နာနတ်သီးခြောက်လုပ်ကြရအောင်

06/08/2020 12:30 PM တွင် စုမြတ်မြတ်မိုး စုမြတ်မြတ်မိုး မှ ရေးသား ပြီး Greenovator Greenovator မှ ပေးပို့ထားပါသည်။

    ယခုလိုမိုးရာသီမှာ နာနတ်သီးတွေ လှိုင်လှိုင်ပေါများနေပြီ​ဖြစ်ပါသည်။ နာနတ်သီးမှည့်ကို သဘာဝအတိုင်းစားခြင်း၊ ဖျော်ရည်ဖျော်သောက်ခြင်း၊ နာနနတ်ယိုထိုးခြင်းများဖြင့် စားသောက်ကြသော်လည်း နာနတ်သီးခြောက်ပြုလုပ်သူမှာ နည်းပါးပါသည်။

    နာနတ်သီးခြောက်ပြုလုပ်ရန် ပထမဦးစွာ နာနတ်သီးမှည့်များကို အခွံသင် အချပ်လေးများဖြစ်အောင်လှီးရပါမည်။ ထို့နောက် ပိုမိုချိုစေရန်နှင့် အရသာလေးပင်စေရန် သကြားနှင့်ဆားကို အရည်ဖျော်ကာ ထိုရေထဲတွင် နာနတ်သီးဖတ်များကို နာရီဝက်ခန့်စိမ်ပြီးနောက် ဇကာပေါ်တင်ကာ နေရောင်ပြင်းပြင်းတွင် တစ်ရက်ခွဲလှန်းပေးရပါမည်။ ပထမနေ့လှန်းပြီးသော် နှစ်ဖက်လှန်ပေးရပါမည်။ အကယ်၍ အခြောက်ခံစက်ဖြင့်အခြောက်ခံပါက အခြောက်ခံစက်တွင်အပူချိန် ၁၃၅ ဖာရင်ဟိုက်တွင် ၁၂ နာရီမှ ၁၆ နာရီကြာအောင်အခြောက်ခံရပါမည်။ တစ်နာရီခြားတစ်ခါ လှည့်ပေးရန်လိုပါသည်။ ခြောက်လာသော နာနတ်သီးများကို ဖန်ဘူးများဖြင့်လည်းကောင်း၊ အိတ်များဖြင့်စနစ်တကျထုပ်ပိုး၍လည်းကောင်း သိမ်းဆည်းနိုင်ပါသည်။

    စျေးကွက်တွင်မရောင်းရ၍ ပိုလျံပါကလည်း ဤနည်းအတိုင်းပြုလုပ်ရောင်းချနိုင်ပြီး ဝင်ငွေတိုးနိုင်သည့်အတွက် ရေးသားဖော်ပြလိုက်ရပါသည်။

https://m.youtube.com/watch?v=lAEpZcHlChE#

(ဆောင်းပါးများ/သတင်းများ ပြန်လည်ကူးယူဖော်ပြလိုပါက "အစိမ်းရောင်လမ်းမှ ကူးယူဖော်ပြပါသည်" ကို ထည့်ပေးရန် မေတ္တာရပ်ခံအပ်ပါသည်)