သဘာဝပစ္စည်းတွေနဲ့ ဆံပင်ပေါင်းတင်ကြမယ်

   အိမ်ရှင်မတွေဖြစ်လာရင် အိမ်အလုပ်တွေနဲ့ ကလေးတွဲလောင်းနဲ့ လှဖို့ပဖို့ မလုပ်နိုင်တော့ဘူးလို့ ထင်နေတာလားကွယ်။ အိမ်ထဲက မီးဖိုချောင်သုံးပစ္စည်းတွေဟာ လှဖို့ပဖို့ လုပ်ပေးနိုင်တယ်လေ။ အဲ့တော့  အိမ်နောက်ဖေးကိုဝင်ပြီး စိတ်ပြေလက်ပျောက် ဘာလုပ်လို့ရမလဲဆိုတာ မွှေကြည့်ကြတာပေါ့။ တွေ့ပါပြီ ဒီနေ့တော့ ဆံပင်ကို ပေါင်းတင်ကြမယ်။

(၁) အုန်းဆီ၊ ကြက်ဥနဲ့ သံလွင်ဆီ

    နက်မှောင်ပြီး ပြောင်လက်နေအောင်လို့ ဒီနည်းလမ်းကို သုံးနိုင်ပါတယ်နော်။ ဆံပင် အမျိုးအစားမရွေး သုံးလို့ရပါတယ်။ 

   ကြက်ဥတစ်လုံး၊ အုန်းဆီ စားပွဲတင်ဇွန်းတစ်ဇွန်း၊ သံလွင်ဆီ စားပွဲတင်ဇွန်းတစ်ဇွန်း ရောပြီးတော့ လိမ်းလိုက်ရုံပါပဲ၊ အနည်းဆုံးတစ်နာရီလောက်တော့ ထားပေးရပါမယ်။ ပြီးရင် ရေဆေးချတာပဲဖြစ်ဖြစ်၊  ခေါင်းလျှော်ရည်သုံးပြီး ဆေးတာပဲဖြစ်ဖြစ် လုပ်ပေးနိုင်ပါတယ်။ ရေအေးသုံးလည်းရတယ်။ ကြက်သီးနွေးရေနွေးလေး သုံးလည်းရတယ်ပေါ့။ အဲ့လိုဆိုရင်တော့ နက်ပြောင်တဲ့ ဆံကေသာကို ရမှာပါ။ 

(၂) ဒိန်ချဉ်၊ ပန်းသီးရှာလကာရည်နဲ့ ပျားရည်

   ဘယ်ဆံပင်အမျိုးအစားမဆို သုံးလို့ရပြီးတော့ သုံးပေးမယ်ဆိုရင်တော့ နက်မှောင်မယ်၊ အစိုဓာတ် ပြန်ထိန်းပေးတယ်။ ဆံပင်ကို ရှည်မြန်စေတယ်။ ပြီးတော့ ဦးရေပြားအဆီပြန်တာကို လျှော့ချပေးတယ်။ 

   ဒိန်ချဉ်က အရသာထည့်ထားကို မသုံးရပါဘူး။ ဒိန်ချဉ်လည်း (၁၀၀) မီလီလီတာ (ရေသန့်ဘူးကို ၁၀ ပုံပုံရင် တစ်ပုံလောက်ပါပဲ)ထည့်၊ ပန်းသီးရှာလကာရည် စားပွဲတင်ဇွန်းတစ်ဇွန်းထည့်ရမယ်။ နောက်တော့ ပျားရည် စားပွဲတင်ဇွန်းတစ်ဇွန်းထည့် သမအောင်မွှေပါ။ 

   ဦးရေပြားကနေ အနှံ့လိမ်းပြီးတော့ အနည်းဆုံး (၁၅) မိနစ်ထားပြီးတော ရေနွေးလေးနဲ့ အရင်ဆေးပါ။ နောက်မှ ရေဆေးတာ ခေါင်းလျှော်တာလုပ်ပေးပါ။ 

(၃) စတော်ဘယ်ရီနဲ့ အုန်းဆီ

   စတော်ဘယ်ရီ (၆) ကနေ (၈) လုံးလောက်ထည့်ပြီးတော့ အုန်းဆီ စားပွဲတင်ဇွန်းတစ်ဇွန်း ထည့်ပြီးတော့ အကုန်လုံးကိုရောကြိတ်လိုက်ပါ။ ပြီးတော့လိမ်း ခေါင်းအုပ်လေးနဲ့ ၁၀ မိနစ်လောက်အုပ်ထားပြီးတော့ ရေနွေးလေးနဲ့ ဆေး၊ ခေါင်းလျှော်..။

(၄) ထောပတ်သီးနဲ့ ကြက်ဥ

   ခြောက်သွေ့နေတဲ့ ဆံပင်တွေအတွက် အကောင်းဆုံး ကုထုံးလေးပါ။ ထောပတ်သီး တစ်ဝက်ကို ကြက်ဥအနှစ်တစ်လုံးနဲ့ ရောပြီးတော့ ကြိတ်တာဖြစ်ဖြစ် သမအောင်မွှေတာဖြစ်ဖြစ် လုပ်ပြီးတော့ ခေါင်းကိုလိမ်း ဦးရေတွေပါလိမ်းပြီး (၁၅) မိနစ်လောက် နှပ်ထားပေးပါ။ နောက်မှ ရေနွေးလေးနဲ့ဆေးပြီးတော့ ခေါင်းလျှော်လိုက်ပါ။ 

(၅) သရက်သီးနဲ့ သံလွင်ဆီ

   ဆံပင်ပါးတဲ့သူတွေအတွက်ပါနော်။ သရက်သီးအမှည့်တစ်လုံးကို ကျေအောင်ချေပြီးတော့  သံလွင်ဆီ စားပွဲတင်ဇွန်း (၂) ဇွန်းထည့်ပါ။ ရလာရင်တော့(၃)မိနစ်လောက် ခေါင်းကို ညင်ညင်သာသာလေး နှိပ်နယ်ပြီး မိနစ် (၃၀) လောက်ထားပါ။ နောက်မှ ရေနွေးလေးနဲ့ ဆေးချပြီးတော့ ခေါင်းလျှော်တာလုပ်ပေးပါ။ 

(၆) ငှက်ပျောသီးနဲ့ ပျားရည်

   ဆံပင်တွေရှုပ်တတ်တဲ့သူတွေအတွက် သင့်တော်တဲ့နည်းလေးပါပဲ။ ကောက်တဲ့ဆံသားတွေအတွက် ကောင်းတဲ့နည်းလမ်းလေးဖြစ်ပါတယ်။ 

   ငှက်ပျောသီး ခပ်လတ်လတ်တစ်လုံးနဲ့ ပျားရည် စားပွဲတင်ဇွန်းတစ်ဇွန်းရောကြိတ်ပြီးတော့ ခေါင်းမှာ နှံ့အောင်လိမ်းပေးပါ။ (၂၅) မိနစ် ထားပြီးတော့ ရေနွေးနွေးလေးနဲ့ ဆေးချပြီးရင်တော့ ခေါင်းလျှော်လို့ ရပါပြီနော်။  

ကဲ အဲ့လိုများ အိမ်မီးဖိုချောင်ထဲကနေရတဲ့ ပစ္စည်းတွေနဲ့သာ လွယ်လွယ်လေးလုပ်လို့ရတယ်ဆို ဆိုင်ကို ဘယ်သွားစရာလိုမလိမ့်လဲနော်။ အပန်းလည်း မကြီးဘူးလေ……..

ထွန်းဝင်းကျော်

https://girlwithcurves.com/6-diy-hair-masks-you-can-make-in-your-kitchen

မာလာမြိုင် ကုမ္ပဏီ ကြော်ငြာ

ဦးကြီးတို့ရဲ့ မြေကြီးက ရွှေသီးဖို့ပဲ ဖြစ်သင့်တာပေါ့။ ဒါပေမဲ့ စပါးခင်းထဲ ရွှေခရုရောက်လာပြီဆိုရင်တော့ မြေကြီးက ရွှေသီးဖို့ကို အနှောင့်အယှက် ကောင်းကောင်းကြီးပေးပါလိမ့်မယ်။ မြန်မာ့မျိုးရင်းခရုမဟုတ်တဲ့ တောင်အမေရိကမျိုးစိတ်ဖြစ်ပြီး မြန်မာနိုင်ငံကို ကျူးကျော်လာတဲ့ မျိုးစိတ်ဖြစ်တာကြောင့် အကောင်ပွားနှုန်းကလည်း အဆမတန် မြင့်တက်လာပါတယ်။ ခရုအမ တစ်ကောင်က တစ်ခါ ဥ မယ်ဆိုရင် ဥအရေအတွက် ၁၀၀ ကနေ ၁၀၀၀ အထိ အတွဲလိုက်ဥကြပြီး တစ်နှစ်မှာ ၃ ကြိမ်အထိ မျိုးပွားနိုင်ပါတယ်။ စပါးခင်းတွေမှာ ရွှေခရုကျပြီဆိုရင် ပန်းရောင် ဥ တွေ ကို စပါးပင်တွေမှာ တွေ့ရနိုင်ပါတယ်။ ဒီရွှေခရုတွေကို ရှင်းပစ်ဖို့အတွက်ကတော့ မာလာမြိုင်ရဲ့ ခရုဘုရင် ရှိနေပါပြီ။ ခရုဘုရင်က စားသေအစွမ်းနဲ့ အဆိပ်ငွေ့အာနိသင်ရှိတာကြောင့် ရွှေခရုတွေကို အထိရောက်ဆုံး ရှင်းပေးနိုင်မှာပါ။ အစွမ်းရှိပစ္စည်းဖြစ်တဲ့ Niclosamide -olamine 83.1% WP ပါဝင်ပြီး Chloronitrophenol ဆေးအုပ်စုထဲ ပါဝင်ပါတယ်။ ရေဖျော်ဆေးမှုန့်အမျိုးအစားဖြစ်လို့ ရေ ၂၀ လီတာဝင်တဲ့ဆေးဖျန်းပုံး တစ်ပုံးမှာ ၄၀ ကနေ ၅၀ ဂရမ်အထိ အသုံးပြုနိုင်ပါတယ်။ နှုန်းထားကိုတော့ တစ်ဧကမှာ ၁၅၀ ကနေ ၂၀၀ ဂရမ်နဲ့ တွက်ချက်ပေးထားပါတယ်။ သတိပြုရမှာတော့ ဆေးဖျန်းပြီးနောက်ပိုင်း စပါးခင်းအတွင်းမှာရှိတဲ့ ရေကို ၅ စင်တီမီတာနဲ့ ၃ ရက်ထားဖို့ လိုအပ်ပါတယ်။ ဆေးဖျန်းပြီး ၅၂ ရက်ကြာမှ ရိတ်သိမ်းသင့်ပါတယ်။ ခရုဘုရင်နဲ့ဆို စပါးခင်းကို ဒုက္ခပေးတဲ့ ရွှေခရုတွေကို ရှင်းလင်းနိုင်ပြီး မြေကြီးက ရွှေသီးနိုင်ပြီပေါ့ဗျာ။

Read more

Facebook Page သို့သွားရန်