နွားနို့မှ ထောပတ်(မခမ်း) ပြုလုပ်နည်း

    ယခုအချိန်ကာလတွင် Covid-19 ရောဂါ ကူးစက်ပြန့်ပွားနေမှုကြောင့် နို့စားနွားမွေးမြူထုတ်လုပ်သူ တောင်သူများအနေဖြင့် နွားနို့များ ရောင်းချရမှုနည်းပြီး ပိုနေသောနွားနို့များကို ကြာရှည်အထားခံ/ သိုလှောင်သိမ်းဆည်းနိုင်မည့် ထုတ်ကုန်ပစ္စည်းများ ထုတ်လုပ်ခြင်းဖြင့် အခက်အခဲများကို ဖြေရှင်းရာတွင် အထောက်အကူအချို့ဖြစ်စေရန် အလို့ငှာဖြစ်ပါသည်။ 

(ထောပတ်လုပ်နည်းကို သိနှင့်ပြီး ကျွမ်းကျင်ပြီးသော လုပ်ငန်းရှင်များကိုလည်း လေးစားလျှက် မိမိ၏ အတွေ့အကြုံအရ ထောပတ်လုပ်နည်းကိုဝေမျှလိုက်ရပါသည်။)

(၁) နွားနို့မှ အဆီ (ခရင်ဆီ) ကို အဆီလှည့်စက်ဖြင့်ထုတ်ယူပါ။

(၂) ခရင်ဆီကို ရေခဲသေတ္တာတွင် ၂၄ - ၄၈ နာရီခန့် ထားပြီး အအေးခံ၍ နှပ်ထားပါ။ အချိန်ကြာကြာထားလေ အဆီများနပ်၍ အဝါရောင်ဖျော့ဖျော့ဖြစ်လာပါမည်။

(၃) ရေခဲသေတ္တာထဲမှထုတ်ပြီး မွှေစက် သို့မဟုတ် သစ်သားယောင်းမဖြင့် မွှေပေးပါ။ အဆီနှင့်အရည် ကွဲထွက်သည်အထိ မွှေပေးရပါမည်။ ရေခဲရေထည့်ပြီးမွှေပေးပါက အဆီများလုံးပြီး သီးခြားကွဲထွက်လာပါမည်။

(၄) ထွက်လာသော နွားနို့အနောက်ရည်များကို သွန်ပစ်ပြီး ရေခဲရေဖြင့် ၂ - ၃ ကြိမ်ခန့် ပြန်ထည့်ပြီး ရေဆေးပေးပါ။ နွားနို့အရောင် အဖြူရောင်ကုန်သည်အထိ ဆေးပေးလျှင် ပို၍ကြာကြာအထားခံပါသည်။

(၅) ပြီးလျှင် မိနစ် ၃၀ ခန့် ရေစစ်ထားပြီး သစ်သားယောင်းမဖြင့် လုံးသွားအောင် ရိုက်ပေးပါ။ ရေအကုန်ထွက်သွားစေရန် ဖြစ်ပါသည်။

(၇) ပေါင်မုန့်/နံပြားနှင့် တွဲစားရန်အတွက် ဆားအနည်းငယ်ထည့်ပြီးနယ်ပါ။ မုန့်လုပ်ငန်းများတွင် အသုံးပြုလိုပါက ဆားမထည့်ရပါ။

(၈) ရေစစ်ပြီးလျှင် လေးထောင့်ပုံစံခွက်တစ်ခုတွင်ပလတ်စတစ်ခင်းပြီး ထောပတ်များကို သိပ်ထည့်ပါ။ ပလတ်စတစ်ဖြင့် သေချာထုပ်ပိုးပါ။ ထို့နောက် ရေခဲသေတ္တာတွင် ၂ နာရီခန့်ထားပါက အတုံးအထုပ်လိုက်ကို ထုတ်ယူနိုင်ပါသည်။

(၉) ရေရှည်သိမ်းထားလိုလျှင် ရေခဲသေတ္တာ၏ အောက်ထပ်အခန်းတွင်ထားပါက ၆ လမှ ၈ လအထိ အထားခံပြီး အပေါ်ထပ် အခဲအခန်းတွင်ထားပါက နှစ်ပေါက်တဲ့အထိ အထားခံပါသည်။ (မိမိ၏ အိမ်တွင် ၂ နှစ်ခန့် လက်တွေ့ထားဖူးပါသည်။)

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်