စပါးခွံမြေဆွေး ပြုလုပ် သုံးစွဲနည်း

မကြာသေးမီက FFTC (Food and Fertilizer Technology Centre) မှ ထုတ်ဝေသော ဂျာနယ်တစ်စောင်တွင် စပါးခွံမြေဆွေးပြုလုပ်သုံးစွဲခြင်းနှင့် ပတ်သတ်သော စာတမ်းတစ်စောင်ကို ဖတ်ခွင့်ရလိုက်ရပါသည်။

ထိုစာတမ်း၏ ဖော်ပြချက်မှာ မလေးရှားနိုင်ငံတွင် နှစ်စဉ်နှစ်တိုင်း ဆန်စပါး ကြိတ်ခွဲစက်ရုံများမှ ထွက်ရှိသော ဘေးထွက်ပစ္စည်းများဖြစ်သည့် စပါးခွံများကို အစပထမ၌ စွန့်ပစ်ရန် အခက်အခဲရှိနေခဲ့သည်။ နောက်ပိုင်းတွင် ၎င်းပြဿနာအား ဖြေရှင်းရန် ထိုစပါးကြိတ်ခွဲစက်ရုံများမှ ထွက်ရှိသော စပါးခွံများကို မြေဆွေးအဖြစ် ထုတ်လုပ် ထုတ်ယူသုံးစွဲလျှင် ပတ်ဝန်းကျင် ညစ်ညမ်းမှုအားလည်း ကာကွယ်ရန်နှင့် အပင်များ စိုက်ပျိုးရာတွင် သဘာဝမြေဩဇာများအဖြစ်လည်း ပြန်လည် အသုံးပြုနိုင်ရန် စမ်းသပ်ထုတ်လုပ် အောင်မြင်ခဲ့ခြင်း ဖြစ်ပါသည်။ ကောင်းမွန်သော အစီအစဉ်တစ်ရပ် ဖြစ်ပါသည်။

ကျွန်တော်တို့ မြန်မာနိုင်ငံသည်လည်း စိုက်ပျိုးရေးကို အခြေခံသောနိုင်ငံဖြစ်ပြီး အထူးသဖြင့် ဆန်စပါးကို အဓိကထား စိုက်ပျိုးထုတ်လုပ် စားသုံးတင်ပို့ ရောင်းချသောနိုင်ငံ ဖြစ်ပါသည်။ နှစ်စဉ် စပါးမှထွက်ရှိသော ကောက်ရိုး စပါးခွံစသည့် ဘေးထွက်ပစ္စည်းများမှာ အလွန်များပြားလှပါသည်။ ၎င်းဘေးထွက် ပစ္စည်းများကို အခြားနေရာများတွင် ပြန်လည်အသုံးပြုခြင်း (ဥပမာ- လောင်စာအဖြစ် အသုံးပြုခြင်း) များလည်း ရှိပါသည်။ သို့သော်လည်း ၎င်းတို့အား စနစ်တကျ မြေဆွေးပြုလုပ်၍ အပင်များ စိုက်ပျိုးရာ၌ ပြန်လည် အသုံးပြုခြင်းကို ဆောင်ရွက်မှု နည်းပါးပါလိမ့်မည်။ ထို့ကြောင့် ကုန်ကျစရိတ်နှင့် ကရိကထလည်း များဟန်မတူသော မလေးရှားနိုင်ငံမှ ထုတ်လုပ်သုံးစွဲနေသည့် စပါးခွံ မြေဆွေး ပြုလုပ်သုံးစွဲနည်းကို စိတ်ပါဝင်စားသူများဆောင်ရွက်လုပ်ကိုင်နိုင် ရေးသား ဖော်ပြအပ်ပါသည်။ကုန်ကျစရိတ်နှင့် ကရိကထလည်း များဟန်မတူသော မလေးရှားနိုင်ငံမှ ထုတ်လုပ်သုံးစွဲနေသည့် စပါးခွံ မြေဆွေး ပြုလုပ်သုံးစွဲနည်းကို စိတ်ပါဝင်စားသူများဆောင်ရွက်လုပ်ကိုင်နိုင် ရေးသား ဖော်ပြအပ်ပါသည်။

ပြုလုပ်ဆောင်ရွက်နည်းများ

·         စွန့်ပစ်စပါးခွံများအား ယူရီးယား၊ ထုံး၊ ကြက်ချေး၊ သဘာမြေစေး တို့နှင့်အတူ ၁-၂ ရက်ခန့် ရေထဲတွင်စိမ်ထားပါ၊

·         ထို့နောက် ပိုသောရေများအားထုတ်ပစ်ပြီး ပလပ်စတစ်အစပေါ်တွင် ပုံပါ။

·         မြေဆွေးပြုလုပ် ထားစဉ်အတွင်း အစိုဓာတ်ကို ထိန်းထားနိုင်ရန် နောက်ပလပ်စတစ်စ တစ်ခုဖြင့် အုပ်ပေးပါ။

·         မြေဆွေးပုံအား ရေလောင်းပေးပြီး တစ်လတစ်ကြိမ် အထက်အောက် လှန်ပေးပါ။

၎င်းကို ၆ လအထိ ပြုလုပ်ပေးရမည်။ ဤသို့ဆောင်ရွက်ပေးခြင်းအားဖြင့် မြေဆွေးပုံအတွင်း ပါဝင်သော အရာဝတ္ထုပစ္စည်းများ ကောင်းစွာရောနှော သမသွားပြီး ဆွေးမြေ့မှုကိုလည်း မြန်စေပါသည်။ ပြုလုပ်ပုံ အဆင့်ဆင့်ကို ပုံတွင် ဖော်ပြထားသကဲ့သို့ နမှုနာကြည့်၍ ဆောင်ရွက် ပြုလုပ်နိုင်ပါသည်။

ဓာတ်ပုံ- မြေဆွေးပြုလုပ်ရန်စွန့်ပစ်ပစ္စည်းများစိမ်မည့်အုတ်ကန် (ပုံ- ၁)

ဓာတ်ပုံ- စပါးခွံများအား ကန်အတွင်းသို့လောင်းထည့်ပါ (ပုံ-၂)

ဓာတ်ပုံ- ယူရီးယား၊ ထုံး၊ ကြက်ချေးနှင့် သဘာဝမြေစေးတို့ ထည့်ပါ (ပုံ- ၃)

ဓာတ်ပုံ- ပိုသောရေများအားထုတ်ပစ်ပြီး ပလပ်စတစ်အစပေါ်တွင်ပုံပါ။ ပြီးနောက် အစိုဓာတ်ကို ထိန်းထားနိုင်ရန် နောက်ပလပ်စတစ်စ တစ်ခုဖြင့် အုပ်ပေးပါ။ (ပုံ-၄)

ဓာတ်ပုံ- မြေဆွေးပုံအား ရေလောင်းပေးပြီး တစ်လတစ်ကြိမ် အထက်အောက် လှန်ပေးပါ (ပုံ- ၅)

ဓာတ်ပုံ- အသုံးပြုရန် အသင့်ဖြစ်လာသော စပါးခွံမြေဆွေး

စပါးခွံမြေဆွေးတွင်ပါဝင်သောအာဟာရဓာတ်တန်ဖိုးများ

နိုက်ထရိုဂျင် - ဝ.၄ %

ဖော့စ်ပရပ် - ဝ.၆ 

ပိုတက် - ၁.၇ %

မဂ္ဂနီစီယမ်အောက်ဆိုဒ် - ဝ.၂ %

သံဓာတ်/အိုင်းရွန်း - ၄၃၀ (သန်းခိုင်နှုန်း)

သွပ်ဓာတ်/ဇင့် - ၆၈ (သန်းခိုင်နှုန်း)

ကြေးနီဓာတ်/ကော့ပါး - ၂၃ (သန်းခိုင်နှုန်း)

မင်းဂနိ - ၁၀၃ (သန်းခိုင်နှုန်း)

ဘိုရွန် - ၆ (သန်းခိုင်နှုန်း)

pH (မြေချဉ်ငံကိန်း) - ၆.၄

သီးနှံအမျိုးမျိုးတွင်အသုံးပြုရမည့်နှုန်းထား

ယာသီးနှံများ- ၁၀-၂၀ တန်/ဟက်တာ (၄.၀၅- ၈ တန် / ၁ ဧက)

လက်ဖက် - ၂၀-၂၅ တန်/ဟက်တာ (၈-၉ တန်/ ၁ ဧက)

ဆေးရွက်ကြီး - ၁၅-၂၀ တန်/ဟက်တာ( ၆ - ၈ တန် / ဧက )

စပျစ် - ၆ တန်/ဟက်တာ( ၂ တန်ခွဲ/ဧက) (ကြက်ချေး) - ၁၂ တန်/ဟက်တာ (ကြက်ချေးနှင့်စပါးခွံ) (၄.၈ တန် /၁ ဧက )

ရှောက်သံပရာလိမ္မော် - ၁၀ ကီလိုဂရမ်/တစ်ပင်

သေဘၤာ - ၁၀ တန္/ဟက္တာ(၄.၀၅ တန္/ ဧက)

နာနတ် - ၁၅ တန်/ဟက်တာ(၆ တန်/ ဧက)

အရွက်စားဟင်းသီးဟင်းရွက်များ - ၁၀-၂၀ တန်/ဟက်တာ(၄- ၈ တန်/ ဧက)

အသီးစားဟင်းသီးဟင်းရွက်များ - ၁၀-၂၀ တန်/ဟက်တာ(၄- ၈ တန်/ ဧက)

အမြစ်စားဟင်းသီးဟင်းရွက်များ - ၁၀-၃၀ တန်/ဟက်တာ(၄- ၁၂ တန်/ ဧက)

ဥစား ဟင်းသီးဟင်းရွက်များ - ၁၀-၂၀ တန်/ဟက်တာ (၄- ၈ တန်/ ဧက)

အလှစိုက်ပန်းများ - ၁၀-၂၀ တန်/ဟက်တာ (၄- ၈ တန်/ ဧက)

ဟန်ဖြိုးအောင် (ဥယျာဉ်ခြံ)

၂၅-၁၀-၂၀၀၈

Source: FFTC

Farm Link Co.,Ltd ကြော်ငြာ

စပါးစိုက်ပျိုးဖို့ ပြင်နေကြပြီလား? ဒါဆို Farm Link ရဲ့ အထူး special product တွေနဲ့ မိတ်ဆက်ပေးလိုက်ပါတယ်.. 👉 Erase (အီရေစ့်) က ပေါင်းပင်တွေကို သေစေရုံတင်မကဘဲ နောက်ထပ် ပေါင်းသတ်ဆေး ထပ်ဖျန်းစရာ မလိုလောက်အောင်ကို ပေါင်းပေါက်ရောက်မှုကို ထိထိရောက်ရောက် ဟန့်တားပေးနိုင်ပါတယ်။ 👉 စမတ်သီးစုံဆိုတာ အပင်တိုင်းအတွက် အဓိကအာဟာရNPK (19:7:8)နဲ့ #ဟူးမစ်အက်စစ်တို့ အချိုးကျ ပေါင်းစပ်ထားတဲ့ ကွန်ပေါင်းဓာတ်မြေဩဇာဖြစ်ပါတယ်။ အဓိကအကျိုးကျေးဇူးတွေအနေနဲ့ကတော့ နိုက်ထရိုဂျင် 19%ပါဝင်တဲ့အတွက် ကလိုရိုဖီးလ်ဖွဲ့စည်းမှုကို အားပေးကာ သီးနှံပင်များ၏အရွက်များစိမ်းလန်းသန်စွမ်းပြီး အစာချက်လုပ်မှုအားကောင်းစေပါတယ်။ 👉 ဆလက်ပလက်စ်ဆိုတာ စပါးဆစ်ပိုး (Rice stem borer) ၊ စပါးရွက်လိပ်ပိုး(Rice leaf folder)၊ စပါးင​မြောင်​တောင်ပိုး( Rice armyworm) စတဲ့ စပါးဖျက်ပိုး​တွေကိုလည်း ၇၀%အထိကို ကာကွယ်နှိမ်နင်းနိုင်ပါတယ်။ 👉စပါးနှံတွေ ထွက်လာခါမှ ဂုတ်ကျိုးရောဂါကြောင့် အနှံဖြူပြီး ပျက်စီးသွားတာဟာ တောင်သူတို့အတွက် အကြီးမားဆုံး ဆုံးရှုံးမှုပါပဲ။ ဒီဆုံးရှုံးမှုကို အမြစ်ပြတ် တားဆီးဖို့ဆိုရင် ရှူးဝါး ကိုသာ သတိရလိုက်ပါ။ 👉စပါးခင်းမှာ ရွက်ဖျားဝါပြီး မီးလောင်သလို အကွက်လိုက်ဖြစ်ကာ တဖြည်းဖြည်းခြောက်လိုက်လာပြီဆို အဲ့ဒါကိုဖြုတ်လောင်ခြင်း (hopper burn)လို့ခေါ်ပါတယ်။ မထိန်းချုပ်နိုင်အောင် ဆိုးဆိုးရွားရွာကျရောက်ပါက အထွက်နှုန်းကို ရာနှုန်းပြည့်ထိ ဆုံးရှုံးစေနိုင်တာတာကို ဗိုက်တာဂရိုကိုသာ ထိန်းချုပ်နိုင်တာပါ

Read more