‘တန်ဖိုးမြှင့်ထုတ်ကုန်တွေထုတ်လုပ်ကာ ဝင်ငွေတွေတိုးမြှင့်ကြမယ်’

ဝင်ငွေတိုးမြှင့်တဲ့အကြောင်း မပြောကြသေးခင် ကျွန်မတို့တွေ အောက်ကမေးခွန်းလေးတွေကို အတူတူ အရင်ဖြေကြည့်ကြရအောင်…

• တန်ဖိုးမြှင့်ထုတ်ကုန် ဆိုတာ ဘာလဲ?
• ဘာကြောင့်လုပ်သင့်တာလဲ?
• ဘယ်လိုလုပ်ရမှာလဲ?

အခုဆိုရင် အားလုံးပဲ အဖြေတွေအသီးသီး ရှိနေလောက်ကြပြီ ထင်ပါတယ်။ ကျွန်မရဲ့ အဖြေလေးတွေကိုလဲ မျှဝေပေးချင်ပါတယ်။

ပထမဆုံးအနေနဲ့ ‘တန်ဖိုးမြှင့်ထုတ်ကုန် ဆိုတာ ဘာလဲ’ ဆိုတာကနေ စပြီးဖြေပေးချင်ပါတယ်။ ဟုတ်ပါတယ်။ တန်ဖိုးမြှင့်ထုတ်ကုန်ဆိုတာ တောင်သူဦးကြီးတို့ လက်ထဲမှာရှိနေတဲ့ ကုန်ကြမ်းသီးနှံတွေကို အဆင့်မြှင့်တင်ပြီး ကုန်ချောအနေနဲ့ စားသုံးသူလက်ထဲရောက်အောင် ပြုလုပ်တဲ့ လုပ်ငန်းစဉ်ပဲ ဖြစ်ပါတယ်။ ဥပမာအနေနဲ့ ပြောပြရရင် သာမန်မုန်ညှင်းရွက်၊ ကြက်သွန်နီဥ၊ မုန်လာဥတို့ကနေ အချဉ် တည်ပြီး မုန်လာချဉ်၊ ရှမ်းချဉ် စတာ တွေပြုလုပ်ပြီး ဈေးကွက်ထဲ ရောင်းချနေတာတွေဟာ တန်ဖိုးမြှင့် ထုတ်ကုန်ပဲပေါ့..။

‘ဘာကြောင့်လုပ်သင့်တာလဲ’

            ကျွန်မတို့ မြန်မာနိုင်ငံဟာ သယံဇာတ အလွန်ပေါကြွယ်ဝပါတယ်။ ပေါကြွယ်ဝသလောက် ကျွန်မတို့ဟာ ဘာ့ကြောင့် ဖွံ့ဖြိုးဆဲနိုင်ငံပဲ ဖြစ်နေရတာလဲ? ဘာ့ကြောင့် ပင်ပန်းဆင်းရဲ နေကြသေးတာလဲ? ဟုတ်ပါတယ်။ ကျွန်မတို့မှာ နည်းပညာမရှိလို့ပါ။ သယံဇာတတွေကို တန်ဖိုးမြှင့်ထုတ်ကုန် (Value Added Product) ဖြစ်အောင် တွင်တွင်ကျယ်ကျယ် မလုပ်နိုင်ကြသေးလို့ပါ။ “အခုလက်ရှိ မလုပ်ကြသေးဘူးလား” ဆိုရင် လုပ်တော့ လုပ်နေ ကြပါပြီ။ ဥပမာပြောပြရရင် မြန်မာ့ထန်းလျက်ကို နိုင်ငံတကာ ဈေးကွက်ကို စတင်ထိုးဖောက်နေတဲ့ “Tree Food” ဆိုတဲ့ အမှတ်တံဆိပ်လေးဟာ ဈေးကွက်ထဲကို ရောက်ရှိနေပြီ ဖြစ်ပါတယ်။ ကုန်ကြမ်းတွေကြီးပဲ ထုတ် လုပ်နေကြမယ့်အစား တန်ဖိုးမြှင့်ထုတ်ကုန်လေးတွေကို နိုင်ငံတကာအဆင့်မီတဲ့အထိ အရည်အသွေး ကောင်း ကောင်း ကြိုးပမ်းထုတ်လုပ်ကြရင် ကိုယ်တွေရဲ့ မြန်မာ့ရိုးရာစားစရာတွေဟာ နိုင်ငံတကာဈေးကွက်မှာ ကောင်းကောင်း ထိုးဖောက်နိုင်မှာဖြစ်ပြီး ဝင်ငွေလဲ တိုးတက်လာနိုင်ပါတယ်။

တန်ဖိုးမြှင့်ထုတ်ကုန်တွေကတော့ ဟုတ်ပါပြီ ဝင်ငွေလဲတိုးပြီ ဆိုကြပါစို့။ ‘ဘယ်လိုလုပ်ရမှာလဲ’ မေးလာရင် ဟုတ်ကဲ့ပါ။ ဦးကြီးတို့ကို ဒီကနေပြီးတော့ မျှဝေပေးချင်ပါတယ်။

•သတင်းတွေကို အစဉ်မပြတ် နားစွင့်ပေးပါ။

သတင်းစာတွေ၊ စာစောင်တွေ၊ စိုက်ပျိုးရေးဦးစီးဌာန မြို့နယ်ရုံးတွေ၊ စိုက်ပျိုးမွေးမြူရေးဆိုင်ရာ မိုဘိုင်း အပလီကေးရှင်းတွေကနေ၊ လူမှုကွန်ရက်ကနေ တန်ဖိုးမြှင့်ထုတ်ကုန်ပြုလုပ်ဖို့ သက်ဆိုင်ရာ ဝန်ကြီးဌာနတွေ၊ ပုဂ္ဂလိကအဖွဲ့အစည်းတွေကနေ ဦးစီးပြုလုပ်ပေးလျက်ရှိပါတယ်။ အခမဲ့သင်တန်းတွေ ရှိသလို အခကြေးငွေနဲ့ သင်ကြားပေးတာမျိုး လဲရှိပါတယ်။ သင်ယူပါ၊ လေ့လာပါ၊ အသုံးချပါ။

 •တစ်ပိုင်တစ်နိုင် လုပ်ငန်းလေးတွေကနေ စတင်ပေးပါ။

            မိသားစုအိမ်တွင်းမှု လုပ်ငန်းတွေကနေ စတင်ပါ။ စားသုံးသူရဲ့ လိုချင်မှုနဲ့ လိုအပ်မှုကို သိပါစေ။ ရေရှည် လုပ်ကိုင်နိုင်အောင် ကြိုတင် အစီအစဉ်ရေးဆွဲပါ။

အစားအသောက်နဲ့ ဆေးဝါးကွပ်ကဲရေးဦးစီးဌာန (FDA) ကပေးတဲ့ အသိအမှတ်ပြုလက်မှတ် ဘယ်လို ရယူကြမလဲ?

            ကိုယ်တိုင်အစားအသောက်ထုတ်တော့မယ် FDA လက်မှတ် လျှောက်တော့မယ်ဆို လိုအပ်တဲ့ အချက် အလက်တွေကို မျှဝေပေးချင်ပါတယ်။

•   ထုတ်လုပ်ဖို့အတွက် အစားအသောက်ထုတ်လုပ်ခြင်း ထောက်ခံချက် လျှောက်ထားခြင်းပုံစံကို ဖြည့်စွက် လျှောက်ထား ရပါမယ်။
•  ထုတ်လုပ်မယ့် အစားအသောက်တွေရဲ့ အမှတ်တံဆိပ်၊ ထုပ်ပိုးပစ္စည်း၊ ထုပ်ပိုးအရွယ်အစားအလိုက် ထုတ် လုပ်မယ့် အစားအသောက်တွေရဲ့ ပုံစံကို တင်ပြရပါမယ်။
• ထောက်ခံချက် လျှောက်ထားမယ့် အမှတ်တံဆိပ်နဲ့ အမှတ်တံဆိပ် မှတ်ပုံတင်မိတ္တူလဲ လိုအပ်ပါတယ်။
• (Halal) အမှတ်အသား ပါမယ်ဆိုရင် (Halal)ထောက်ခံချက် တင်ပြရပါမယ်။
• လုပ်ငန်းဖွဲ့စည်းပုံနဲ့ ဝန်ထမ်းစာရင်း(အမည်၊ ပညာအရည်အချင်း၊ တာဝန်) တွေလဲ တင်ပြဖို့ လိုအပ်ပါတယ်။
• လုပ်ငန်းတည်နေရာပြ မြေပုံ။
• အဆောက်အဦးရဲ့ အခန်များ ဖွဲ့စည်းပုံပြမြေပုံ။
• အသုံးပြုတဲ့ စက်ကိရိယာများစာရင်းနဲ့ စက်ကိရိယာအလိုက် အသေးစိတ် သတ်မှတ်ချက်များ။
• အစားအသောက်ထုတ်လုပ်ပုံ အဆင့်ဆင့် ရှင်းလင်းဖော်ပြချက်။
• အစားအသောက်ထုတ်လုပ်ပုံ  အဆင့်ဆင့် ဓာတ်ပုံနဲ့တကွ ဖော်ပြချက်များ။
• အရည်အသွေးထိန်းသိမ်းမှု ဆောင်ရွက်ချက်များ။
• အစားအသောက်မှာ ပါဝင်တဲ့ပစ္စည်းများနဲ့ အသေးစိတ်သတ်မှတ်ချက်များ။
• အစားအသောက်ကိုင်တွယ်တဲ့ ဝန်ထမ်းတွေအတွက် မြို့နယ်ကျန်းမာရေးဦးစီးဌာနရဲ့ ဆေးစစ်ချက်။
• လုပ်ငန်းမှတ်ပုံတင်နဲ့ လိုင်စင်အထောက်အထား မိတ္တူများ။ (ဥပမာ- ပုဂ္ဂလိက စက်မှုလုပ်ငန်း မှတ်ပုံတင် လက်မှတ်၊ အိမ်တွင်းစက်မှုလက်မှုလုပ်ငန်း မှတ်ပုံတင်လက်မှတ်၊ မြို့နယ်စည်ပင်သာယာရေး အဖွဲ့မှ ထုတ်ပေးထားတဲ့ လုပ်ငန်းလိုင်စင်) တွေလိုအပ်ပါတယ်။

             ဒါကတော့ FDA အသိအမှတ်ပြုလက်မှတ် လျှောက်ဖို့အတွက် လိုအပ်တာလေးတွေပါ။ အသိအမှတ်ပြု လက်မှတ်ရထားတော့ စားသုံးသူတွေက ကိုယ့်ရဲ့စားသောက်ကုန်တွေကို ယုံကြည်စိတ်ချစွာနဲ့ ဝယ်ယူစားသုံးကြတော့မှာပေါ့။

             တောင်သူဦးကြီးများအားလုံး ကုန်ကြမ်းမှသည် စားသုံးသူများရဲ့ ကျန်းမာရေးနဲ့ ညီညွတ်သော တန်ဖိုးမြှင့် ထုတ်ကုန်များထုတ်လုပ်ပြီး ဝင်ငွေတွေ ဒီရေအလား တိုးတက်ကြစေကြောင်း ဆုမွန်ကောင်း တောင်းပေးလိုက်ပါ တယ်ရှင်…

မြတ်နန္ဒာအောင်

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်