တယ်ဗျ။ လက်မနှေးဘဲ အခုပဲ ပြောင်းခင်းထဲကပေါင်းတွေ "ဘူဒိုဇာ" နဲ့ ရှင်းလိုက်ရအောင်။

Read more

Facebook page သို့သွားရန်