စွဲမက်ဖွယ်ကောင်းတဲ့ ငှက်ပျောဝိုင်ပြုလုပ်နည်း

အားလုံးမင်္ဂလာပါ။ ကိုဗစ်ကာလအတော်ရှည်ကြာနေတုန်းပဲမို့ စာဖတ်သူတို့မရိုးရလေအောင် ဝိုင်လေးလုပ်ပြီးသောက်ကြည့်ဖို့ တိုက်တွန်းချင်ပါတယ်။ အခုက မိုးရာသီအစရောက်လာပြီဆို‌တော့ တကယ်မိုးရွာတဲ့ရက်မှာ ခပ်နွေးနွေးစူးရှရှဝိုင်လေးတစ်ခွက်သောက်ရင်း အိမ်မှာပဲ ပျော်ကြည့်ကြတာပေါ့ဗျာ။

ကဲလိုရင်းတိုရှင်းပဲ ရေးလိုက်ပါတော့မယ်။

ပါ၀င်ပစ္စည်းများ

(၁) ငှက်ပျောသီးအမှည့် ၂၁ ပေါင်

(၂) ရေသန့် ၅ ဂါလန်

(၃) သကြားဖြူ/ညို ၁၅-၂၀ပေါင်

(၄) စူပါမားကတ်တွေမှာတော့ ရှာ၀ယ်လို့ရနိုင်တဲ့ Acid blend တို့ ၊Tannin တို့ wine Nutrients တို့ရှာ၀ယ်လို့ရရင် ထည့်နိူင်ပါတယ်။ (သူတို့ပါရင် အရောင်ပိုမိုကောင်းမွန်ပြီးအနံ့အသက်ကပါ ဆွဲဆောင်မှုပိုကောင်းစေပါတယ်)

(၅) စပျစ်သီး(သို့) စပျစ်သီးခြောက် ၄ ပေါင်

(၆) တရုတ်တစေးလုံး ၅ လုံး

ပထမဦးစွာ ငှက်ပျောသီးများကို အပိုင်းပိုင်းလှီးပါ (သီးမွှေးငှက်ပျောသီးဆို ပိုကောင်းပါတယ်)။ ထို့နောက် ဒန်ခွက်အကြီးထဲကိုထည့်ပါ။ ရေ ၅ ဂါလန်ကိုထည့်၍ မီးအပူပေးပါ။ ငှက်ပျောသီးအပိုင်းများနဲ့အတူ ဖေါ်ပြပါသကြား ပမာဏကို ချင်တွယ်၍ ၄၅ မိနစ်ခန့်ကျိုချက်ပါ၊

မိနစ်အနည်းငယ်အအေးခံပြီးနောက်တွင် အထက်ဖေါ်ပြပါ နံပတ်စဉ် ၄၊ ၅၊ ၆ မှ ပစ္စည်းများကို သမစွာထည့်၍မွှေပါ။ ထို့နောက် အချိုဓာတ်‌ကြောင့် ပုရွက်ဆိတ်နှင့် အခြားအင်းဆက်များ မ၀င်ရောက်စေရန် အဖုံးလုံအောင်အုပ်၍ နာရီ၀က်ခန့်အအေးခံပါ။

အချဉ်ဖောက်ခြင်း (Fermentation) ဖြစ်စဉ်ပြုလုပ်ရန် အသင့်ပြုလုပ်ထားတဲ့ ကာဗွန်ဒိုင်အောက်ဆိုဒ်ထုတ်သည့် အဆို့ပါပုလင်းထဲသို့ ထည့်ပါ။ ထိုအကြောင်းကို စာရေးသူရေးသားထားတဲ့ ဆန်စပါကလင်ဝိုင်လုပ်နည်း မှာ အသေးစိတ်ဖတ်ရှုနိူင်ပါတယ်။ ကျိုချက်ထားသော ငှက်ပျောသီးအပိုင်းအစများနဲ့ သကြားပျော်ရည်အရောကို ကတော့နှင့်သေချာစွာထည့်ပါ။ ထို့နောက် ရေ ၆ ဂါလန်ဖြည့်ပါ။ အဆို့ကို စနစ်တကျပိတ်ပြီးနောက် ဓာတ်ပြုခြင်းဖြစ်စဉ် စတင်ပြီဖြစ်ပါတယ်။ ၁၂ နာရီခန့်အတွင်း ကာဗွန်ဒိုင်အောက်ဆိုဒ်ထွက်ရှိမှုကို လေ့လာကြည့်ပါ။ ရက်သတ္တပတ် ၃ ပတ်ခန့်ကြာပြီးနောက် Racking ဟုခေါ်သော အနည်ကျနည်းဖြင့် အခြား ဝိုင်လှောင်သည့်ပုလင်းထဲသို့ ရွှေ့ပြောင်းပါ။ အနံအရသာနဲ့ပြည့်စုံသော ငှက်ပျောသီးဝိုင်ဟာ မူရင်း‌ရေးသားသူရဲ့ တိုင်းထွာချက်များအရ အယ်လ်ကိုဟောပါ၀င်မှု ၂၀% ရှိတယ်လို့ ဆိုပါတယ်။ ကဲ မိုးရာသီရဲ့မိုးဖွဲဖွဲလေးကျတုန်း ကိုယ့်ရဲ့ ကိုယ်တိုင်လုပ်ဝိုင်လေးနဲ့ ဇိမ်ခံကြည့်ကြရအောင်လားဗျာ။

ပြည့်ဖြိုးသော်

B.Agr.Sc (Soil and Water Science)

ယခုဆောင်းပါးကို KMSS က ကူညီပံ့ပိုးထားပါသည်။

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)

ဗွေဆော်ဦး ကြော်ငြာ

ကိုယ်မွေးထားတဲ့ ငါး၊ ပုစွန်လေးတွေ မြန်မြန်ကြီး၊ များများရှင်စေချင်တယ်ဆိုရင်... အားဆေးကောင်းလေးတွေ ရှိနေပါတယ်ရှင့်... ငါး၊ ပုစွန်လေးတွေ အားရှိသန်မာထွားကျိုင်းသွားစေမဲ့ Aqua Calcium, Aqua Booster, Aqua Mix ဆိုတဲ့ ဆေးလေးတွေပါနော်.. Aqua Calcium ဆိုတာက.. နာမည်နဲ့လိုက်အောင်ပဲ ငါး၊ ပုစွန်တွေအတွက်လိုအပ်တဲ့ ကယ်လ်ဆီယမ်များ ခဲပျစ်ပါဝင်နေတဲ့ အရည်မျိုးဖြစ်ပြီး ဗီတာမင်စီလည်း ပါဝင်ပါတယ်ရှင့်..။ ဒါလေးထည့်ပေးလိုက်ရင် ငါး၊ ပုစွန်တွေရဲ့ ကြီးထွားနှုန်း၊ အရွယ်အစားနဲ့ အသက်ရှင်နှုန်းတို့ကို မြှင့်တင်ပေးပြီး ကန်ထဲမှာလည်း နိုက်ထရိတ်များလျော့ကျအောင် ဆောင်ရွက်ပေးမှာပါနော်..။ Aqua Booster ဆိုတာကတော့… ဘတ်တီးရီးယား၊ ဗိုင်းရပ်၊ ပရိုတိုဇိုအာတွေရဲ့ တိုက်ခိုက်မှုကို ခံနိုင်ရည်ပိုရှိစေမဲ့ အရေးပါတဲ့ ဇီဝကမ္မဆိုင်ရာ အာဟာရအားတိုးဆေးမျိုးပါ။ သူ့မှာက သြဂဲနစ်အက်စစ်အမျိုးမျိုး၊ glycan နဲ့ အမိုင်နိုအက်ဆစ်များ ပေါင်းစပ်ပါဝင်နေလို့ ငါး၊ ပုစွန်တွေရဲ့ ကျန်းမာရေးကော ဇီဝကမ္မဖြစ်စဉ်ကိုကော ကူညီထောက်ပံ့ပေးနိုင်ပါတယ်ရှင့်။ ဒါ့အပြင် အာဟာရစုပ်ယူနိုင်စွမ်းမြင့်စေပြီး အစာခြေအင်ဇိုင်းများကို လှုံ့ဆော်ပေးသလို ဘက်တီးရီးယားဒဏ်ကို လည်း ခံနိုင်ရည်ရှိစေလို့ ကြီးထွားနှုန်းနဲ့ ရှင်သန်နှုန်း မြင့်တက်စေမှာပါနော်။ နောက်တစ်ခု... Aqua Mix ကကောဆိုရင်တော့.. သူက ကယ်ဆီယမ်၊ မဂ္ဂနီဆီယမ်နှင့် ပိုတက်ဆီယမ် ပါဝင်တဲ့ အရောအ‌နှောဖြစ်လို့ ငါး၊ ပုစွန်လေးတွေရဲ့ အသက်ရှင် နှုန်းကို တိုးမြင့်စေပြီး အစာခြေစနစ်ကိုလည်း တိုးတက်စေပါတယ်။ ပြီးတော့ ကြွက်သားများ ကျုံ့ခြင်းတင်းခြင်းများကိုလျော့စေကာ အရေခွံလဲနှုန်းမြင့်စေပြီး အခွံများကို ပိုမာကြော လာစေနိုင်ပါတယ်။ ဒါတင်ပဲလားဆိုတော့...မဟုတ်သေးဘူး...ကြီးထွားနှုန်းလည်း ပိုကောင်းလာပြီး ဖမ်းဆီးချိန်မှာ အသွေးအရောင် လည်း ပိုလှနေစေမှာ ဖြစ်ပါတယ်ရှင့်။ ဆိုတော့ ဒါလေးတွေကို သုံးပေးမယ်ဆိုရင်... ငါး၊ ပုစွန်လေးတွေ ရှင်သန်ကြီးထွားနှုန်းမြင့်မားလာနိုင်တာဆိုတော့... ဝင်ငွေပိုတိုးလာမယ်ဆိုတာက ပြောနေစရာတောင် လိုမှာမဟုတ်ပါဘူးနော်.. ဒါလေးတွေလိုချင်တယ်ဆိုရင်တော့ ‘ဗွေဆော်ဦး’ မှာ ရနေပါပြီရှင့်...